ആഴത്തിലേക്കും തുളച്ചെത്തി വൻനാശം വരുത്തും; നസ്രള്ളയ്ക്കുമേൽ വർഷിച്ച ‘ബങ്കർ ബസ്റ്റർ’ US-ന്റെ സമ്മാനം

ജറുസലേം: ലെബനനിലെ സായുധസംഘവും രാഷ്ട്രീയശക്തിയുമായ ഹിസ്ബുള്ളയുടെ തലവൻ ഹസൻ നസ്രള്ളയെ കൊലപ്പെടുത്താൻ ഇസ്രയേൽ ബങ്കർ ബസ്റ്റർ ബോംബുകൾ ഉപയോ​ഗിച്ചതായി ഇറാൻ ആരോപണം. 5000 പൗണ്ട് ബങ്കർ ബസ്റ്റർ ബോംബ് ഉപയോ​ഗിച്ചതായാണ് ആരോപണം. യു.എസ് നൽകിയ ബോംബുകളാണ് ഇസ്രയേൽ ഉപയോ​ഗിച്ചതെന്നും ഇറാൻ പറയുന്നു. യു.എസ് സൈന്യം വികസിപ്പിച്ചെടുത്ത ആയുധങ്ങളാണ് ബസ്റ്റർ ബോംബുകൾ. സൈനിക ബങ്കറുകൾ, ഭൂ​ഗർഭ നിർമിതികൾ തുടങ്ങി പരമ്പരാ​ഗത യുദ്ധോപരണങ്ങൾക്ക് നശിപ്പിക്കാൻ കഴിയാത്ത ലക്ഷ്യസ്ഥാനങ്ങൾ തകർക്കുന്നതിനാണ് ബസ്റ്റർ ബോംബുകൾ ഉപയോ​ഗിക്കുന്നത്. കാലക്രമേണ, ഇവ യുദ്ധത്തിൽ അത്യന്താപേക്ഷിതമായി മാറുകയായിരുന്നു. നിർണായകമായ ലക്ഷ്യസ്ഥാനങ്ങൾ നിർവീര്യമാക്കുന്നതിന് ഇവ സേനകളെ പ്രാപ്തരാക്കുന്നു.


Source link