തുർക്കിയിൽ ന്യൂനപക്ഷങ്ങൾ ആക്രമിക്കപ്പെടുന്നുവെന്ന് റിപ്പോർട്ട്

റോം: ​തു​ർ​ക്കി​യി​ലെ മ​ത​ന്യൂ​ന​പ​ക്ഷ​ങ്ങ​ളാ​യ ക്രൈ​സ്ത​വ​ർ, യ​ഹൂ​ദ​ർ, അ​ലെ​വി​ത്ത​ർ തു​ട​ങ്ങി​യ​വ​രു​ടെ ആ​രാ​ധ​നാ​ല​യ​ങ്ങ​ൾ, മ​ത​സ്ഥാ​പ​ന​ങ്ങ​ൾ, ശ്മ​ശാ​ന​ങ്ങ​ൾ എ​ന്നി​വ​യ്ക്കു​ നേ​രേ ക​ഴി​ഞ്ഞ​വ​ർ​ഷം കൂ​ടു​ത​ൽ ആ​ക്ര​മ​ണ​ങ്ങ​ൾ ഉ​ണ്ടാ​യ​താ​യി ഫ്രീഡം ​ഓ​ഫ് ബി​ലീ​ഫ് ഇ​നീ​ഷ്യേ​റ്റീ​വി​ന്‍റെ റി​പ്പോ​ർ​ട്ട്. 2023ൽ ​ക്രൈ​സ്ത​വ സ്ഥാ​പ​ന​ങ്ങ​ളാ​ണ് ഏ​റ്റ​വു​മ​ധി​കം ആ​ക്ര​മി​ക്ക​പ്പെ​ട്ട​ത്. ഭീ​ഷ​ണി​പ്പെ​ടു​ത്ത​ലു​ക​ൾ, ക​യ്യേ​റ്റ​ങ്ങ​ൾ, ചു​മ​രു​ക​ളി​ൽ ഗ്ര​ഫീ​ത്തി എ​ഴു​ത​ൽ, ക​ല്ല​റ​ക​ളും ആ​രാ​ധ​നാ​ല​യ​ങ്ങ​ളും കേ​ടു​വ​രു​ത്തു​ക എ​ന്നി​ങ്ങ​നെ ആ​ക്ര​മ​ണ​ങ്ങ​ൾ ബ​ഹു​വി​ധ​മാ​ണ്. ക്രൈ​സ്ത​വ​രി​ൽ​ത​ന്നെ പ്രൊ​ട്ട​സ്റ്റ​ന്‍റ് വി​ഭാ​ഗ​ത്തി​ന്‍റെ സ്ഥാ​പ​ന​ങ്ങ​ളാ​ണ് അ​ക്ര​മി​ക​ളു​ടെ മു​ഖ്യ​ല​ക്ഷ്യം. യ​ഹൂ​ദ​രാ​ണ് അ​ടു​ത്ത​താ​യി കൂ​ടു​ത​ൽ ആ​ക്ര​മി​ക്ക​പ്പെ​ടു​ന്ന​ത്. കു​റ്റ​വാ​ളി​ക​ളെ ക​ണ്ടെ​ത്താ​നും നി​യ​മ​പ​ര​മാ​യി ശി​ക്ഷി​ക്കാ​നും ഭ​ര​ണ​കൂ​ടം മ​ടി​ക്കു​ന്ന​ത് സ്ഥി​തി കൂ​ടു​ത​ൽ വ​ഷ​ളാ​ക്കു​ന്ന​താ​യി പ​ഠ​ന​റി​പ്പോ​ർ​ട്ട് ത​യാ​റാ​ക്കി​യ ഫു​ൺ​സാ തെ​ക്കി​ൻ പ​റ​ഞ്ഞു. രാ​ജ്യ​ത്ത് മ​ത​സൗ​ഹാ​ർ​ദ​വും പ​ര​സ്പ​ര​ധാ​ര​ണ​യും ത​ക​രു​ന്ന​ത് കു​റ്റ​കൃ​ത്യ​ങ്ങ​ൾ ത​ട​യാ​ത്ത​തു​കൊ​ണ്ടാ​ണ്. വ​ർ​ഷ​ങ്ങ​ളാ​യി മ​ത​ന്യൂ​ന​പ​ക്ഷ​ങ്ങ​ൾ ഭീ​തി​യി​ലാ​ണ്. അ​വ​ർ അ​പ​വാ​ദ​പ്ര​ചാ​ര​ണ​ത്തി​ന്‍റെ ഇ​ര​ക​ളാ​ണ്. ചി​ല ആ​രാ​ധ​നാ​ല​യ​ങ്ങ​ൾ സ്ഥി​ര​മാ​യി ആ​ക്ര​മി​ക്ക​പ്പെ​ടു​ന്നു​ണ്ട്. ഒ​ക്‌​ടോ​ബ​ർ ഏ​ഴി​ലെ ഹ​മാ​സ് ഭീ​ക​രാ​ക്ര​മ​ണ​ത്തി​നു ശേ​ഷം സ്ഥി​തി കൂ​ടു​ത​ൽ ഗു​രു​ത​ര​മാ​ണെ​ന്ന് റി​പ്പോ​ർ​ട്ട് കു​റ്റ​പ്പെ​ടു​ത്തു​ന്നു.


Source link