പ്ലസ് വൺ പ്രവേശനം: ഇന്നു മുതൽ അപേക്ഷിക്കാം

തിരുവനന്തപുരം: ഒന്നാംവർഷ ഹയർ സെക്കൻഡറി,​ വി.എച്ച്.എസ്.ഇ ഏകജാലക പ്രവേശനത്തിനുള്ള ഓൺലൈൻ അപേക്ഷകൾ ഇന്നു മുതൽ 25ന് വൈകിട്ട് അഞ്ചുവരെ സമർപ്പിക്കാം. www.hscap.kerala.gov.in എന്ന വെബ്സൈറ്റിലൂടെ ഇന്ന് വൈകിട്ട് നാല് മുതൽ പ്ലസ് വൺ അപേക്ഷകൾ സ്വീകരിക്കും.

അപേക്ഷകർക്കായി സ്‌കൂളുകളിൽ ഹെൽപ് ഡെസ്കുകളുണ്ട്.​ ട്രയൽ അലോട്ട്‌മെന്റ് 29ന്. ആദ്യ അലോട്ട്‌മെന്റ് ജൂൺ അഞ്ചിനും രണ്ടാം അലോട്ട്‌മെന്റ് 12നും മൂന്നാം അലോട്ട്‌മെന്റ് 19നും നടക്കും. www.vhseportal.kerala.gov.in \ www.admission.dge.kerala.gov.in എന്നീ വെബ്‌സൈറ്റുകളിൽ കാൻഡിഡേറ്റ് ലോഗിൻ ക്രിയേറ്റ് ചെയ്ത് വി.എച്ച്.എസ്.ഇ അപേക്ഷകൾ സമർപ്പിക്കാം.