മംഗല്യ തടസ്സങ്ങള്‍ അനുഭവിക്കുന്നവര്‍ക്കുള്ള ജ്യോതിഷ പരിഹാരങ്ങള്‍
PC: AMISH THAKKAR / Unsplashമംഗല്യയോഗം എന്നത് നല്ലൊരു ഭാഗ്യം തന്നെയാണ്. അനുയോജ്യമായ ജീവിത പങ്കാളിയെ കിട്ടാന്‍ പലര്‍ക്കും പല തടസ്സങ്ങളും നേരിടുന്നു. പല കാരണങ്ങള്‍ക്കൊണ്ട് മംഗല്യ തടസ്സം നേരിടാം. ജ്യോതിഷപരമായി ചിന്തിക്കുമ്പോള്‍ ഗ്രഹനില പ്രശ്‌നങ്ങളോ ഗ്രഹദോഷങ്ങളോ ഒക്കെക്കൊണ്ട് മംഗല്യ തടസ്സങ്ങളുണ്ടായേക്കാം (Marriage Problems And Astrological Remedies). ഇതുപ്രകാരം ഒരാളുടെ ജാതകത്തിലെ വിവാഹം സംബന്ധിച്ച കാര്യങ്ങള്‍ ചിന്തിക്കുന്ന ഏഴാം ഭാവത്തില്‍ പാപ ഗ്രഹങ്ങള്‍ ഉണ്ടെങ്കില്‍ അവര്‍ക്ക് മംഗല്യ തടസ്സമുണ്ടെന്നാണ് മനസ്സിലാക്കേണ്ടത്.അതായത് ഏഴാം ഭാവത്തില്‍ കുജന്‍, ശനി, രാഹു എന്നീ ഗ്രഹങ്ങളുടെ സാന്നിദ്ധ്യം അവരുടെ വിവാഹം വൈകുന്നതിന് കാരണമാകും.എന്നിരുന്നാലും പാപഗ്രഹങ്ങള്‍ ഏഴാം ഭാവത്തില്‍ വന്നു എന്നതുക്കൊണ്ട് മാത്രം മംഗല്യ തടസ്സം ഉണ്ടാവുകയില്ല. ആ ഭാവം, പാപഗ്രഹങ്ങള്‍ക്കും അനിഷ്ടകരമാകുമ്പോഴാണ് പ്രശ്‌നങ്ങള്‍ ഉണ്ടാവാം. കൂടാതെ ഏഴാം ഭാവത്തിന് പാപ സംബന്ധം കണ്ടാലും മംഗല്യത്തിന് തടസ്സമായിരിക്കും. ഒന്നിലധികം പാപ ഗ്രഹങ്ങള്‍ ഏഴാം ഭാവത്തില്‍ പ്രതികൂലമായി നിന്നാല്‍ വിവാഹം താമസിക്കുയോ, അവര്‍ക്ക് നടക്കുന്ന മംഗല്യം അശുഭകരമായി ഭവിക്കുകയോ ചെയ്‌തേക്കാം.ജീവിതം മെച്ചപ്പെടുത്താന്‍ വെറ്റില കൊണ്ടുള്ള ജ്യോതിഷ പരിഹാരങ്ങള്‍മംഗല്യ യോഗത്തിന്റെ കാരകനായ ശുക്ര ഗ്രഹത്തിന് പാപ മധ്യ സ്ഥിതി, അതായത് ശുക്രന്റെ രണ്ടാം ഭാവത്തിലും പന്ത്രണ്ടാം ഭാവത്തിലും പാപഗ്രഹങ്ങള്‍ വന്നാലും മംഗല്യയോഗം താമസിക്കാം. ശുക്ര ഗ്രഹത്തിനൊപ്പം മറ്റ് പാപ ഗ്രഹങ്ങള്‍ വന്നാലും മംഗല്യ തടസ്സമാണ് ഫലം. ശുക്രന്‍ ദുര്‍ബലനായാലും, ശുക്രന്‍ നീചരാശിയായ കന്നിയില്‍ വന്നാലും വിവാഹം വൈകുന്നതിന് ഇടയാകും. അതിനാല്‍ മംഗല്യദോഷങ്ങള്‍ പോലെയുള്ള കാരണങ്ങള്‍ അറിയാനും അതിന് പരിഹാരത്തിനും ജ്ഞാനിയായ ജ്യോതിഷികളുടെ ഉപദേശം സ്വീകരിക്കുകയാണ് ഉത്തമം.മംഗല്യ തടസ്സത്തിനുള്ള ചില പൊതു പരിഹാരങ്ങള്‍ക്ഷേത്രങ്ങളിലെ ഭാഗവത സപ്താഹ യജ്ഞങ്ങളിലെ അഞ്ചാം ദിവസത്തെ ഭാഗമായ രുക്മിണി സ്വയംവരം, ശ്രവിക്കുകയും പ്രാര്‍ത്ഥിക്കുകയും ചെയ്യുന്നത് മംഗല്യയോഗത്തിനുള്ള അനുഗ്രഹം ലഭിക്കും.ഗ്രഹനിലദോഷങ്ങളോ മറ്റ് മംഗല്യദോഷങ്ങളോ ഉള്ളവര്‍ക്ക് ഉമാമഹേശ്വര പൂജ നടത്താവുന്നതാണ്. ഇതോടൊപ്പം ഉമാമഹേശ്വരന്മാരെ ഭജിച്ച് വ്രതവും അനുഷ്ഠിക്കുന്നത് ഉത്തമമായ ഫലം പ്രദാനം ചെയ്യും.ശിവക്ഷേത്രത്തിലോ, വിഷ്ണുക്ഷേത്രത്തിലോ, ദേവി ക്ഷേത്രത്തിലോ സ്വയംവര പുഷ്പാഞ്ജലി വഴിപാട് നടത്തുന്നത് ശുഭകരമാണ്. തിങ്കളാഴ്ച വ്രതം കൂടി അനുഷ്ടിച്ചാല്‍ ഫലസിദ്ധി വര്‍ദ്ധിക്കും.2023 ജൂണ്‍ 11 മുതല്‍ ജൂണ്‍ 17 വരെസ്വയംവര യന്ത്രം വിധിപ്രകാരം തയ്യാറാക്കി ധരിക്കുന്നത് മംഗല്യദോഷങ്ങളും തടസ്സങ്ങളും അകറ്റുകയും അനുയോജ്യരായ ജീവിത പങ്കാളി വന്നുഭവിക്കുകയും ചെയ്യും. ഇവര്‍ക്ക് പാര്‍വ്വതീ ദേവിയുടെ അനുഗ്രഹമവും പ്രാപ്തമാകും.അനുയോജ്യരായ ജീവിതപങ്കാളി ഉണ്ടാവാന്‍ ശ്രീഗണപതിയെ ഭജിക്കാം. ഗണപതി ഭഗവാന് 46 വെള്ളിയാഴ്ച താംബൂല ദക്ഷിണയും (വെറ്റില, അടയ്ക്ക, നാണയം, യഥാശക്തി ധനം) സമര്‍പ്പിക്കാം. കറുക, മുക്കുറ്റി, മാല, നാളികേരം എന്നിങ്ങനെ യഥാശക്തി സമര്‍പ്പിക്കുകയും ചെയ്യാം.മംഗല്യ തടസ്സങ്ങളാല്‍ വലയുന്നവര്‍ വ്യാഴാഴ്ച ദിവസങ്ങളില്‍ മഹാവിഷ്ണുവിനെ പ്രത്യേകമായി ഭജിക്കുക. ഒപ്പം വ്യാഴത്തിനും (ഗുരു) വിഷ്ണു ഭാഗവനും പ്രീതികരമായ ‘ഓം ബ്രം ബ്രഹസ്പതയേ നമഃ’ എന്ന മന്ത്രം 108 ഉരു ജപിക്കാവുന്നതാണ്.എത്ര ജന്മം എടുത്താലും മുന്‍ജന്മത്തിലെ ജീവിത പങ്കാളിയെ തന്നെ ആ ജന്മത്തിലും ലഭിക്കുന്ന നാളുകാര്‍!Disclaimer:ഈ പേജില്‍ പ്രസിദ്ധീകരിക്കുന്ന ലേഖനങ്ങള്‍ വിശ്വാസവുമായി മാത്രം ബന്ധം പുലര്‍ത്തുന്നതാണ്. ഇവയ്ക്ക് ശാസ്ത്രീയമായ സാധുതയുണ്ടോ എന്നത് തര്‍ക്കവിധേയമാണ്. സ്വന്തം തീരുമാനങ്ങളുടെ പുറത്ത് മാത്രം ഈ വിവരങ്ങള്‍ പിന്‍തുടരുക. പ്രാദേശികമായി പ്രചാരമുള്ള വിവരങ്ങള്‍ പ്രസിദ്ധപ്പെടുത്തുന്നു എന്നതിനപ്പുറം സമയം മലയാളം ഏതെങ്കിലും തരത്തില്‍ ഈ വിവരങ്ങള്‍ സാക്ഷ്യപ്പെടുത്തുന്നില്ല.
Source link
