മുടി നല്ല കട്ടിയായും ഭംഗിയായും വളരണമെന്ന് ആഗ്രഹിക്കാത്തവർ വളരെ കുറവാണ്. എത്ര ശ്രദ്ധിച്ചാലും പല കാരണങ്ങൾ കാരണം മുടി കൊഴിച്ചിൽ ഉണ്ടാകുന്നു. കാലാവസ്ഥ, പോഷകാഹാരക്കുറവ്, താരൻ എന്നിങ്ങനെ മുടി കൊഴിയാനുള്ള കാരണങ്ങൾ പലതാണ്. മാസങ്ങളോളം ഈ പ്രശ്നം നിലനിൽക്കുകയാണെങ്കിൽ ഡോക്ടറെ കാണുന്നതാണ് ഉത്തമം. സാധാരണ മുടികൊഴിച്ചിൽ വരുന്നവർക്ക് അത് എളുപ്പത്തിൽ മാറാനായി പരീക്ഷിക്കാൻ കഴിയുന്ന ചില മാർഗങ്ങൾ അറിയാം. ഇത് ആഴ്ചയിൽ ഒന്നോ രണ്ടോ തവണ മാത്രം ചെയ്താൽ മതി.
സ്റ്റെപ്പ് 1 – മുടിയിൽ നന്നായി എണ്ണ പുരട്ടുക. ഇതിനായി വെളിച്ചെണ്ണ അല്ലെങ്കിൽ ആൽമണ്ട് ഓയിൽ ഉപയോഗിക്കാം. എണ്ണയിൽ അൽപ്പം റോസ് മേരിയും വൈറ്റമിൻ ഇ കാപ്സ്യൂളും കൂടി ചേർക്കുന്നത് ഉത്തമമാണ്. ശേഷം ഡബിൾ ബോയിൽ ചെയ്ത് ഇളം ചൂടോടെ ശിരോചർമത്തിൽ പുരട്ടി പത്ത് മിനിട്ട് മസാജ് ചെയ്യുക.
സ്റ്റെപ്പ് 2 – എണ്ണ പുരട്ടി മസാജ് ചെയ്ത മുടിയിലേക്ക് ഒരു ഹെയർപാക്ക് പുരട്ടണം. ഇതിനായി ഉള്ളിനീരും മുട്ടിയുടെ വെള്ളയും കറ്റാർവാഴ ജെല്ലും ഉപയോഗിക്കാം. ഇവയെല്ലാം യോജിപ്പിച്ച് ശിരോചർമത്തിലും മുടിയിലും തേച്ച് പിടിപ്പിച്ച് 15 – 30 മിനിട്ട് വരെ വച്ച് കഴുകി കളയാവുന്നതാണ്. വീര്യം കുറഞ്ഞ ഷാംപൂ ഉപയോഗിച്ച് വേണം കഴുകി കളയാൻ.
സ്റ്റെപ്പ് 3 – മുടി ഉണക്കാനായി ചൂട് കാറ്റ് വരുന്ന ഹെയർ ഡ്രൈയർ ഉപയോഗിക്കാൻ പാടില്ല. 70 ശതമാനം വരെ ഉണങ്ങുമ്പോൾ മുടിയിൽ ഒന്നോ രണ്ടോ തുള്ലി വെളിച്ചെണ്ണ പുരട്ടണം. ഇത് മുടി ആരോഗ്യത്തോടെയിരിക്കാനും വെയിലിൽ നിന്ന് സംരക്ഷിക്കാനും സഹായിക്കും.
Source link