തിരുവനന്തപുരം: സംസ്ഥാന സെക്രട്ടറിയേറ്റില് നടന്ന ചര്ച്ചകളുമായി ബന്ധപ്പെട്ട് ചില മാദ്ധ്യമങ്ങള് പ്രചരിപ്പിക്കുന്ന വാര്ത്ത വസ്തുതാ വിരുദ്ധമാണെന്ന് സിപിഎം. നിയമസഭാ തിരഞ്ഞെടുപ്പില് അപ്രതീക്ഷിതമായി പരാജയമാണ് ഇടതുപക്ഷ ജനാധിപത്യ മുന്നണിക്കുണ്ടായത്. ജനങ്ങള്ക്ക് നല്കിയ വാഗ്ദാനങ്ങള് നടപ്പിലാക്കി മുന്നോട്ടുപോയ സംസ്ഥാന സര്ക്കാരിന് തുടര്ഭരണം പ്രതീക്ഷിച്ചിരുന്നതാണ്. ഇത് എന്തുകൊണ്ട് സാദ്ധ്യമായില്ല എന്ന പ്രശ്നം വിശദമായി പാര്ട്ടി സംസ്ഥാന സെക്രട്ടറിയേറ്റ് ചര്ച്ച ചെയ്യുകയുണ്ടായി. വന്ന പോരായ്മകളെ സംബന്ധിച്ച് വിമര്ശനപരവും, സ്വയം വിമര്ശനപരവുമായ ചര്ച്ചകള് സംസ്ഥാന സെക്രട്ടറിയേറ്റിലുണ്ടായി. ഏതെങ്കിലും വ്യക്തികളെ കുറ്റപ്പെടുത്തിക്കൊണ്ടുള്ള ചര്ച്ചകളായിരുന്നില്ല ഉയര്ന്നുവന്നത്. വന്ന പോരായ്മകള് പാര്ടിയിലുടനീളം പരിശോധിച്ച് ആവശ്യമായ തിരുത്തല് വരുത്താന് സംസ്ഥാന സെക്രട്ടറിയേറ്റ് ഐക്യകണ്ഠേന തീരുമാനിച്ചു. ശരിയായ പരിശോധന നടത്തി മുന്നോട്ടുപോയാല് ഈ പരാജയത്തെ അതിജീവിക്കാന് കഴിയുമെന്നും സംസ്ഥാന സെക്രട്ടറിയേറ്റ് വിലയിരുത്തി.
Source link
പാര്ട്ടിയെ ഇകഴ്ത്തി കാണിക്കാന് ശ്രമം നടക്കുന്നു, വാര്ത്തകള് വസ്തുതാവിരുദ്ധമെന്ന് സിപിഎം
