സംസ്ഥാനത്ത് ചൊവ്വാഴ്ച വരെ ശക്തമായ മഴ

തിരുവനന്തപുരം:സംസ്ഥാനത്ത് മദ്ധ്യ തെക്കൻ ജില്ലകളിലെ മലയോര മേഖലകളിൽ ചൊവ്വാഴ്ചവരെ ശക്തമായ വേനൽ മഴ തുടരും.ഇന്ന് തിരുവനന്തപുരം, പത്തനംതിട്ട, മലപ്പുറം, വയനാട് ജില്ലകളിൽ യെല്ലോ അലർട്ടാണ്.മഴയോടൊപ്പം മണിക്കൂറിൽ 50 കിലോമീറ്റർ വേഗതിയിൽ വീശുന്ന ശക്തമായ കാറ്റിന് സാദ്ധ്യതയുണ്ട്.ഇടിമിന്നൽ മുന്നറിയിപ്പുള്ളതിനാൽ ജാഗ്രത പാലിക്കണംകള്ളക്കടൽ പ്രതിഭാസം

കള്ളക്കടൽ പ്രതിഭാസത്തിന്റെ ഭാഗമായി തിരുവനന്തപുരം ജില്ലയിൽ (കാപ്പിൽ മുതൽ പൂവാർ വരെ) രാവിലെ 0.9 മുതൽ 1.1 മീറ്റർ വരെയും, കൊല്ലം ജില്ലയിൽ 0.9 മുതൽ 1.0 മീറ്റർ വരെയും ഉയർന്ന തിരമാലകൾക്ക് സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം.