പാര്‍ഷ്വലി സൈറ്റഡ് ഫുട്‌ബോൾ : കേരളം ജേതാക്കള്‍
കൊച്ചി: ഇന്ത്യന്‍ ബ്ലൈന്‍ഡ് ഫുട്‌ബോള്‍ ഫെഡറേഷന്‍ ആദ്യമായി സംഘടിപ്പിച്ച ദേശീയ പാര്‍ഷ്വലി സൈറ്റഡ് ഫുട്‌ബോള്‍ ചാമ്പ്യന്‍ഷിപ്പില്‍ ( ഭാഗിക കാഴ്ചശക്തിയുള്ളവരുടെ ടൂര്‍ണമെന്‍റ്) കേരളം ജേതാക്കളായി. ഫൈനലില്‍ ഒരു ഗോളിനെതിരേ രണ്ടു ഗോളുകള്‍ നേടിയാണ് കേരള ടീം കിരീടം ചൂടിയത്. കേരളത്തിനുവേണ്ടി എം.എസ്. സുജിത്, പി.പി. അഹദ് എന്നിവരാണു ഗോള്‍ നേടിയത്. ടൂര്‍ണമെന്‍റിലെ മികച്ച ഗോള്‍ കീപ്പറായി കേരളത്തിന്‍റെ മുഹമ്മദ് ഷുഹൈബിനെ തെരഞ്ഞെടുത്തു. എം.എസ്. സുജിത്താണ് മികച്ച താരം.
ഗ്വാളിയോറില്‍ നടന്ന ടൂര്‍ണമെന്‍റില്‍ ഹെഡ് കോച്ച് പി.എസ്. സുജിത്തിന്‍റെ നേതൃത്വത്തില്‍ ത്രീ ടു വണ്‍ ഫൗണ്ടേഷന്‍റെ പിന്തുണയോടെയാണു കേരള ടീം പങ്കെടുത്തത്.
Source link
