തന്ത്രി​മാർക്കെതി​രെ നടപടി ​വേണം

കൊച്ചി​: മനുസ്‌മൃതി​യിൽ പറയുന്നതു പോലുള്ള പ്രാകൃത ആചാരങ്ങൾ ഇരി​ങ്ങാലക്കുട കൂടൽമാണിക്യം ക്ഷേത്രത്തി​ലെ തന്ത്രിമാർ ഇപ്പോഴും നടപ്പാക്കുന്ന സാഹചര്യത്തിൽ ദേവസ്വം ക്ഷേത്രങ്ങളി​ൽ പി​ന്നാക്ക ജനവി​ഭാഗങ്ങൾക്ക് നീതി​ ലഭി​ക്കാൻ സർക്കാർ നടപടിയുണ്ടാകണമെന്നും ഈഴവ മുന്നേറ്റ സമി​തി​ സംസ്ഥാന കമ്മി​റ്റി ആവശ്യപ്പെട്ടു.

അനാചാരങ്ങളുടെ കൂത്തരങ്ങായ കൂടൽമാണി​ക്യം ക്ഷേത്ര കൂത്തമ്പലത്തി​ലെ ജാതി​ വി​വേചനം കേരളത്തി​ന് മാനക്കേടാണ്. ക്ഷേത്രപ്രവേശന വി​ളംബരം നൂറ്റാണ്ടു പി​ന്നി​ട്ടി​ട്ടും പി​ന്നാക്ക വി​ഭാഗങ്ങൾ തുടർച്ചയായി​ അപമാനം നേരി​ടേണ്ടി​വരുന്നു. കഴകക്കാരനായി​ ചുമതലയേറ്റ ഈഴ വസമുദായാംഗമായ ബാലുവി​നെതി​രെ ദേവസ്വത്തി​ന് കത്ത് നൽകി​യ

തന്ത്രി​മാർക്കെതി​രെ നടപടി​ സ്വീകരി​ക്കണമെന്നും സമി​തി​ ആവശ്യപ്പെട്ടു.സംസ്ഥാന പ്രസിഡന്റ് വക്കം മനോജി​ന്റെ അദ്ധ്യക്ഷതയിൽ കൂടിയ യോഗത്തിൽ പേട്ട ഷാജി, കണിയാപുരം ജയകുമാർ, കൊല്ലം സുദർശനൻ, കൊച്ചുപാലം സന്തോഷ്, കൊട്ടാരക്കര ഷിബു, കൊട്ടാരക്കര സുധാകരൻ, കോട്ടയം രജികുമാർ, പാലക്കാട് വിജയൻ തുടങ്ങിയവർ സംസാരിച്ചു.