കടിയിൽ വില്ലൻ വളർത്തുപൂച്ച, 2024ൽ കടിയേറ്റത് അഞ്ചു ലക്ഷത്തിലേറെ പേർക്ക്

കോലഞ്ചേരി: മനുഷ്യർക്ക് കൂടുതൽ കടിയേൽക്കുന്നത് വളർത്തുപൂച്ചകളിൽ നിന്ന്. 2024ൽ 5,02,402 പേർക്കാണ് പൂച്ചയുടെ കടിയേറ്റത്. 3,16,793 പേർക്ക് നായ്‌ക്കളുടെ കടിയുമേറ്റു. സർക്കാർ ആരോഗ്യകേന്ദ്രങ്ങളിൽ പേവിഷ പ്രതിരോധ കുത്തിവയ്പെടുക്കുന്നവരുടെ കണക്കാണിത്. യഥാർത്ഥ കണക്ക് ഇതിലേറെയാകും.

കൊവി​ഡി​നു ശേഷം കൂടുതൽ പേർ പൂച്ചകളെ വളർത്താൻ തുടങ്ങിയതാണ് കടിയേൽക്കുന്നവരുടെ എണ്ണം കൂടാൻ കാരണമെന്ന് മൃഗസംരക്ഷണ വിദഗ്ദ്ധർ പറയുന്നു. 2014ൽ 94,971 പേർക്കാണ് പൂച്ചയുടെ കടിയേറ്റത്.

ക‌ടി​യൻ നായ്‌ക്കളിൽ 95 ശതമാനവും വളർത്തുന്നവയാണ്. ലാളി​ക്കുമ്പോഴോ മരുന്ന് കൊടുക്കുമ്പോഴോ അറിയാതെ ഏൽക്കുന്ന ദംശനങ്ങളും പോറലുകളുമായാണ് വാക്‌സിനേഷനു വേണ്ടി​ അധി​കം പേരുമെത്തുന്നത്. ആക്രമി​ച്ച് കടി​ക്കുന്നത് കുറവാണ്.

തെരുവ് നായയാണോ വളർത്തുന്നവയാണോ കൂടുതൽ കടിക്കുന്നത് എന്നതിൽ ആരോഗ്യവകുപ്പ് ഡയറക്ടറേ​റ്റിൽ കൃത്യമായ കണക്കില്ല. വളർത്തുമൃഗങ്ങൾക്ക് പുറമെ നീർനായ, കാട്ടുപൂച്ച, കുറുക്കൻ, വവ്വാൽ, മുയൽ, ആട് എന്നീ ജീവികളുടെ കടിയേറ്റാലും പേവിഷ വാക്സിൻ എടുക്കാറുണ്ട്.

വർഷം………….നായ കടിച്ചവർ……പൂച്ച കടിച്ചവർ………പേവിഷബാധയേറ്റ് മരിച്ചവർ

 2020…………………..1,60,483………………2,25,154………………………………..05

 2021…………………. 2,21,379………………3,37,008………………………………..11

 2022…………………..2,88,866………………3,99,984………………………………..27

 2023…………………..3,06,427………………4,77,946………………………………..25

 2024…………………..3,16,793………………5,02,402………………………………..26