കാഞ്ഞങ്ങാട് മനോരമ സമ്പാദ്യം – ജിയോജിത് സൗജന്യ ഓഹരിനിക്ഷേപ സെമിനാർ ഫെബ്രുവരി 15 ന്
കാഞ്ഞങ്ങാട്: മനോരമ സമ്പാദ്യം, ജിയോജിത് ഫിനാൻഷ്യൽ സർവീസസ് എന്നിവയുടെ നേതൃത്വത്തിൽ സൗജന്യ ഓഹരി – മ്യൂച്വൽ ഫണ്ട് നിക്ഷേപ സെമിനാർ നടത്തുന്നു. കാഞ്ഞങ്ങാട് അലാമിപ്പള്ളി രാജ് റെസിഡൻസിയിൽ ഫെബ്രുവരി 15 ന് വൈകിട്ട് 3.30 മുതലാണ് പരിപാടി. കാഞ്ഞങ്ങാട് നഗരസഭ ചെയർപേഴ്സൺ സുജാത ടീച്ചർ സെമിനാർ ഉദ്ഘാടനം ചെയ്യും. നഗരസഭ വൈസ് ചെയർമാൻ ബിൽടെക് അബ്ദുള്ള അധ്യക്ഷ്യം വഹിക്കും.ഡോ. സനേഷ് ചോലക്കാട് (സെബി സ്മാർട്സ് & സി.ഡി.എസ്.എൽ. ട്രെയിനർ) സെമിനാറിൽ മുഖ്യപ്രഭാഷണം നടത്തും. ആന്‍റണി ജോസഫ് വി.ആർ (ജിയോജിത് റീജിയണൽ മാനേജർ) ഓഹരി വിപണിയെക്കുറിച്ചുള്ള സംശയങ്ങൾക്കു മറുപടിപറയും. സെമിനാറിന്‍റെ ഭാഗമായി നിക്ഷേപ മേഖലയുമായി ബന്ധപ്പെട്ട ക്വിസ് മത്സരവും ഉണ്ടായിരിക്കും. വിജയികൾക്ക് ജിയോജിത്, മനോരമ ഇയർ ബുക്ക് എന്നിവയുടെ സമ്മാനങ്ങളും ലഭിക്കും. മലയാള മനോരമ, ജിയോജിത് എന്നിവയുടെ സ്റ്റാളുകളും ഉണ്ടായിരിക്കും.
Source link
