‘ കേരളത്തിൽ നിക്ഷേപിക്കാൻ കമ്പനികൾക്ക് ആശങ്കയില്ല’

കൊച്ചി: കേരളത്തിൽ നിക്ഷേപം നടത്താൻ പഴയതുപോലെ കമ്പനികൾ ഇപ്പോൾ ആശങ്കപ്പെടുന്നില്ലെന്ന് ഇൻഫോ പാർക്ക് സിഇഒ സുശാന്ത് കുറുന്തിൽ. കളമശേരി ചാക്കോളാസ് പവലിയനിൽ നടന്ന കോൺഫെഡറേഷൻ ഓഫ് റിയൽ എസ്റ്റേറ്റ് ഡവലപ്പേഴ്സ് അസോസിയേഷൻ ഓഫ് ഇന്ത്യ (CREDAI) കേരള ഘടകത്തിന്റെ എട്ടാമത് സംസ്ഥാന സമ്മേളനത്തിൻ്റെ സമാപന ദിനത്തിൽ പങ്കെടുത്ത് സംസാരിക്കുകയായിരുന്നു അദ്ദേഹം. പദ്ധതികൾ വളരെ വേഗം നടപ്പാകണമെങ്കിൽ ദീർഘവീക്ഷണമുള്ള നേതാക്കൾ ആവശ്യമാണെന്ന് അദ്ദേഹം പറഞ്ഞു. ‘ഐടി മേഖലയിലെ കുതിച്ചുചാട്ടം’ എന്ന വിഷയത്തിൽ നടന്ന പാനൽ ചർച്ചയിൽ ജിസിഡിഎ ചെയർമാൻ കെ ചന്ദ്രൻ പിള്ളയും പങ്കെടുത്തു. ക്രെഡായ് കൊച്ചി ജനറൽ കമ്മിറ്റി മെമ്പർ എം വി ആന്റണി മോഡറേറ്ററായിരുന്നു. 


Source link