പകുതി വിലയ്ക്ക് സ്‌കൂട്ടർ ; അനന്തുവിന്റെ ഡയറി കിട്ടി, പങ്കുപറ്റിയവർ പ്രതിയാകും

കൊച്ചി/കോലഞ്ചേരി: പകുതിവില സ്കൂട്ടർ തട്ടിപ്പിലെ മുഖ്യപ്രതി തൊടുപുഴ കുടയത്തൂർ സ്വദേശി അനന്തുകൃഷ്ണന്റെ പണമിടപാട് വിവരങ്ങളടങ്ങിയ രണ്ടു ഡയറികൾ പൊലീസ് കണ്ടെടുത്തു. മൂവാറ്റുപുഴ പായിപ്രയിലെ ഇയാളുടെ ഓഫീസിൽ നടത്തിയ തെളിവെടുപ്പിനിടെയാണ് ഇവ കണ്ടെത്തിയത്. ഇതിൽ തട്ടിപ്പിന്റെ പങ്കുപറ്റിയവരുടെ വിശദാംശം ഉള്ളതായാണ് വിവരം.

കഴിഞ്ഞ ദിവസത്തെ ചോദ്യംചെയ്യലിൽ പണം നൽകിയവരുടെ പേരുകൾ അനന്തുകൃഷ്ണൻ വെളിപ്പെടുത്തിയിരുന്നു. ഇയാളുടെ ബാങ്ക് അക്കൗണ്ടുകളിൽ പരിശോധന പുരോഗമിക്കുകയാണ്.

തട്ടിപ്പു പണംകൊണ്ട് ഇടുക്കിയിലും ഈരാറ്റുപേട്ടയിലും വാങ്ങിയ ആറു സ്ഥലങ്ങളിൽ അനന്തുകൃഷ്ണനെ ഇന്നലെ എത്തിച്ച് തെളിവെടുത്തു. ഈരാറ്റുപേട്ടയിലാണ് ആദ്യം എത്തിച്ചത്. ഇവിടെ പ്രതിഷേധവുമായി നാട്ടുകാർ എത്തി. തുടർന്ന് ശങ്കരപ്പിള്ളി, കോളപ്ര, കുടയത്തൂർ എന്നിവിടങ്ങളിലും തെളിവെടുത്തു. കോളപ്രയിൽ രണ്ട് ഇടങ്ങളിലായി അനന്തുകൃഷ്ണൻ ഭൂമി വാങ്ങിയിരുന്നു.

ഇടുക്കിയിൽ ഇയാൾ ബിനാമി പേരുകളിൽ ഭൂമി വാങ്ങിയിട്ടുണ്ടെന്നാണ് പൊലീസിനു ലഭിച്ച വിവരം. ആളുകൾ കൂടിയതിനാൽ വീട്ടിലെത്തിച്ചുള്ള തെളിവെടുപ്പ് നടന്നില്ല. ഇന്ന് എറണാകുളം പനമ്പള്ളി നഗറിലെയും കളമശേരിയിലെയും ഓഫീസുകളിൽ തെളിവെടുക്കും. അനന്തുകൃഷ്ണന്റെ കസ്റ്റഡി കാലാവധി നാളെ അവസാനിക്കും. വാങ്ങിക്കൂട്ടിയ സ്ഥലങ്ങളുടെ ആധാരങ്ങൾ കസ്റ്റഡിയിലെടുത്ത് ക്രയവിക്രയ സാധുത മരവിപ്പിക്കും. മൂവാറ്രുപുഴയിലെ ഒരു ഓഫീസിലും വീട്ടിലുമായാണ് ആധാരങ്ങൾ സൂക്ഷിച്ചിട്ടുള്ളതെന്നാണ് അനന്തുകൃഷ്ണന്റെ മൊഴി. ഇന്നത്തെ തെളിവെടുപ്പിൽ ആധാരങ്ങൾ ലഭിക്കുമെന്ന പ്രതീക്ഷയിലാണ് പൊലീസ്.

 18000 പേർക്ക് മാത്രം
പകുതിവിലയ്‌ക്ക് സ്‌കൂട്ടർ നൽകാമെന്ന് വിശ്വസിപ്പിച്ച് 40,000 പേരിൽ നിന്നാണ് അനന്തുകൃഷ്ണൻ പണം കൈപ്പറ്റിയത്. ഇതിൽ 18,000 പേർക്ക് മാത്രമേ സ്‌കൂട്ടർ കൈമാറിയുള്ളൂ. വിവിധ സാധനങ്ങൾ പകുതിവിലയിൽ നൽകാമെന്നു പറഞ്ഞ് 95,000ലധികം ആളുകളിൽ നിന്ന് പണം വാങ്ങിയിട്ടുണ്ടെന്നാണ് പൊലീസിന്റെ കണ്ടെത്തൽ.

 ഇന്നലെ 6 കേസ്

പകുതിവില തട്ടിപ്പിൽ ഇന്നലെ എറണാകുളം ജില്ലയിൽ ആറ് കേസുകൾ രജിസ്റ്റർ ചെയ്തു. പിറവം, കൂത്താട്ടുകുളം, മുളന്തുരുത്തി എന്നിവിടങ്ങളിൽ ഓരോന്നും വടക്കൻ പറവൂരിൽ മൂന്നുമാണ് കേസുകൾ. പറവൂരിൽ ജനസേവാസമിതി ട്രസ്റ്റ് ഭാരവാഹികളെയടക്കമാണ് പ്രതിചേർത്തിരിക്കുന്നത്. ഇവിടെ മാത്രം പരാതി 535ആയി.

പ​കു​തി​ ​വി​ല​ ​സ്കൂ​ട്ട​ർ​ ​കേ​സ് ​ഉ​ടൻ
ക്രൈം​ബ്രാ​ഞ്ച്ഏ​റ്റെ​ടു​ക്കും
​ത​ല​സ്ഥാ​ന​ത്തും​ ​ആ​റ് ​കോ​ടി​ ​ത​ട്ടി

സ്വ​ന്തം​ ​ലേ​ഖ​കൻ

തി​രു​വ​ന​ന്ത​പു​രം​:​ ​പാ​തി​വി​ല​യ്‌​ക്ക്‌​ ​സ്കൂ​ട്ട​റും​ ​മ​റ്റും​ ​ന​ൽ​കാ​മെ​ന്നു​ ​മോ​ഹി​പ്പി​ച്ച്‌​ ​കോ​ടി​ക​ൾ​ ​ത​ട്ടി​യ​വ​ർ​ക്കെ​തി​രാ​യ​ ​അ​ന്വേ​ഷ​ണം​ ​ഉ​ട​ൻ​ ​ക്രൈം​ബ്രാ​ഞ്ച്‌​ ​ഏ​റ്റെ​ടു​ക്കും.​ ​ക്രൈം​ബ്രാ​ഞ്ച് ​ഐ.​ജി​യു​ടെ​ ​മേ​ൽ​നോ​ട്ട​ത്തി​ൽ​ ​അ​ത​ത്‌​ ​ജി​ല്ല​ക​ളി​ലെ​ ​ക്രൈം​ബ്രാ​ഞ്ച്‌​ ​യൂ​ണി​റ്റു​ക​ളെ​ ​അ​ന്വേ​ഷ​ണം​ ​ഏ​ൽ​പ്പി​ക്കാ​നാ​ണ്‌​ ​സാ​ദ്ധ്യ​ത.​ ​ഒ​രേ​ ​ത​ര​ത്തി​ലു​ള്ള​ ​ത​ട്ടി​പ്പു​ക​ളാ​ണ്‌​ ​എ​ന്ന​തി​നാ​ൽ​ ​എ​ല്ലാ​ ​കേ​സു​ക​ളും​ ​ഏ​കോ​പി​പ്പി​ക്കാ​നാ​കും.​ ​ഇ​ന്നോ​ ​നാ​ളെ​യോ​ ​അ​ന്വേ​ഷ​ണ​സം​ഘം​ ​രൂ​പീ​ക​രി​ച്ച് ​ഉ​ത്ത​ര​വി​റ​ങ്ങും.
പ​കു​തി​ ​വി​ല​ ​ത​ട്ടി​പ്പ് ​ത​ല​സ്ഥാ​ന​ത്തും​ ​അ​ര​ങ്ങേ​റി.​ ​ഏ​ഴ് ​സ​ന്ന​ദ്ധ​ ​സം​ഘ​ട​ന​ക​ളി​ൽ​ ​നി​ന്നാ​യി​ ​ആ​റു​ ​കോ​ടി​യോ​ളം​ ​രൂ​പ​ ​ത​ട്ടി​ച്ച​താ​യാ​ണ് ​പ​രാ​തി.​ത​ല​സ്ഥാ​ന​ത്ത് ​പ്ര​വ​ർ​ത്തി​ക്കു​ന്ന​ ​മി​ത്രം​ ​ചാ​രി​റ്റ​ബി​ൾ​ ​സൊ​സൈ​റ്റി​ ​ട്ര​സ്റ്റ്,​​​ട്രാ​വ​ൻ​കൂ​ർ​ ​അ​ഗ്രി​ ​ലൈ​വ് ​സ്റ്റോ​ക്ക് ​ഫാ​ർ​മേ​ഴ്സ് ​പ്രൊ​ഡ്യൂ​സേ​ഴ്സ് ​ക​മ്പ​നി,​​​സു​കൃ​തം​ ​പാ​ലി​യേ​റ്റീ​വ് ​കെ​യ​ർ​ ​സൊ​സൈ​റ്റി,​​​കാ​ർ​ഡ് ​സെ​ക്ട​ർ,​​​സ​മ​ന്വ​യ​ ​ട്ര​സ്റ്റ്,​​​ദീ​പ്തി​ ​ചാ​രി​റ്റ​ബി​ൾ​ ​സൊ​സൈ​റ്റി​ ​എ​ന്നീ​ ​സം​ഘ​ട​ന​ക​ളെ​ ​ത​ട്ടി​ച്ചെ​ന്നാ​ണ് ​പ​രാ​തി.​ 960​ ​ടൂ​വീ​ല​റു​ക​ൾ,​​200​ ​ലാ​പ്ടോ​പ്പു​ക​ൾ,​​28​ ​ത​യ്യ​ൽ​ ​മെ​ഷീ​നു​ക​ൾ​ ​എ​ന്നി​വ​യ്ക്കു​ള്ള​ ​തു​ക​ ​സ​ന്ന​ദ്ധ​ ​സം​ഘ​ട​ന​ക​ൾ​ ​എ​ൻ.​ജി.​ഒ​ ​കോ​ൺ​ഫെ​ഡ​റേ​ഷ​ൻ​ ​അ​ക്കൗ​ണ്ടി​ലേ​ക്ക് ​ന​ൽ​കി.​ ​എ​ന്നാ​ൽ​ ​മാ​സ​ങ്ങ​ൾ​ ​ക​ഴി​‍​ഞ്ഞി​ട്ടും​ ​പ​റ​ഞ്ഞ​ ​സാ​ധ​ന​ങ്ങ​ൾ​ ​എ​ത്തി​യി​ല്ലെ​ന്നാ​ണ് ​ആ​രോ​പ​ണം.
സം​ഘ​ട​ന​ക​ളു​ടെ​ ​സം​യു​ക്ത​ ​സ​മി​തി​ ​പ്ര​തി​നി​ധി​ക​ൾ​ ​സം​സ്ഥാ​ന​ ​പൊ​ലീ​സ് ​മേ​ധാ​വി​ക്ക് ​ക​ഴി​ഞ്ഞ​ ​ദി​വ​സം​ ​പ​രാ​തി​ ​ന​ൽ​കി.​ ​ടൂ​ ​വീ​ല​റു​ക​ൾ​ ​ലാ​പ്ടോ​പ്പ്,​​​ത​യ്യ​ൽ​ ​മെ​ഷീ​ൻ​ ​എ​ന്നി​വ​ ​പ​കു​തി​ ​വി​ല​യ്ക്ക് ​വാ​ങ്ങി​ ​ന​ൽ​കാ​മെ​ന്ന് ​സം​ഘ​ട​ന​ക​ളെ​ ​പ​റ​ഞ്ഞ് ​വി​ശ്വ​സി​പ്പി​ച്ചു.​ആ​ദ്യ​ ​ഘ​ട്ട​ത്തി​ൽ​ ​കു​റ​ച്ച് ​വി​ത​ര​ണം​ ​ചെ​യ്തെ​ങ്കി​ലും​ ​പി​ന്നീ​ട് ​മു​ട​ങ്ങി.​പി​ന്നീ​ട് ​സം​ഘാ​ട​ക​രെ​പ്പ​റ്റി​ ​അ​റി​വി​ല്ലെ​ന്നും​ ​സം​ഘ​ട​നാ​ ​പ്ര​തി​നി​ധി​ക​ളാ​യ​ ​ഷൈ​നി,​ ​ജോ​സ്,​​​ഹ​ജി​ ​കു​മാ​ർ​ ​എ​ന്നി​വ​ർ​ ​പ​റ​ഞ്ഞു.

​വി​ശ്വ​സി​പ്പി​ച്ച​ത് ​ആ​ന​ന്ദ​കു​മാർ

പ​കു​തി​ ​വി​ല​യ്‌​ക്ക്‌​ ​ഇ​രു​ച​ക്ര​വാ​ഹ​നം​ ​ന​ൽ​കാ​നാ​യി​ ​​​ഗു​ണ​ഭോ​ക്താ​ക്ക​ളെ​ ​ക​ണ്ടെ​ത്തി​ ​പ​ണം​ ​പി​രി​ച്ചു​ ​ന​ൽ​കി​യ​ത് ​ദേ​ശീ​യ​ ​കോ​ൺ​ഫെ​ഡ​റേ​ഷ​ൻ​ ​ചെ​യ​ർ​മാ​നാ​യി​രു​ന്ന​ ​കെ.​എ​ൻ.​ ​ആ​ന​ന്ദ​കു​മാ​ർ​ ​പ​റ​ഞ്ഞി​ട്ടാ​ണെ​ന്ന് ​വി​വി​ധ​ ​സ​ന്ന​ദ്ധ​ ​സം​ഘ​ട​ന​ ​ഭാ​ര​വാ​ഹി​ക​ൾ​ ​പ​റ​ഞ്ഞു.​ 2022​ ​ലാ​ണ് ​ആ​ന​ന്ദ​കു​മാ​റി​ന്റെ​ ​നേ​തൃ​ത്വ​ത്തി​ൽ​ ​സ​ന്ന​ദ്ധ​സം​ഘ​ട​ന​ക​ളു​ടെ​ ​കോ​ൺ​ഫെ​ഡ​റേ​ഷ​ൻ​ ​രൂ​പീ​ക​രി​ച്ച​ത്.​ 175​ ​സം​ഘ​ട​ന​ക​ൾ​ ​ഇ​തി​ന്റെ​ ​ഭാ​​​ഗ​മാ​ണ്.​ 2023​ൽ​ ​സം​സ്ഥാ​ന​ ​ജി​ല്ലാ​സ​മി​തി​ ​യോ​​​ഗ​ങ്ങ​ളി​ൽ​ ​കെ.​എ​ൻ.​ ​ആ​ന​ന്ദ​കു​മാ​റാ​ണ് ​അ​ന​ന്ത​കൃ​ഷ്ണ​നെ​ ​കോ​ൺ​ഫെ​ഡ​റേ​ഷ​ൻ​ ​ദേ​ശീ​യ​ ​കോ​ഓ​ർ​ഡി​നേ​റ്റ​ർ​ ​എ​ന്ന് ​പ​രി​ച​യ​പ്പെ​ടു​ത്തി​യ​ത്.​ ​കെ.​എ​ൻ.​ ​ആ​ന​ന്ദ​കു​മാ​ർ​ ​കോ​ൺ​ഫെ​ഡ​റേ​ഷ​ൻ​ ​ആ​ജീ​വ​നാ​ന്ത​ ​ചെ​യ​ർ​മാ​നാ​ണെ​ന്ന് ​ബൈ​ലാ​യി​ൽ​ ​പ​റ​യു​ന്നു​ണ്ടെ​ന്നും​ ​ഏ​ഴ് ​മാ​സം​ ​മു​മ്പ് ​രാ​ജി​വ​ച്ചെ​ന്ന് ​പ​റ​യു​ന്ന​ത് ​അ​ടി​സ്ഥാ​ന​ര​ഹി​ത​മാ​ണെ​ന്നും​ ​സ​ന്ന​ദ്ധ​ ​സം​ഘ​ട​ന​ ​ഭാ​ര​വാ​ഹി​ക​ൾ​ ​തി​രു​വ​ന​ന്ത​പു​ര​ത്ത് ​വാ​ർ​ത്താ​സ​മ്മേ​ള​ന​ത്തി​ൽ​ ​പ​റ​ഞ്ഞു.