ജിഎസ്ടി വരുമാനം 1.96 ലക്ഷം കോടി; വർധന 12.3%

ന്യൂഡൽഹി ∙ ജനുവരിയിൽ രാജ്യമാകെയുള്ള ജിഎസ്ടി വരുമാനം 1.96 ലക്ഷം കോടി രൂപ. 2024 ജനുവരിയെ അപേക്ഷിച്ച് 12.3% വർധനയുണ്ട്. ഇക്കഴിഞ്ഞ ഡിസംബറിൽ 1.77 ലക്ഷം കോടി രൂപയായിരുന്നു വരുമാനം.കേന്ദ്രത്തിന് അർഹതപ്പെട്ട ജിഎസ്ടി (സിജിഎസ്ടി) 36,077 കോടി, സംസ്ഥാനങ്ങൾക്കുള്ള ജിഎസ്ടി (എസ്ജിഎസ്ടി) 44,942 കോടി, ഒന്നിലേറെ സംസ്ഥാനങ്ങളിലായി നടക്കുന്ന ഇടപാടുകൾക്കുള്ള ഇന്റഗ്രേറ്റഡ് ജിഎസ്ടി (ഐജിഎസ്ടി) 1.01 ലക്ഷം കോടി, സെസ്:13,412 കോടി എന്നിങ്ങനെയാണ് ജനുവരിയിലെ വരുമാനം. ജിഎസ്ടി നിലവിൽ വന്ന ശേഷം രാജ്യമാകെയുള്ള ഏറ്റവുമുയർന്ന വരുമാനം ഇക്കഴിഞ്ഞ ഏപ്രിലിലായിരുന്നു: 2.1 ലക്ഷം കോടി രൂപ.കേരളത്തിൽ 8% വർധനകേരളത്തിലെ ജിഎസ്ടി വരുമാനം 2024 ജനുവരിയിൽ 2,776 കോടി രൂപയായിരുന്നത് ഇത്തവണ 2,989 കോടിയായി ഉയർന്നു. വളർച്ച 8%.


Source link