പെരുമ്പാവൂർ: കാർ മോഷ്ടാവ് പൊലീസ് പിടിയിൽ. വേങ്ങൂർ മുടക്കുഴ മൂലേടത്തുംകുടി വീട്ടിൽ ബിനു (37) വിനെയാണ് പെരുമ്പാവൂർ പൊലീസ് പിടികൂടിയത്. ഇൻസ്പെക്ടർ ടി.എം. സൂഫിയുടെ നേതൃത്വത്തിലുള്ള പോലീസ് സംഘം രാത്രി പട്രോളിംഗ് നടത്തുമ്പോൾ ഇയാളെ കസ്റ്റഡിയിലെടുക്കുകയായിരുന്നു. പൊലീസിനെ കണ്ട് രക്ഷപ്പെടാൻ ശ്രമിച്ച പ്രതിയെ പിന്തുടർന്നാണ് പിടികൂടിയത്. പെരുമ്പാവൂർ പച്ചക്കറി മാർക്കറ്റിന് മുൻവശം പാർക്ക് ചെയ്തിരുന്ന കാറാണ് ഇയാൾ മോഷ്ടിച്ചത്. നേരത്തെ ഇയാൾക്കെതിരെ കാപ്പ ചുമത്തിയിരുന്നു. പത്തോളം കേസുകളിലെ പ്രതിയാണ് ബിനു.
Source link