കേക്കിൽ ചേർക്കുന്ന എസൻസ് ഉള്ളിൽച്ചെന്നു; 3 തടവുകാർ മരിച്ച നിലയിൽ

കേക്കിൽ ചേർക്കുന്ന എസൻസ് ഉള്ളിൽച്ചെന്നു; 3 തടവുകാർ മരിച്ച നിലയിൽ- Mysuru | Jail | Manorama News

കേക്കിൽ ചേർക്കുന്ന എസൻസ് ഉള്ളിൽച്ചെന്നു; 3 തടവുകാർ മരിച്ച നിലയിൽ

മനോരമ ലേഖകൻ

Published: January 09 , 2025 07:36 AM IST

1 minute Read

ബെംഗളൂരു ∙ മൈസൂരു സെൻട്രൽ ജയിലിലെ 3 തടവുകാർ മരിച്ചു. കേക്കിൽ ചേർക്കുന്ന എസൻസ് അമിത അളവിൽ ഉള്ളിൽച്ചെന്നതിനെ തുടർന്നാണ് മൂവരും മരിച്ചതെന്നു ജയിൽ അധികൃതർ അറിയിച്ചു. ജയിലിലെ പലഹാരനിർമാണ കേന്ദ്രത്തിൽ ജോലി ചെയ്തിരുന്ന മദേഷ (36), നാഗരാജ (32), രമേഷ് (30) എന്നിവരാണ് മരിച്ചത്.

ക്രിസ്മസ് ആഘോഷങ്ങളുടെ ഭാഗമായി കേക്ക് ഒരുക്കുന്നതിൽ ഏർപ്പെട്ടിരുന്ന ഇവർ അധികൃതർ അറിയാതെ എസൻസ് അമിത അളവിൽ കുടിക്കുകയായിരുന്നു. വയറുവേദനയും ഛർദിയും ഉൾപ്പെടെ അനുഭവപ്പെട്ടതോടെ ജയിൽ ആശുപത്രിയിലും പിന്നീട് സ്വകാര്യ ആശുപത്രിയിലും പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.

ആശുപത്രിയിൽ സന്ദർശനത്തിനെത്തിയ ബന്ധുക്കളോട് ഇതു കുടിച്ച കാര്യം ഇവർ അറിയിച്ചതായി ജയിൽ സൂപ്രണ്ട് ബി.എസ്.രമേഷ് പറഞ്ഞു. വ്യത്യസ്ത കൊലപാതക കേസുകളിൽ ജീവപര്യന്തം തടവുശിക്ഷ അനുഭവിക്കുകയായിരുന്നു മദേഷയും നാഗരാജയും. പീഡനക്കേസിൽ 10 വർഷത്തെ തടവുശിക്ഷയ്ക്ക് വിധിക്കപ്പെട്ടയാളാണ് രമേഷ്.

English Summary:
Three Mysuru Central Prison inmates die after they consume cake essence

4c7kbv7o28jddle03hqqdrmrhp 5us8tqa2nb7vtrak5adp6dt14p-list 40oksopiu7f7i7uq42v99dodk2-list mo-news-world-countries-india-indianews mo-news-national-states-karnataka mo-judiciary-lawndorder-jail mo-health-death