ആണവോർജം: ഇന്ത്യൻ കമ്പനികളുടെ വിലക്കുനീക്കുമെന്ന് യുഎസ് | മനോരമ ഓൺലൈൻ ന്യൂസ് | മലയാള മനോരമ | മനോരമ ന്യൂസ് | മലയാളം വാർത്തകൾ | Narendra Modi | United States Of America | USA | Indo-US nuclear deal | Nuclear energy |US-India nuclear – Nuclear Energy: US to remove restrictions for Indian companies | India News, Malayalam News | Manorama Online | Manorama News
ആണവോർജം: ഇന്ത്യൻ കമ്പനികളുടെ വിലക്കുനീക്കുമെന്ന് യുഎസ്
മനോരമ ലേഖകൻ
Published: January 07 , 2025 01:55 AM IST
1 minute Read
ന്യൂഡൽഹി ∙ ഇന്ത്യ, യുഎസ് കമ്പനികൾ തമ്മിൽ ആണവോർജരംഗത്തെ സഹകരണത്തിനു തടസ്സമായ നിയന്ത്രണങ്ങൾ എടുത്തുകളയുമെന്ന് യുഎസ് ദേശീയ സുരക്ഷാ ഉപദേഷ്ടാവ് ജെയ്ക് സള്ളിവൻ പറഞ്ഞു. പ്രധാനമന്ത്രി നരേന്ദ്ര മോദി, വിദേശകാര്യമന്ത്രി എസ്.ജയശങ്കർ, ദേശീയ സുരക്ഷാ ഉപദേഷ്ടാവ് അജിത് ഡോവൽ എന്നിവരുമായി അദ്ദേഹം കൂടിക്കാഴ്ച നടത്തി. ബൈഡൻ സർക്കാർ 20നു അധികാരമൊഴിയാനിരിക്കെയാണു സന്ദർശനം.
ആണവോർജ മേഖലയിൽ യുഎസിന്റെ വിലക്കു നേരിട്ട സ്ഥാപനങ്ങളെ പ്രത്യേക പട്ടികയിൽ ഉൾപ്പെടുത്തിയിരുന്നു. ഈ സ്ഥാപനങ്ങളെ പട്ടികയിൽനിന്ന് ഒഴിവാക്കുമെന്ന് ഡൽഹി ഐഐടിയിൽ നടത്തിയ പ്രഭാഷണത്തിലാണു സള്ളിവൻ പറഞ്ഞത്. ഇതോടെ യുഎസ് കമ്പനികളുമായുള്ള സഹകരണത്തിന് ഈ സ്ഥാപനങ്ങൾക്ക് വഴിയൊരുങ്ങും. നടപടികൾ ഉടൻ പൂർത്തിയാകുമെന്നും അദ്ദേഹം പറഞ്ഞു.
ഇന്ത്യ–പസിഫിക് മേഖലയിലെ സമാധാനത്തിനും സ്ഥിരതയ്ക്കും ഇന്ത്യ–യുഎസ് സഹകരണം അനിവാര്യമാണെന്നും അദ്ദേഹം പറഞ്ഞു.
English Summary:
Nuclear Energy: US to remove restrictions for Indian companies
mo-news-world-common-indo-us-nuclear-deal mo-news-common-malayalamnews 40oksopiu7f7i7uq42v99dodk2-list mo-news-world-countries-india-indianews 6anghk02mm1j22f2n7qqlnnbk8-list mo-news-world-countries-unitedstates 7btg6tjpj3d4c148rqn4f3ss1s mo-politics-leaders-narendramodi
Source link