വിക്രത്തിനു വില്ലനായി സുരാജ് വെഞ്ഞാറമ്മൂട്? ‘വീര ധീര ശൂരൻ’ പാർട്ട് 2 ടീസർ

വിക്രത്തിനു വില്ലനായി സുരാജ് വെഞ്ഞാറമ്മൂട്? ‘വീര ധീര ശൂരൻ’ പാർട്ട് 2 ടീസർ | Veera Dheera Sooran Part 2 Teaser

വിക്രത്തിനു വില്ലനായി സുരാജ് വെഞ്ഞാറമ്മൂട്? ‘വീര ധീര ശൂരൻ’ പാർട്ട് 2 ടീസർ

മനോരമ ലേഖകൻ

Published: December 09 , 2024 07:58 PM IST

1 minute Read

ചിയാൻ വിക്രം നായകനായെത്തുന്ന ‘വീര ധീര ശൂരൻ’ ടീസർ എത്തി. എസ്.യു. അരുൺ കുമാർ സംവിധാനം ചെയ്യുന്ന സിനിമയുടെ പാർട്ട് 2 ടീസർ ആണ് റിലീസ് ചെയ്തിരിക്കുന്നത്. ഏറെ ശ്രദ്ധനേടിയ ‘ചിറ്റ’ എന്ന ചിത്രത്തിനു ശേഷം അരുൺകുമാർ സംവിധാനം ചെയ്യുന്ന സിനിമ കൂടിയാണിത്. 

സിനിമയിൽ ഗ്യാങ്സ്റ്റർ ആയാണ് വിക്രം എത്തുന്നതെന്നാണ് സൂചന. മൂന്നു മിനുട്ട് ദൈർഘ്യമുള്ള ചിത്രത്തിന്റെ ടൈറ്റിൽ ടീസർ പുറത്തുവന്ന് മണിക്കൂറുകൾക്കുള്ളിൽ സോഷ്യൽ മീഡിയയിൽ തരംഗമായി മാറിയിരുന്നു. രണ്ട് ഭാഗങ്ങളുളള സിനിമായകും വീര ധീര സൂരൻ. പതിവിനു വിപരീതമായി പാർട്ട് 2 ആദ്യം റിലീസ് ചെയ്ത് പിന്നീട് സിനിമയുടെ പ്രീക്വൽ ഇറക്കാനാകും അണിയറക്കാർ പദ്ധതിയിടുന്നത്.

എസ്.ജെ. സൂര്യ, മലയാളി താരം സുരാജ് വെഞ്ഞാറമൂട് തുടങ്ങി നിരവധി കലാകാരന്മാർ ഉൾപ്പെടുന്ന വൻ താരനിരയാണ് ചിത്രത്തിലുള്ളത്. സാര്‍പ്പട്ട പരമ്പരൈ ഫെയിം ദുഷാര വിജയനാണ് നായികയായി എത്തുന്നത്. തേനി ഈശ്വറിന്റെ ഛായാഗ്രഹണവും ജി.വി. പ്രകാശ് കുമാറിന്റെ സംഗീത സംവിധാനവും ചിയാൻ 62വിനെ കൂടുതൽ മികവുറ്റതാക്കുമെന്നുറപ്പാണ്. 

ചിത്രത്തിന്റെ എഡിറ്റിങ് പ്രസന്ന ജി.കെയും ആർട് ഡയറക്‌ഷൻ സി.എസ്. ബാലചന്ദറും നിർവഹിക്കുന്നു. എച്ച്ആർ പിക്‌ചേഴ്‌സിന്റെ ബാനറിൽ റിയ ഷിബുവാണ് ചിത്രം നിർമ്മിക്കുന്നത്. പിആര്‍ഓ പ്രതീഷ് ശേഖര്‍.

English Summary:
Watch Veera Dheera Sooran Part 2 Teaser

7rmhshc601rd4u1rlqhkve1umi-list mo-entertainment-movie-surajvenjaramoodu mo-entertainment-common-kollywoodnews 1plmkd61t6hdqccq89ci6eljce f3uk329jlig71d4nk9o6qq7b4-list mo-entertainment-movie-vikram mo-entertainment-common-teasertrailer