ഇന്ത്യയിലെ നിക്ഷേപം ലാഭകരം, നിർമാണ പ്ലാന്റുകൾ ആരംഭിക്കാൻ തയാർ; ‘മേയ്ക്ക് ഇൻ ഇന്ത്യ’യെ പ്രശംസിച്ച് പുട്ടിൻ

Vladimir Putin Lauds Modi’s ‘India First’ Policy, Calls Investment in India ‘Profitable’

ഇന്ത്യയിലെ നിക്ഷേപം ലാഭകരം, നിർമാണ പ്ലാന്റുകൾ ആരംഭിക്കാൻ തയാർ; ‘മേയ്ക്ക് ഇൻ ഇന്ത്യ’യെ പ്രശംസിച്ച് പുട്ടിൻ

ഓൺലൈൻ ഡെസ്ക്

Published: December 05 , 2024 11:10 PM IST

1 minute Read

പ്രധാനമന്ത്രി നരേന്ദ്ര മോദിക്കൊപ്പം റഷ്യൻ പ്രസിഡന്റ് വ്ലാഡിമിർ പുട്ടിൻ . (ഫയൽ ചിത്രം: AFP)

മോസ്കോ∙ പ്രധാനമന്ത്രി നരേന്ദ്ര മോദിയുടെ ‘ഇന്ത്യ ആദ്യം’, ‘മേയ്ക്ക് ഇൻ ഇന്ത്യ’  നയങ്ങളെ പ്രശംസിച്ച് റഷ്യൻ പ്രസിഡന്റ് വ്ലാഡിമിർ പുട്ടിൻ. പതിനഞ്ചാമത് വിടിബി റഷ്യ കോളിങ് നിക്ഷേപക വേദിയിലായിരുന്നു പുട്ടിന്റെ പ്രശംസ. വളർച്ചയ്ക്കു സുസ്ഥിരമായ അന്തരീക്ഷം വളർത്തിയെടുക്കാനുള്ള ഇന്ത്യയുടെ ശ്രമങ്ങളെ അഭിനന്ദിക്കുന്നുവെന്നും അദ്ദേഹം പറഞ്ഞു. 

ഉൽപാദനം വർധിപ്പിക്കുന്നതിനും വിദേശനിക്ഷേപം ആകർഷിക്കുന്നതിനും ലക്ഷ്യമിട്ടുള്ള ‘മേയ്ക്ക് ഇൻ ഇന്ത്യ’ സംരംഭം ആഗോള സമ്പദ്‌വ്യവസ്ഥയിൽ ഇന്ത്യയുടെ സ്ഥാനം ശക്തിപ്പെടുത്തുന്നതിൽ പ്രധാന പങ്കുവഹിച്ചിട്ടുണ്ട്. ചെറുകിട-ഇടത്തരം സംരംഭങ്ങൾക്ക് സുസ്ഥിര സാഹചര്യങ്ങൾ സൃഷ്ടിക്കുന്നതിനുള്ള സര്‍ക്കാരിന്‍റെ ശ്രമങ്ങൾ അഭിനന്ദനാർഹമാണ്.  ഇന്ത്യയിൽ നിർമാണ പ്ലാന്റുകൾ ആരംഭിക്കാൻ റഷ്യ തയാറാണ്. പ്രധാനമന്ത്രിയുടെ നേതൃത്വത്തിൽ ഇന്ത്യൻ സർക്കാർ സുസ്ഥിരമായ സാഹചര്യങ്ങൾ സൃഷ്ടിക്കുന്നു. ഇന്ത്യയെ ഒന്നാമത് ഇന്ത്യയിൽ നിക്ഷേപിക്കുന്നതു ലാഭകരമാണെന്നു വിശ്വസിക്കുന്നു. റഷ്യൻ കമ്പനിയായ റോസ്‌നെഫ്റ്റ് അടുത്തിടെ രാജ്യത്ത് 20 ശതകോടി‌ ഡോളർ നിക്ഷേപിച്ചതായും പുട്ടിൻ‌ പറഞ്ഞു.

ഉപഭോക്തൃ സാമഗ്രികൾ, ഐടി, ഹൈടെക്, കൃഷി തുടങ്ങിയ മേഖലകളിലെ പ്രാദേശിക റഷ്യൻ ഉൽപാദകരുടെ വിജയം ചൂണ്ടിക്കാട്ടിയായിരുന്നു പുട്ടിന്റെ പ്രസംഗം. വിപണിയിൽ നിന്നു പുറത്തുപോയ പാശ്ചാത്യ ബ്രാൻഡുകൾക്കു പകരമായി പുതിയ റഷ്യൻ ബ്രാൻഡുകൾ ഉയർന്നുവന്നതും പുട്ടിൻ പ്രസംഗത്തിൽ പറഞ്ഞു.

English Summary:
Vladimir Putin Lauds Modi’s Policy, Calls Investment in India ‘Profitable’ : Make in India and the ‘India First’ policy were praised by Russian President Vladimir Putin.

mo-technology-makeinindia 5us8tqa2nb7vtrak5adp6dt14p-list mo-news-world-countries-russia 40oksopiu7f7i7uq42v99dodk2-list mo-news-world-countries-india-indianews mo-politics-leaders-internationalleaders-vladimirputin 6uc3o91ikei7332moh7h9s9aic mo-politics-leaders-narendramodi