‘വിമർശിക്കുന്നവരെ കാവി ചായം പൂശി രക്ഷപ്പെടാൻ ശ്രമിക്കേണ്ട; ദുരിത ബാധിതരെ കണ്ട് ഫോട്ടോയെടുത്താൽ പ്രശ്നം തീരുമോ?’

‘വിമർശിക്കുന്നവരെ കാവി ചായം പൂശി രക്ഷപ്പെടാൻ ശ്രമിക്കേണ്ട; ദുരിത ബാധിതരെ കണ്ട് ഫോട്ടോടെയുത്താൽ പ്രശ്നം തീരുമോ?’ മനോരമ ഓൺലൈൻ ന്യൂസ് – Vijay Slams Tamil Nadu Government’s Cyclone Mandous Relief Efforts | Vijay | Tamilnadu Government | Criticism | India Tamilnadu Flood News Malayalam | Malayala Manorama Online News

‘വിമർശിക്കുന്നവരെ കാവി ചായം പൂശി രക്ഷപ്പെടാൻ ശ്രമിക്കേണ്ട; ദുരിത ബാധിതരെ കണ്ട് ഫോട്ടോയെടുത്താൽ പ്രശ്നം തീരുമോ?’

ഓൺലൈൻ ഡെസ്ക്

Published: December 03 , 2024 09:38 PM IST

1 minute Read

1 ) വിജയ് 2) ദുരിതബാധിതർക്ക് സഹായവുമായി മുഖ്യമന്ത്രി എം കെ സ്റ്റാലിൻ

ചെന്നൈ∙ ഫെയ്ഞ്ചൽ ചുഴലിക്കാറ്റിന് പിന്നാലെ തമിഴ്നാട് സർക്കാരിന്റെ ദുരിതാശ്വാസ പ്രവർത്തനങ്ങളെ രൂക്ഷമായ ഭാഷയിൽ വിമർശിച്ച് നടനും തമിഴക വെട്രി കഴകം അധ്യക്ഷനുമായ വിജയ്. ദുരന്ത മുഖത്ത് ജനങ്ങൾക്ക് സഹായവുമായി എത്തേണ്ട സർക്കാർ അവരെ കൈവിടുകയാണെന്ന് വിജയ് ആരോപിച്ചു. എക്സിലൂടെയാണ് വിജയ് സ്റ്റാലിൻ സർക്കാരിനെതിരെയും ചുഴലിക്കാറ്റിനിടെ നടന്ന ദുരിതാശ്വാസ പ്രവർത്തനങ്ങളെയും ശക്തമായ ഭാഷയിൽ വിമർശിച്ചത്.

‘‘ചുഴലിക്കാറ്റ് ഒരു പ്രകൃതി ദുരന്തമാണ്. എന്നാൽ, എത്ര വലിയ ചുഴലിക്കാറ്റും പ്രകൃതിക്ഷോഭവും വന്നാലും നമ്മൾ വോട്ടുചെയ്ത സർക്കാരും ഭരണാധികാരികളും നമ്മെ സംരക്ഷിക്കുമെന്ന വിശ്വാസമാണ് ജനങ്ങള്‍ക്ക് വേണ്ടത്. എന്നാൽ തിരഞ്ഞെടുക്കപ്പെട്ട സർക്കാരും ഭരണാധികാരികളും പ്രതികൂല സാഹചര്യത്തിൽ ജനങ്ങളെ കൈവിടുന്നതാണ് ഇവിടെ കണ്ടത്. ജനങ്ങൾ നേരിട്ട സങ്കടം വാക്കുകളിൽ വിവരിക്കാനാവില്ല. വോട്ട് ചെയ്ത് അധികാരത്തിലെത്തിച്ച ജനങ്ങളെ സംരക്ഷിക്കാൻ വേണ്ട പദ്ധതികൾ അവർ തയാറാക്കിയിട്ടില്ല.’’ – വിജയ് ചൂണ്ടിക്കാട്ടി. 

புயல், எப்போதும் பேரிடரையும் பெரும் பாதிப்பையும் மக்களுக்கு உண்டாக்கும் ஓர் இயற்கைச் சீற்றமே. அதில் இருவேறு கருத்துக்கு இடமே இல்லை. இருப்பினும் எவ்வளவு பெரிய புயல், இயற்கைப் பேரிடர் வந்தாலும் நம்மைக் காக்க, நாம் வாக்களித்துத் தேர்ந்தெடுத்த அரசு இருக்கிறது, ஆட்சியாளர்கள் உள்ளனர்…— TVK Vijay (@tvkvijayhq) December 3, 2024

‘‘എല്ലാ വർഷവും ചുഴലിക്കാറ്റ് വരുന്നുണ്ട്. ‌ദുരന്തം വരുമ്പോൾ ഒരു ചടങ്ങെന്ന നിലയിൽ എല്ലാ വർഷവും ഒന്നോ രണ്ടോ ദിവസം വന്ന് ദുരിതബാധിതരായ ചിലരെ കണ്ട് ഫോട്ടോയെടുക്കും. ഇതിന് പിന്നാലെ ഭരണാധികാരികൾ സ്ഥലം വിടും. ഇതാണോ പരിഹാരം? മഴയും വെള്ളപ്പൊക്കവും പോലുള്ള ദുരന്തങ്ങള്‍ വരുമ്പോൾ ജനങ്ങളെ അടിസ്ഥാന സുരക്ഷാ ആവശ്യങ്ങൾ നൽകി എങ്ങനെ സംരക്ഷിക്കാം എന്നല്ലേ ചിന്തിക്കേണ്ടത്? ആളുകളെ സുരക്ഷിതരാക്കാനുള്ള ശാശ്വതമായ പരിഹാരത്തെ കുറിച്ച് അവർ ചിന്തിക്കുന്നില്ല. അന്ധമായ ചില പ്രഖ്യാപനങ്ങൾ നടത്താൻ മാത്രമാണ് അവർക്ക് സാധിക്കുന്നത്. ഭരണാധികാരികൾ ഇങ്ങനെ ചെയ്യുന്നത് വേദനാജനകമാണ്.’’– വിജയ് തുറന്നടിച്ചു
‘‘ജനങ്ങളെ കബളിപ്പിച്ച് ഭരണം നടത്തിയ ആരും അധികാര കസേര നിലനിർത്തിയിട്ടില്ല എന്നത് ചരിത്രമാണ്. പ്രതിപക്ഷ പാർട്ടികളെ വിമർശിച്ചും, അവരെ കാവി ചായം പൂശിയും രക്ഷപ്പെടാൻ ശ്രമിക്കേണ്ട. ജനങ്ങളുടെ ശക്തിക്ക് മുന്നിൽ അത് പരാജയപ്പെടും’’ – വിജയ് സർക്കാരിന് മുന്നറിയിപ്പ് നൽകി.

English Summary:
Vijay Slams Tamil Nadu Government’s Cyclone Mandous Relief Efforts : Cyclone Mandous has prompted strong criticism from actor and Makkal Needhi Maiam party president, Vijay, who accused the Tamil Nadu government of abandoning the people in their time of need and failing to adequately prepare for the disaster.

5us8tqa2nb7vtrak5adp6dt14p-list 40oksopiu7f7i7uq42v99dodk2-list mo-entertainment-movie-vijay mo-politics-leaders-mkstalin mo-news-world-countries-india-indianews mo-environment-flood mo-news-national-states-tamilnadu 785pqcpaloh5j4o2mmeurdbdqf