‘ഉഭയകക്ഷി ബന്ധത്തിന്റെ അടുത്ത ഘട്ടം’; ചൈനീസ് വിദേശകാര്യമന്ത്രിയുമായി കൂടിക്കാഴ്ച നടത്തി ജയ്ശങ്കർ

റിയോ ഡീ ജെനീറോ: ബ്രസീലിൽ നടക്കുന്ന ഒൻപതാം ജി-20 ഉച്ചകോടിക്കിടെ ചൈനീസ് വിദേശകാര്യമന്ത്രി വാങ് യിയുമായി കൂടിക്കാഴ്ച നടത്തി എസ്. ജയ്ശങ്കർ. ഇന്ത്യയും ചൈനയും തമ്മിലുള്ള നയതന്ത്രബന്ധത്തിൽ മഞ്ഞുരുകുന്നതിനിടെയാണ് ഇരുവരുടേയും കൂടിക്കാഴ്ച. കിഴക്കൻ ലഡാക്കിലെ സംഘർഷകേന്ദ്രങ്ങളിൽ നിന്ന്‌ ഇരുരാജ്യങ്ങളും സൈന്യത്തെ പിൻവലിച്ചതിന് ശേഷമുള്ള ആദ്യത്തെ കൂടിക്കാഴ്ചയാണിത്. ഇന്ത്യ-ചൈന അതിർത്തി പ്രദേശങ്ങളിൽ നിന്ന് സൈന്യത്തെ പിൻവലി നടപടിയുടെ പുരോ​ഗതി ഇരുവരും ചർച്ച ചെയ്തതായി ജയ്ശങ്കർ എക്സിൽ കുറിച്ചു. ഇരുരാജ്യങ്ങളും തമ്മിലുള്ള ഉഭയകക്ഷി ബന്ധത്തിന്റെ അടുത്ത ഘട്ടത്തിനുള്ള കാഴ്ചപ്പാടുകളും വീക്ഷണവും കൈമാറി. നിലവിലെ ആ​ഗോള സാഹചര്യം ഇരുവരും ചർച്ച ചെയ്തതായും മന്ത്രി വ്യക്തമാക്കി.


Source link