ചേ​വാ​യൂ​ർ​  സഹകരണ  ബാങ്ക്  തിരഞ്ഞെടുപ്പിലെ സംഘർഷം: കോഴിക്കോട് ജില്ലയിലെ കോൺഗ്രസ് ഹർത്താൽ പൂർണം

കോ​ഴി​ക്കോ​ട്:​ ​ചേ​വാ​യൂ​ർ​ സഹകരണ ബാങ്ക് തിരഞ്ഞെടുപ്പുമായി ബന്ധപ്പെട്ടുണ്ടായ സംഘർഷത്തെത്തുടർന്ന് കോ​ഴി​ക്കോ​ട് ​ജി​ല്ല​യി​ൽ കോ​ൺ​ഗ്ര​സ് ​ആ​ഹ്വാ​നം ചെയ്ത ഹർത്താൽ ഏറക്കുറെ പൂർണം. സ്വകാര്യ ബസുകൾ സർവീസ് നടത്തുന്നില്ല. കെ എസ് ആർ ടി സിയും സർവീസ് നടത്തുന്നില്ലെന്നാണ് റിപ്പോർട്ട്. ഹർത്താലുമായി സഹകരിക്കില്ലെന്ന് വ്യാപാരി വ്യവസായി ഏകോപന സമിതി അറിയിച്ചിട്ടുണ്ട്. അവശ്യ സർവീസുകളെ ഹർത്താലിൽ നിന്ന് ഒഴിവാക്കിയിട്ടുണ്ട്. വൈകിട്ട് ആറുവരെയാണ് ഹർത്താൽ.

ഇന്നലെ നടന്ന തിരഞ്ഞെടുപ്പ് അക്ഷരാർത്ഥത്തിൽ തെരുവുയുദ്ധമായി മാറുകയായിരുന്നു.​ രാവിലെ എട്ടോടെയാണ് വോട്ടെടുപ്പ് തുടങ്ങിയത്. ഒപ്പം സംഘർഷവും. 35, 000 വോട്ടർമാരുണ്ടെങ്കിലും 8,500 പേർക്കാണ് വോട്ട് ചെയ്യാനായത്. 5000ത്തിലേറെ പേർ കള്ളവോട്ട് ചെയ്തെന്നും വോട്ടർമാരല്ലാത്ത 1000 സിപിഎമ്മുകാരാണ് തിരഞ്ഞെടുപ്പ് നിയന്ത്രിച്ചതെന്നും ആരോപിച്ച് കോൺഗ്രസ് നേതാക്കൾ രംഗത്തെത്തി. എം കെ രാഘവൻ എം പി, ടി സിദ്ദിഖ് എം എൽ എ, ഡി സി സി പ്രസിഡന്റ് പ്രവീൺകുമാർ, കെ പി സി സി​ ​ജ​ന​റ​ൽ​ ​സെ​ക്ര​ട്ട​റി​ ​പി എം നിയാസ് എന്നിവർ റോഡിൽ കുത്തിയിരുന്നു. തുടർന്നുണ്ടായ തമ്മിലടിയിലാണ് നിയാസടക്കം ഒട്ടേറേ പേർക്ക് പരിക്കേറ്റത്. ഇരുവിഭാഗവും പലതവണ ഏറ്റുമുട്ടി. ​​കെ എ​സ്. യു​ ​ജി​ല്ലാ ​പ്ര​സി​ഡ​ന്റ് ​വി പി സൂ​ര​ജ്, സി​പി​എം കുന്ദമംഗലം ഏരി​യാസെക്രട്ടറി​ പി​ ഷൈപു അടക്കം​ ഇരുപക്ഷത്തുമുള്ള ​നി​ര​വ​ധി​ ​പേ​ർ​ക്കാണ് പരിക്കേറ്റത്.

ഒ​രു​പ​ക​ൽ​ ​നീ​ണ്ട​ ​സം​ഘ​ർ​ഷ​ത്തി​നി​ടെ​ ​ന​ട​ന്ന​ ​തി​ര​ഞ്ഞെ​ടു​പ്പി​ൽ​ ​സി​പി​എം​ ​-​ ​കോ​ൺ​ഗ്ര​സ് ​വി​മ​ത​ ​സ​ഖ്യം​ ​ ​ബാ​ങ്ക് ​ഭ​ര​ണം​ ​പി​ടി​ച്ചെ​ടു​ക്കുകയും ചെയ്തു.വി​മ​ത​രു​ടെ​ ​ചേ​വാ​യൂ​ർ​ ബാ​ങ്ക് ​സ​ഹ​ക​ര​ണ ജ​നാ​ധി​പ​ത്യ​ ​സം​ര​ക്ഷ​ണ​സ​മി​തി​ ​സ​മ്പൂ​ർ​ണ​ ​വി​ജ​യ​മാ​ണ് ​നേ​ടി​യ​ത്.​ 11​ ​അം​ഗ​ ​പാ​ന​ൽ​ ​എ​ല്ലാ​ ​സീ​റ്റി​ലും​ ​ജ​യി​ച്ചു.​ ​നാ​ല് ​പേ​ർ​ ​സിപിഎ​മ്മു​കാ​രും​ ​ഏ​ഴു​പേ​ർ​ ​കോ​ൺ​ഗ്ര​സ് ​വി​മ​ത​രു​മാ​ണ്.​ ​കോ​ൺ​ഗ്ര​സ് ​വി​ട്ട് ​വി​മ​ത​ ​സം​ഖ്യ​ത്തി​ന് ​നേ​തൃ​ത്വം​ ​ന​ൽ​കി​യ​ ​ജി.​സി.​ ​പ്ര​ശാ​ന്ത്കു​മാ​റി​നെ​ ​പ്ര​സി​ഡ​ന്റാ​യി​ ​തി​ര​ഞ്ഞെ​ടു​ത്തു.​ ​നി​ല​വി​ലെ​ ​പ്ര​സി​ഡ​ന്റും​ ​പ്ര​ശാ​ന്താ​ണ്. വ​ർ​ഷ​ങ്ങ​ളാ​യി​ ​കോ​ൺ​ഗ്ര​സി​നാ​യി​രു​ന്നു​ ​ഭ​ര​ണം.​ ​

ജി​ല്ല​യി​ൽ​ ​അ​ഞ്ച് ​ബ്രാ​ഞ്ചു​ക​ളു​ള്ള,​ ​സാ​മ്പ​ത്തി​ക​മാ​യി​ ​മു​ൻ​നി​ര​യി​ൽ​ ​നി​ൽ​ക്കു​ന്ന​ ​ബാ​ങ്കാ​ണ്.​ ​ഇത് ​കോ​ൺ​ഗ്ര​സി​ൽ​ ​നി​ന്ന് ​പി​ടി​ച്ചെ​ടു​ക്കാ​ൻ​ ​ഡി.​സി.​സി​ ​അം​ഗം​ ​കൂ​ടി​യാ​യ​ ​പ്ര​ശാ​ന്തി​നെ​ ​കൂ​ട്ടു​പി​ടി​ച്ച് ​സ​ഹ​ക​ര​ണ​ ​ജ​നാ​ധി​പ​ത്യ​ ​സം​ര​ക്ഷ​ണ​ ​സ​മി​തി​യു​ണ്ടാ​ക്കി​യാ​ണ് ​സി​പി​എം​ ​രം​ഗ​ത്തി​റ​ങ്ങി​യ​ത്.​ കോ​ൺ​ഗ്ര​സി​നെ​ ​ഒ​റ്റു​കൊ​ടു​ക്കു​ന്ന​വ​രെ​ ​വീ​ട്ടി​ൽ​ ​ജീ​വി​ക്കാ​ന​നു​വ​ദി​ക്കി​ല്ലെന്ന് ​ കെ പി സി സി​ ​പ്ര​സി​ഡ​ന്റ് ​സു​ധാ​ക​ര​ൻ ​യു.​ഡി.​എ​ഫ് ​ക​ൺ​വെ​ൻ​ഷ​നി​ൽ​ ​​ ​ന​ട​ത്തി​യ​ ​പ്ര​കോ​പ​ന​ ​പ്ര​സം​ഗം​ ​വ​ലി​യ​ ​വി​വാ​ദ​മാ​യി​രു​ന്നു.​ ​