‘അന്തപ്പുരങ്ങളിലെ പരിചാരകർ’: തെലുങ്ക് സ്ത്രീകൾക്ക് എതിരായി പരാമർശം; നടി കസ്തൂരിക്കെതിരെ കേസ്

നടി കസ്തൂരിക്കെതിരെ എഗ്‌മൂർ പൊലീസ് കേസെടുത്തു- Egmoor police registered a case against actress Kasthuri | Manorama News | Manorama Online

‘അന്തപ്പുരങ്ങളിലെ പരിചാരകർ’: തെലുങ്ക് സ്ത്രീകൾക്ക് എതിരായി പരാമർശം; നടി കസ്തൂരിക്കെതിരെ കേസ്

മനോരമ ലേഖകൻ

Published: November 06 , 2024 10:41 AM IST

1 minute Read

നടി കസ്തൂരി. Photo: Facebook/actresskasthuri

ചെന്നൈ ∙ തെലുങ്ക് സ്ത്രീകൾക്കെതിരായ അപകീർത്തി പരാമർശത്തിൽ നടി കസ്തൂരിക്കെതിരെ എഗ്‌മൂർ പൊലീസ് കേസെടുത്തു. ജാതിയുടെയും മതത്തിന്റെയും പേരിൽ കലാപമുണ്ടാക്കാൻ ശ്രമം നടത്തിയത് അടക്കമുള്ള കുറ്റങ്ങൾ ചുമത്തി 4 വകുപ്പുകളിലാണ് കേസ്. ഹിന്ദു മക്കൾ കക്ഷി എഗ്‌മൂറിൽ നടത്തിയ പ്രകടനത്തിലായിരുന്നു വിവാദ പരാമർശം.

300 വർഷം മുൻപ് തമിഴ് രാജാക്കന്മാരുടെ അന്തപ്പുരങ്ങളിൽ പരിചാരകരായി വന്ന തെലുങ്കർ, തങ്ങളാണ് തമിഴരെന്ന് അവകാശപ്പെടുന്നു എന്നായിരുന്നു നടിയുടെ പ്രസംഗം. പരാമർശത്തിനെതിരെ ആന്ധ്രയിലും തെലങ്കാനയിലും പ്രതിഷേധം ഉയർന്നു. അഖിലേന്ത്യാ തെലുങ്ക് സമ്മേളനം എന്ന സംഘടന നൽകിയ പരാതിയിലാണു പൊലീസ് കേസ് റജിസ്റ്റർ ചെയ്തത്.

പരാമർശത്തിൽ മാപ്പപേക്ഷിക്കുന്നതായി നടി സമൂഹമാധ്യമത്തിൽ കുറിച്ചു. തന്റെ പരാമർശം വളച്ചൊടിച്ച് പ്രചരിപ്പിക്കുകയാണ് എന്നായിരുന്നു കഴിഞ്ഞ ദിവസം പ്രതികരിച്ചത്. അനിയൻ ബാവ ചേട്ടൻ ബാവ അടക്കമുള്ള മലയാള ചിത്രങ്ങളിലും ഒട്ടേറെ തമിഴ്, തെലുങ്ക് ചിത്രങ്ങളിൽ അഭിനയിച്ചിട്ടുള്ള കസ്തൂരി ബിജെപി അനുഭാവിയാണ്.

English Summary:
Egmoor police registered a case against actress Kasthuri

5us8tqa2nb7vtrak5adp6dt14p-list mo-entertainment-movie 40oksopiu7f7i7uq42v99dodk2-list mo-news-world-countries-india-indianews mo-entertainment-music-kasturi-shankar 4ifgagida0looner765vuehdrq mo-entertainment-common-actress