ഹരിയാനയേയും വീഴ്‌ത്തി കേരളം

ലക്നൗ: സീനിയർ വനിതാട്വന്റി 20 ടൂർണമെന്റിൽ കേരളം ഹരിയാനയെ 20 റൺസിന് കീഴടക്കി. കേരളം ഉയർത്തിയ 125 റൺസ് മറികടക്കുവാൻ ഇറങ്ങിയ ഹരിയാന 105 റൺസിന് പുറത്താവുകയായിരുന്നു. കേരളത്തിന് വേണ്ടി കീർത്തിയും സജനയും രണ്ട് വിക്ക​റ്റ് വീതവും നജിലയും ഷാനിയും ഓരോ വിക്ക​റ്റ് വീതവും നേടി.
52 പന്തിൽ 60 റൺസെടുത്ത അക്ഷയയാണ് കേരളത്തിന്റെ വിജയശില്പി. അഞ്ച് ഫോറും ഒരു സിക്സും ഉൾപ്പെടുന്നതായിരുന്നു അക്ഷയയുടെ ഇന്നിംഗ്സ്സ്. അനന്യയും ( 24) തിളങ്ങി. ടോസ് നേടിയ കേരളം ബാ​റ്റിംഗ് തിരഞ്ഞെടുക്കുകയായിരുന്നു. അക്കൗണ്ട് തുറക്കുന്നതിന് മുൻപേ ആദ്യ ഓവറിൽ തന്നെ ക്യാപ്ടൻ ഷാനിയുടെ വിക്ക​റ്റ് കേരളത്തിന് നഷ്ടമായെങ്കിലും പിന്നീട് എത്തിയ അക്ഷയ ക്റീസിൽ നിലയുറപ്പിച്ചതോടെ കേരളം ട്റാക്കിലാവുകായിരുന്നു. നാലാമത്തെ ഓവറിൽ രണ്ടാം വിക്ക​റ്റ് നഷ്ടമായെങ്കിലും അക്ഷയ അനന്യ കൂട്ടുകെട്ട് കേരളത്തിന് തുണയായി. ഇരുവരും ചേർന്ന് 71 പന്തിൽ 76 റൺസിന്റെ കൂട്ടുകെട്ടുണ്ടാക്കി. .