മൂന്നു ദിവസം അതിശക്ത മഴ

തിരുവനന്തപുരം: സംസ്ഥാനത്ത് മൂന്നു ദിവസം അതിശക്ത മഴയ്ക്ക് സാദ്ധ്യത. മദ്ധ്യ, തെക്കൻ ജില്ലകളിലാകും കൂടുതൽ. തെക്കു കിഴക്കൻ അറബിക്കടലിനും ലക്ഷദ്വീപിനും മുകളിലായുള്ള ചക്രവാതച്ചുഴിയുടെ സ്വാധീനത്താലാണിത്. ഇന്ന് കോട്ടയം, എറണാകുളം, ഇടുക്കി, തൃശൂർ ജില്ലകളിൽ ഓറഞ്ച് അലർട്ട്. തിരുവനന്തപുരം,കൊല്ലം, പത്തനംതിട്ട, ആലപ്പുഴ, പാലക്കാട്, മലപ്പുറം,കോഴിക്കോട് ജില്ലകളിൽ യെല്ലോ അലർട്ട്.