വർക്കലയിൽ കട വരാന്തയിൽ ഇരിക്കുന്ന നിലയിൽ മൃതദേഹം; കൊലപാതകമെന്ന് സംശയം

തിരുവനന്തപുരം: വർക്കലയിൽ മദ്ധ്യവയസ്‌കനെ മരിച്ചനിലയിൽ കണ്ടെത്തി. വെട്ടൂർ സ്വദേശി ബിജുവാണ് മരിച്ചത്. മൈതാനം പൊലീസ് സ്റ്റേഷൻ റോഡിലാണ് സംഭവം. കടയുടെ വരാന്തയിൽ ഇരിക്കുന്ന നിലയിലാണ് മൃതദേഹം കണ്ടെത്തിയത്. കൈയിലും തലയിലും ക്ഷതമേറ്റിട്ടുണ്ട്. കൊലപാതകമാണെന്നാണ് സൂചന. സംഭവത്തിൽ വർക്കല പൊലീസ് അന്വേഷണം ആരംഭിച്ചു.