രാജേഷ് അർബിറ്റർ കമ്മീഷൻ ചെയർമാൻ
കോട്ടയം: ചെസ് അസോസിയേഷൻ കേരള പ്രസിഡന്‍റും, ഓൾ ഇന്ത്യ ചെസ് ഫെഡറേഷൻ ഉപദേശക സമിതിയംഗവുമായ രാജേഷ് നാട്ടകം ഇന്ത്യൻ അർബിറ്റേഴ്സ് കമ്മീഷൻ ചെയർമാനായി നിയമിതനായി. ഒരു മലയാളി ആദ്യമായാണ് ഈ പദവിയിൽ എത്തുന്നത്. ക്ലാസിക്ക്, ബ്ലിറ്റ്സ്, റാപ്പിഡ് എന്നീ വിഭാഗങ്ങളിൽ അന്താരാഷ്‌ട്ര റേറ്റിംഗും, ലോക ചെസ് ഫെഡറേഷന്‍റെ നാഷണൽ ഇൻസ്ട്രക്‌ടർ, ചെസ്-ഇൻ-സ്കൂൾ ഇൻസ്പെക്‌ടർ എന്നീ ടൈറ്റിലുകളും രാജേഷ് സ്വന്തമാക്കിയിട്ടുണ്ട്.
2015 വേൾഡ് യൂത്ത് ചാന്പ്യൻഷിപ്, 2022 ചെസ് ഒളിന്പ്യാഡ്, 2024 ലോക ജൂണിയർ ചാന്പ്യൻഷിപ് എന്നിവയിൽ ആർബിറ്ററായിരുന്നു. കോട്ടയം ചെസ് അക്കാദമി സ്ഥാപകനായ രാജേഷ്, 2021 മുതൽ ചെസ് അസോസിയേഷൻ കേരള പ്രസിഡന്‍റാണ്.
Source link
