പഴങ്ങളും ഓട്‌സും ടൈപ്പ്‌ 1 പ്രമേഹ സാധ്യത വര്‍ധിപ്പിക്കുന്നതായി പഠനം
ഓട്സ് പ്രമേഹത്തിന് കാരണമാകുമോ? – Oats | Diabetes | Health News | Health
പഴങ്ങളും ഓട്‌സും ടൈപ്പ്‌ 1 പ്രമേഹ സാധ്യത വര്‍ധിപ്പിക്കുന്നതായി പഠനം
ആരോഗ്യം ഡെസ്ക്
Published: September 30 , 2024 01:00 PM IST
1 minute Read
Representative image. Photo Credit: t_kimura/istockphoto.com
കുട്ടിക്കാലത്ത്‌ പഴങ്ങളും ഓട്‌സും കമ്പ്‌ പോലുള്ള ധാന്യങ്ങളും അടങ്ങിയ ഭക്ഷണക്രമം പിന്തുടരുന്നത്‌ വലുതാകുമ്പോള്‍ ടൈപ്പ്‌ 1 പ്രമേഹത്തിന്റെ സാധ്യത വര്‍ധിപ്പിക്കുന്നതായി പഠനം. അതേ സമയം സ്‌ട്രോബെറി, ബ്ലൂബെറി, റാസ്‌ബെറി, ബ്ലാക്‌ കറന്റ്‌ പോലുള്ള ബെറി പഴങ്ങള്‍ ചെറുപ്പത്തില്‍ കഴിക്കുന്നത്‌ പ്രമേഹത്തില്‍ നിന്ന്‌ സംരക്ഷണം നല്‍കുമെന്നും യൂറോപ്യന്‍ അസോസിയേഷന്‍ ഫോര്‍ ദ സ്‌റ്റഡി ഓഫ്‌ ഡയബറ്റീസില്‍ അവതരിപ്പിച്ച ഗവേഷണ റിപ്പോര്‍ട്ട്‌ പറയുന്നു.
ജനിതകപരമായി ടൈപ്പ്‌ 1 പ്രമേഹ സാധ്യതയുള്ള 5674 കുട്ടികളെ ജനനം മുതല്‍ ആറ്‌ വയസ്സ്‌ വരെ നിരീക്ഷിച്ചാണ്‌ ഗവേഷണം നടത്തിയത്‌. ബെറിപഴങ്ങളില്‍ അടങ്ങിയ പോളിഫെനോളുകള്‍ ശരീരത്തിലെ നീര്‍ക്കെട്ട്‌ കുറയ്‌ക്കുന്നതാണ്‌ ടൈപ്പ്‌ 1 പ്രമേഹസാധ്യതയെ തടുക്കുന്നതെന്ന്‌ ഗവേഷകര്‍ നിരീക്ഷിക്കുന്നു. ഓട്സ്, പഴങ്ങള്‍, ഗോതമ്പ്‌ എന്നിവ ഉയര്‍ന്ന പ്രമേഹ സാധ്യതയുമായി ബന്ധപ്പെട്ടിരിക്കുമ്പോള്‍ ബ്രോക്കളി, കോളിഫ്‌ളവര്‍ പോലുള്ള പച്ചക്കറികള്‍ ഇതിന്റെ സാധ്യത കുറയ്‌ക്കുന്നതായും റിപ്പോര്‍ട്ട്‌ ചൂണ്ടിക്കാണിക്കുന്നു.
എന്നാല്‍ ഈ പഠനത്തിന്റെ അടിസ്ഥാനത്തില്‍ ഭക്ഷണക്രമ ശുപാര്‍ശകള്‍ നടത്താനാകില്ലെന്നും അതിന്‌ കൂടുതല്‍ ഗവേഷണം ആവശ്യമാണെന്നും റിപ്പോര്‍ട്ട്‌ കൂട്ടിച്ചേര്‍ക്കുന്നു.
English Summary:
Oats and Fruits: New Study Links Foods to Childhood Diabetes Risk
4lt8ojij266p952cjjjuks187u-list mo-health-healthtips 2j3gc6cqae5k0fqmvhv5dv1mbr mo-health 6r3v1hh4m5d4ltl5uscjgotpn9-list mo-health-type1diabetes mo-health-diabetes mo-health-healthylifestyle
Source link
