സിനിമയിൽ അവസരം തരാമെന്ന് വാഗ്‌ദാനം ചെയ്‌ത് നിരന്തരം പീഡിപ്പിച്ചു, യുവ സംവിധായകൻ അറസ്റ്റിലായി
കൊച്ചി: സിനിമയിൽ അവസരം നൽകാമെന്ന് വാഗ്‌ദാനം ചെയ്‌ത് നിരന്തരം പീഡിപ്പിച്ചെന്ന പരാതിയിൽ യുവസംവിധായകൻ അറസ്‌റ്റിൽ. കണ്ണൂ‌ർ സ്വദേശിയായ യുവതിയുടെ പരാതിയിൽ മലപ്പുറം പൂച്ചാൽ കല്ലറമ്മൽ വീട്ടിൽ എ.ഷാജഹാനെയാണ്(31) പാലാരിവട്ടം പൊലീസ് അറസ്റ്റ് ചെയ്‌തത്.
‘ജെയിംസ് കാമറൂൺ’ എന്ന ചിത്രത്തിന്റെ സംവിധായകനും പല ചിത്രങ്ങളിലും അസിസ്‌റ്റന്റ് ഡയറക്‌ടറായും ജോലി നോക്കിയിട്ടുള്ളയാളാണ് ഷാജഹാൻ. ഇയാൾ സംവിധാനം ചെയ്‌ത ചിത്രത്തിൽ യുവതി അഭിനയിച്ചിട്ടുണ്ട്. ഈ ചിത്രം പുറത്തിറങ്ങിയില്ല. യുവതിക്കൊപ്പം വെണ്ണലയിലായിരുന്നു ഷാജഹാന്റെ താമസം. യുവതിയെ വിവാഹം ചെയ്യാം എന്ന് ഇയാൾ വാഗ്‌ദാനം ചെയ്‌തിരുന്നു. എന്നാൽ ഇയാൾ വിവാഹിതനാണെന്ന വിവരം ഇതിനിടെയാണ് യുവതി അറിഞ്ഞത്. ഇതോടെ പരാതി നൽകുകയായിരുന്നു. തുടർച്ചയായി ബലാൽസംഗം ചെയ്യുക, ഭീഷണി, വഞ്ചന, ആയുധം ഉപയോഗിച്ച് മുറിവേൽപ്പിക്കൽ തുടങ്ങി വിവിധ വകുപ്പുകൾ ചേർത്താണ് ഷാജഹാനെതിരെ പൊലീസ് കേസെടുത്തത്.
Source link
