ലബനനിൽ വീണ്ടും ഇസ്രേലി വ്യോമാക്രമണം; 51 മരണം

ബെ​യ്റൂ​ട്ട്: ഹി​സ്ബു​ള്ള​ക​ൾ ടെ​ൽ അ​വീ​വി​ലേ​ക്കു മി​സൈ​ൽ തൊ​ടു​ത്ത​തി​നു പി​ന്നാ​ലെ ഇ​സ്രേ​ലി വ്യോ​മ​സേ​ന വീ​ണ്ടും ല​ബ​ന​നി​ൽ വ്യാ​പ​ക ആ​ക്ര​മ​ണം ന​ട​ത്തി. ഹി​സ്ബു​ള്ള​യു​ടെ 280 കേ​ന്ദ്ര​ങ്ങ​ളാ​ണ് ഇ​സ്ര​യേ​ൽ ആ​ക്ര​മി​ച്ച​ത്. 51 പേ​ർ കൊ​ല്ല​പ്പെ​ടു​ക​യും 220 പേ​ർ​ക്കു പ​രി​ക്കേ​ൽ​ക്കു​ക​യും ചെ​യ്ത​താ​യി ല​ബ​നീ​സ് ആ​രോ​ഗ്യ​മ​ന്ത്രാ​ല​യം അ​റി​യി​ച്ചു. ഹി​സ്ബു​ള്ള​ക​ൾ ഇ​സ്ര​യേ​ലി​ന്‍റെ വാ​ണി​ജ്യ​ത​ല​സ്ഥാ​ന​മാ​യ ടെ​ൽ അ​വീ​വ് ല​ക്ഷ്യ​മി​ടു​ന്ന​ത് ആ​ദ്യ​മാ​ണ്. ഇ​സ്രേ​ലി ചാ​ര​സം​ഘ​ട​ന​യാ​യ മൊ​സാ​ദി​ന്‍റെ ആ​സ്ഥാ​ന​ത്തേ​ക്കാ​ണ് ഇ​ന്ന​ലെ രാ​വി​ലെ ബാ​ലി​സ്റ്റി​ക് മി​സൈ​ൽ തൊ​ടു​ത്ത​തെ​ന്ന് ഹി​സ്ബു​ള്ള​ക​ൾ പ​റ​ഞ്ഞു. മി​സൈ​ൽ ല​ക്ഷ്യം​കാ​ണും മു​ന്പേ ഇ​സ്രേ​ലി സേ​ന വെ​ടി​വ​ച്ചി​ട്ടു. ആ​ള​പാ​യ​വും നാ​ശ​ന​ഷ്ട​വു​മി​ല്ല. ഇ​തി​നു പി​ന്നാ​ലെ തെ​ക്ക​ൻ ല​ബ​ന​നി​ലും ബെ​ക്കാ താഴ്‌വരയിലും വ്യോ​മാ​ക്ര​മ​ണം ന​ട​ത്തി​യ​താ​യി ഇ​സ്ര​യേ​ൽ അ​റി​യി​ച്ചു. അ​ടു​ത്ത ദി​വ​സ​ങ്ങ​ളി​ൽ ഇ​സ്ര​യേ​ൽ ന​ട​ത്തി​യ പേ​ജ​ർ- വാ​ക്കി​ടോ​ക്കി ആ​ക്ര​മ​ണ​ങ്ങ​ളി​ലും 550തില​ധി​കം പേ​ർ കൊ​ല്ല​പ്പെ​ട്ട വ്യോ​മാ​ക്ര​മ​ണ​ങ്ങ​ളി​ലും ത​ള​രി​ല്ലെ​ന്നു തെ​ളി​യി​ക്കാ​നാ​ണു ഹി​സ്ബു​ള്ള​ക​ൾ ടെ​ൽ അ​വീ​വ് ല​ക്ഷ്യ​മാ​ക്കി മി​സൈ​ൽ പ്ര​യോ​ഗി​ച്ച​തെ​ന്നു ക​രു​തു​ന്നു. ഇ​തി​നു പു​റ​മേ ഇ​സ്ര​യേ​ലി​ലെ ഹാ​റ്റ്സോ​ർ പ​ട്ട​ണ​മ​ട​ക്ക​മു​ള്ള സ്ഥ​ല​ങ്ങ​ളി​ലേ​ക്കും സൈ​നി​ക കേ​ന്ദ്ര​ങ്ങ​ളി​ലേ​ക്കും ഹി​സ്ബു​ള്ള​ക​ൾ മി​സൈ​ൽ പ്ര​യോ​ഗി​ച്ചു. സി​റി​യ​യി​ൽ​നി​ന്ന് ഇ​സ്ര​യേ​ലി​നു നേ​ർ​ക്ക് ഡ്രോ​ൺ ആ​ക്ര​മ​ണം ഉ​ണ്ടാ​യെ​ന്നും റി​പ്പോ​ർ​ട്ടു​ണ്ട്.

ഇ​തി​നി​ടെ, ‍യു​ദ്ധ​ഭീ​തി​യി​ൽ തെ​ക്ക​ൻ ല​ബ​ന​നി​ൽ​നി​ന്നു പ​തി​നാ​യി​ര​ങ്ങ​ൾ പ​ലാ​യ​നം തു​ട​രു​ക​യാ​ണ്. ഇ​സ്രേ​ലി ക​ര​സേ​ന തെ​ക്ക​ൻ ല​ബ​ന​നി​ൽ പ്ര​വേ​ശി​ക്കു​മെ​ന്ന ഭീ​തി ജ​ന​ങ്ങ​ൾ പ​ങ്കു​വ​ച്ചു. തി​ങ്ക​ളാ​ഴ്ച മു​ത​ൽ പ​ലാ​യ​നം ചെ​യ്ത​വ​രു​ടെ എ​ണ്ണം 90,000 ആ​യെ​ന്ന് യു​എ​ൻ അ​റി​യി​ച്ചു. 2023 ഒ​ക്‌​ടോ​ബ​ർ മു​ത​ൽ പ​ലാ​യ​നം ചെ​യ്ത ഒ​രു​ല​ക്ഷ​ത്തി​ല​ധി​കം പേ​ർ​ക്കു പു​റ​മേ​യാ​ണി​ത്. കരയാക്രമണത്തിനു മുന്നൊരുക്കം: ഇസ്രേലി സൈനിക മേധാവി ടെ​ൽ അ​വീ​വ്: ല​ബ​ന​നി​ൽ ക​ര​യാ​ക്ര​മ​ണ​ത്തി​നു മു​ന്നോ​ടി​യാ​യി​ട്ടാ​ണ് വ്യോ​മാ​ക്ര​മ​ണ​ങ്ങ​ളെ​ന്ന സൂ​ച​ന ന​ല്കി ഇ​സ്രേ​ലി സൈ​നി​ക മേ​ധാ​വി ജ​ന​റ​ൽ ഹെ​ർ​സി ഹാ​ലെ​വി. ഇ​സ്രേ​ലി സേ​ന ല​ബ​ന​നി​ൽ പ്ര​വേ​ശി​ക്കു​ന്ന​തി​നു​ള്ള വ​ഴി​യൊ​രു​ക്കു​ന്ന​തു​വ​രെ ഹി​സ്ബു​ള്ള​യു​ടെ ശ​ക്തി​കേ​ന്ദ്ര​ങ്ങ​ളി​ൽ വ്യോ​മാ​ക്ര​മ​ണം തു​ട​രു​മെ​ന്ന് ല​ബ​നീ​സ് അ​തി​ർ​ത്തി​യി​ലു​ള്ള ഇ​സ്രേ​ലി സൈ​നി​ക​രോ​ട് അ​ദ്ദേ​ഹം പ​റ​ഞ്ഞു. ഹി​സ്ബു​ള്ള ആ​ക്ര​മ​ണ​ത്തി​ന്‍റെ പ​ശ്ചാ​ത്ത​ല​ത്തി​ൽ വ​ട​ക്ക​ൻ ഇ​സ്ര​യേ​ലി​ൽ​നി​ന്ന് ഒ​ഴിപ്പി​ച്ചു​മാ​റ്റി​യ ഇ​സ്രേ​ലി പൗ​ര​ന്മാ​രെ തി​രി​കെ എ​ത്തി​ക്ക​ലാ​ണ് സൈ​ന്യ​ത്തി​ന്‍റെ ല​ക്ഷ്യ​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.