നടൻ സിദ്ധാർഥും അദിതി റാവു ഹൈദരിയും വിവാഹിതരായി; ചിത്രങ്ങൾ

നടൻ സിദ്ധാർഥും അദിതി റാവു ഹൈദരിയും വിവാഹിതരായി; ചിത്രങ്ങൾ | Siddharth Aditi Rao Hydari are married.

നടൻ സിദ്ധാർഥും അദിതി റാവു ഹൈദരിയും വിവാഹിതരായി; ചിത്രങ്ങൾ

മനോരമ ലേഖകൻ

Published: September 16 , 2024 11:44 AM IST

Updated: September 16, 2024 12:08 PM IST

1 minute Read

സിദ്ധാർഥിന്റെയും അദിതിയുടെയും വിവാഹച്ചടങ്ങിൽ നിന്നും

നടൻ സിദ്ധാർഥും നടി അദിതി റാവു ഹൈദരിയും വിവാഹിതരായി. അദിതിയാണ് വിവാഹച്ചടങ്ങുകളുടെ ചിത്രങ്ങൾ പങ്കുവച്ച് സന്തോഷ വാർത്ത അറിയിച്ചത്. ‘‘നീയാണ് എന്റെ സൂര്യൻ, എന്റെ ചന്ദ്രൻ, എന്റെ എല്ലാ നക്ഷത്രങ്ങളും. മിസിസ് ആൻഡ് മിസ്റ്റർ അദു-സിദ്ധു.’’–വിവാഹച്ചിത്രങ്ങൾ പങ്കുവച്ച് അദിതി കുറിച്ചു.

സിദ്ധാർഥും അദിതി റാവുവും ഏറെക്കാലമായി  ലിവിങ് ടുഗെദര്‍ ബന്ധത്തിൽ ആയിരുന്നു. 2021 ൽ ‘മഹാസമുദ്രം’ എന്ന സിനിമയിൽ ഒരുമിച്ച് അഭിനയിക്കുമ്പോഴാണ് ഇരുവരും പ്രണയത്തിലാകുന്നത്. 

ഹൈദരാബാദിലെ പ്രശസ്തമായ ഹൈദരികുടുംബത്തിൽ ജനിച്ച അദിതി റാവു രാജകീയ പാരമ്പര്യമുള്ള താരമാണ്. രാഷ്ട്രീയനേതാക്കളായ മുഹമ്മദ് സലേ അക്ബർ ഹൈദരിയുടെയും ജെ. രാമേശ്വർ റാവുവിന്റെയും കൊച്ചുമകളാണ് താരം. തെലങ്കാനയിലെ വാനപർത്തി നാട്ടുരാജ്യത്തിലെ അവസാനത്തെ ഭരണാധികാരി അദിതി റാവുവിന്റെ അമ്മയുടെ മുത്തച്ഛനായിരുന്നു. 

ഇരുവരുടെയും രണ്ടാം വിവാഹമാണിത്. 2003ൽ തന്റെ സിനിമാ അരങ്ങേറ്റത്തിന് പിന്നാലെയാണ് സിദ്ധാർഥ് വിവാഹിതനാകുന്നത്. ഡൽഹിയിൽ നിന്നുള്ള തന്റെ ബാല്യകാല സുഹൃത്ത് മേഘ്‌നയെ ആണ് സിദ്ധാർഥ് വിവാഹം ചെയ്തത്. ചെറുപ്പം മുതലുള്ള പ്രണയമായിരുന്നെങ്കിലും ഇവരുടെ ദാമ്പത്യ ജീവിതം അധികം നാൾ നീണ്ടുനിന്നില്ല. ഏകദേശം രണ്ടു വർഷക്കാലം വേർപിരിഞ്ഞ് കഴിഞ്ഞ ഇവർ 2007ൽ വിവാഹമോചനം നേടി.

ബോളിവുഡ് നടൻ സത്യദീപ് മിശ്രയാണ് അദിതിയുടെ ആദ്യ ഭർത്താവ്. 2002ൽ വിവാഹിതരായ ഇവർ 2012ൽ വേർപിരി‍ഞ്ഞു.
ശങ്കറിനൊപ്പമുള്ള കമൽഹാസന്‍റെ ഇന്ത്യൻ 2 ആണ് സിദ്ധാർഥിന്റേതായി റിലീസ് ചെയ്ത അവസാന ചിത്രം. താജ്: ഡിവൈഡഡ് ബൈ ബ്ലഡ് എന്ന രണ്ട് ഭാഗങ്ങളുള്ള വെബ് സീരീസിലാണ് അദിതി അവസാനമായി പ്രത്യക്ഷപ്പെട്ടത്.

English Summary:
Actor Siddharth and actress Aditi Rao Hydari are married.

7rmhshc601rd4u1rlqhkve1umi-list 549eavfuoh9a2ut27tui89nfhm mo-celebrity-celebritywedding f3uk329jlig71d4nk9o6qq7b4-list mo-entertainment-movie-aditirao mo-entertainment-common-bollywoodnews