കാർത്തിക്കൊപ്പം ‘96’ സംവിധായകൻ; ‘മെയ്യഴകൻ’ ടീസർ

കാർത്തിക്കൊപ്പം ‘96’ സംവിധായകൻ; ‘മെയ്യഴകൻ’ ടീസർ | Meiyazhagan Teaser

കാർത്തിക്കൊപ്പം ‘96’ സംവിധായകൻ; ‘മെയ്യഴകൻ’ ടീസർ

മനോരമ ലേഖകൻ

Published: September 09 , 2024 11:21 AM IST

1 minute Read

ടീസറിൽ നിന്നും

കാർത്തി, അരവിന്ദ് സ്വാമി എന്നിവരെ പ്രധാനകഥാപാത്രങ്ങളാക്കി സി. പ്രേം കുമാർ സംവിധാനം ചെയ്യുന്ന ‘മെയ്യഴകൻ’ ടീസർ എത്തി. സെപ്റ്റംബർ 27ന് ചിത്രം തിയറ്ററിലെത്തുമെന്നാണ് വിവരം.  ’96’ എന്ന സൂപ്പർ ഹിറ്റ് ചിത്രത്തിനു ശേഷം പ്രേം കുമാർ സംവിധാനം ചെയ്യുന്ന ചിത്രം കൂടിയാണിത്.

നടൻ സൂര്യയും ജ്യോതികയും ചേർന്നാണ് ചിത്രത്തിന്റെ നിർമാണം. 96ന് ശേഷം, സംവിധായകൻ പ്രേം കുമാറും സംഗീത സംവിധായകൻ ഗോവിന്ദ് വസന്തയും വീണ്ടും ഒന്നിക്കുന്നുവെന്ന പ്രത്യേകതയും മെയ്യഴകനുണ്ട്. സംഗീതത്തിന് പ്രധാന്യം നൽകി ഇമോഷണൽ ഫീൽഗുഡ് ജോണറിലാകും ചിത്രമെന്നാണ് ടീസർ നൽകുന്ന സൂചന.

ശ്രീദിവ്യയാണ് ചിത്രത്തിൽ നായികയായി എത്തുന്നത്. രാജ് കിരൺ, ദേവദർശിനി, ശ്രീരഞ്ജിനി, ജയപ്രകാശ്, ഇളവരസു, കരുണാകരൻ, ശരൺ ശക്തി, രാജ്കുമാർ, ജയപ്രകാശ്, സരൺ എന്നവരും ചിത്രത്തിൽ സുപ്രധാന കഥാപാത്രങ്ങളെ അവതരിപ്പിക്കുന്നു. മഹേന്ദ്രൻ രാജു ഛായാഗ്രഹണം നിർവ്വഹിക്കുന്ന മെയ്യഴകനായി, ആർ. ഗോവിന്ദരാജാണ് എഡിറ്റിങ് കൈകാര്യം ചെയ്യുന്നത്. കാർത്തിയുടെ 27-ാമത്തെ ചിത്രമാണ് മെയ്യഴകൻ. 

English Summary:
Watch Meiyazhagan Teaser

7rmhshc601rd4u1rlqhkve1umi-list mo-entertainment-movie-karthi mo-entertainment-common-kollywoodnews qs8cci4hm6ld0rbiu8vq2j9q9 f3uk329jlig71d4nk9o6qq7b4-list mo-entertainment-common-teasertrailer