ഇന്നത്തെ നക്ഷത്രഫലം 3 സെപ്റ്റംബർ 2024
ഇന്നത്തെ സമ്പൂർണ നക്ഷത്രഫലം വിശദമായി വായിക്കാം. ആരോഗ്യപരമായി ചിലർക്ക് നല്ല സമയമാണ്. എന്നാൽ ചില കൂറുകാർക്ക് രോഗ ദുരിതങ്ങൾ ഉണ്ടാകാനിടയുണ്ട്. ചിലർക്ക് സാമ്പത്തിക നേട്ടം ഉണ്ടാകുമ്പോൾ, ചിലർക്ക് ചെലവുകൾ വർധിക്കും. അപകീർത്തി ഇന്ന് ചിലർക്ക് സംഭവിക്കാം, എന്നാൽ ചില രാശിക്കാർക്ക് സമൂഹത്തിൽ പ്രശസ്തി വർധിക്കും. ദാമ്പത്യ ജീവിതത്തിൽ പ്രശ്നങ്ങൾ നേരിടിന്നവരുമുണ്ട്. ഓരോ കൂറുകാരുടെയും ഇന്നത്തെ ദിവസഫലം.മേടം (അശ്വതി, ഭരണി, കാർത്തിക ¼)കുടുംബ പ്രശ്നങ്ങൾ മൂലമോ, തൊഴിൽ രംഗത്തെ പ്രശ്നങ്ങൾ മൂലമോ ദിവസത്തിന്റെ തുടക്കം മുതൽ ആശങ്ക നിലനിൽക്കും. ഇന്ന് നിങ്ങളുടെ ചില ജോലികൾ മെച്ചപ്പെടുത്താൻ ശ്രമിച്ചേക്കാം. എന്നാൽ ചില സാഹചര്യങ്ങൾ ഇതിന് തടസ്സം സൃഷ്ടിച്ചേക്കാം. ലാഭം നേടാൻ തടസമുണ്ടാകും. ബുദ്ധിമുട്ടേറിയ ജോലികളിൽ നിന്ന് പിന്നീട് നേട്ടം പ്രതീക്ഷിക്കാം. സാമ്പത്തിക സ്ഥിതി സാധാരണ നിലയിലായിരിക്കും. ദാമ്പത്യ ജീവിതം ഇന്ന് അത്ര സന്തോഷകരമായിരിക്കില്ല. ഇന്ന് ചില യാത്രകൾ വേണ്ടി വന്നേക്കാം.ഇടവം (കാർത്തിക ¾, രോഹിണി, മകയിരം ½)ജീവിതനിലവാരം മെച്ചപ്പെടുത്താനുള്ള ശ്രമങ്ങൾ നടത്തിയേക്കാം. എതിർലിംഗത്തിലുള്ള ഒരു വ്യക്തിയോട് ആകർഷണം തോന്നാനിടയുണ്ട്. ഇന്ന് അസഭ്യമായ ഭാഷാപ്രയോഗം ഒഴിവാക്കണം. ഇല്ലെങ്കിൽ പൊതുസ്ഥലത്ത് അപമാനവും ശത്രുക്കളും ഉണ്ടായേക്കാം. ജോലിസ്ഥലത്തുനിന്ന് അപ്രതീക്ഷിത നേട്ടങ്ങൾ ഉണ്ടാകുന്നതാണ്. കൂടാതെ അപ്രതീക്ഷിത ധനനേട്ടത്തിനും സാധ്യത കാണുന്നു. സഹപ്രവർത്തകരോട് മാന്യമായി പെരുമാറാൻ ശ്രദ്ധിക്കുക. ചെറിയ കാര്യങ്ങളിൽ പോലും സംശയം കാണിക്കുന്നത് ദാമ്പത്യ ജീവിതത്തിൽ പ്രശ്നങ്ങൾ സൃഷ്ടിക്കും.മിഥുനം (മകയിരം ½, തിരുവാതിര, പുണർതം ¾)മിഥുനക്കൂറുകാർക്ക് ഇന്ന് മനസ്സ് ആകെ അസ്വസ്ഥമായിരിക്കും. എന്തെങ്കിലും കാര്യങ്ങൾക്ക് മനസ്സിൽ ദേഷ്യമോ വെറുപ്പോ നിറയാം. ഇന്നത്തെ ദിനചര്യ മറ്റു ദിവസങ്ങളെ അപേക്ഷിച്ച് മന്ദഗതിയിലായിരിക്കും. ചില ജോലികൾ ചെയ്യുന്നതിലെ കാലതാമസം മറ്റു ജോലികളെയും ബാധിച്ചേക്കാം. ജോലിയിലെ അശ്രദ്ധ ഒഴിവാക്കണം. ഇന്ന് ചെറിയ ചില ബിസിനസ് നേട്ടങ്ങൾക്ക് സാധ്യതയുണ്ടെങ്കിലും അടുത്ത നിമിഷം തന്നെ നിരാശ ഉണ്ടാകുന്ന സാഹചര്യവും ഉണ്ടായേക്കും. ദാമ്പത്യ ജീവ്ത്തിൽ സമാധാനം ഉണ്ടാകും. ഇഷ്ടഭക്ഷണ യോഗം കാണുന്നു. ചിലർക്ക് പ്രായത്തിന്റേതായ ആരോഗ്യ പ്രശ്നങ്ങളും ഉണ്ടായേക്കാം.കർക്കടകം (പുണർതം ¼, പൂയം, ആയില്യം)ചില വികാരങ്ങളെ നിയന്ത്രിക്കാൻ ഇന്ന് പാടുപെടും. സന്താനങ്ങൾ മൂലം ദുഖിക്കാനിടയുണ്ട്. കുട്ടികളുടെ അപ്രതീക്ഷിതമായ മോശം പെരുമാറ്റം മനസിനെ തളർത്തും. തൊഴിൽ രംഗത്ത് നിങ്ങളുടെ കാര്യക്ഷമയായ ഇടപെടലും മികച്ച തീരുമാനം എടുക്കാനുള്ള കഴിവും അംഗീകരിക്കപ്പെടും. പ്രശ്നകാരമായ സാഹചര്യങ്ങളിൽ നിന്ന് വിട്ടുനിൽക്കുക. ആരെക്കുറിച്ചെങ്കിലും മുഖസ്തുതി പറയുന്നത് താൽക്കാലിക നേട്ടങ്ങൾ കൊണ്ടുവന്നേക്കും. കഠിനാധ്വാനത്തിന്റെ ഫലം വൈകുന്നേരത്തോടെ ലഭിച്ചേക്കും. മറ്റു വരുമാന സ്രോതസുകളിലൂടെ സാമ്പത്തിക നേട്ടത്തിനും സാധ്യതയുണ്ട്. സഹോദരഗുണം ഉണ്ടാകും.ചിങ്ങം (മകം, പൂരം, ഉത്രം ¼)ഇന്ന് ഉച്ച വരെ ചിങ്ങക്കൂറുകാർക്ക് അലച്ചിൽ കൂടുതലായിരിക്കും. ശേഷമുള്ള സമയം ഗുണകരമായിരിക്കും. എന്നാൽ ചെറിയ ചില അശ്രദ്ധ മൂലം നഷ്ടങ്ങൾ ഉണ്ടായേക്കാം. ജോലിസ്ഥലത്ത് ചിലർ നിങ്ങളെ പ്രയോജനപ്പെടുത്താനിടയുണ്ട്. ഇന്ന് ജോലിഭാരം കൂടുതലായിരിക്കും. ചില മേഖലകളിൽ വിജയം നേടുന്നത് മറ്റുചില പ്രശ്നങ്ങൾ മറക്കാൻ നിങ്ങളെ സഹായിച്ചേക്കും. ദാമ്പത്യ ജീവിതം അത്ര സന്തോഷകരമായിരിക്കില്ല. ആരോഗ്യ കാര്യത്തിലും ഇന്ന് പ്രത്യേക ശ്രദ്ധ വേണം.കന്നി (ഉത്രം ¾, അത്തം, ചിത്തിര ½)മതപരമായ കാര്യങ്ങളിൽ താല്പര്യം കുറയും. ദിവസത്തിന്റെ തുടക്കത്തിൽ സമാധാനം ഉണ്ടാകുമെങ്കിലും ദിവസം പുരോഗമിക്കുമ്പോൾ പലതരം പ്രശ്നങ്ങളെ നേരിടേണ്ടി വന്നേക്കാം. ചില പരാജയങ്ങൾ നേരിടാനിടയുണ്ട്. ചില വ്യക്തികൾ ജീവിതപാതയിൽ നിങ്ങളെ സഹായിച്ചേക്കാം. അപൂർണ്ണമായ ജോലികൾ പൂർത്തിയാക്കാൻ ഇന്നകഠിനാധ്വാനം കൂടുതൽ വേണ്ടി വരും. ബിസിനസിലും പ്രതീക്ഷിച്ച നേട്ടം ഉണ്ടാകണമെന്നില്ല. സാമ്പത്തിക സ്ഥിതിയും മോശമാകാനിടയുണ്ട്. തൊഴിൽ രംഗത്ത് ജാഗ്രത കൈവിടരുത്.തുലാം (ചിത്തിര ½, ചോതി, വിശാഖം ¾)ജോലികളിൽ അലസത പ്രകടമാക്കിയേക്കാം. അതുകൊണ്ട് തന്നെ പല ജോലികളിലും കാലതാമസം നേരിടും. ഒരു സുഹൃത്തിനോ പരിചയമുള്ള മറ്റേതെങ്കിലും വ്യക്തിക്കോ നിങ്ങളിൽ നിന്ന് സാമ്പത്തിക സഹായം ആവശ്യമായി വന്നേക്കാം. ചെറിയ പ്രശ്നങ്ങൾ മാറ്റിനിർത്തിയാൽ കുടുംബാന്തരീക്ഷം സാധാരണ നിലയിലായിരിക്കും. മാതാവുമായി അഭിപ്രായ വ്യത്യാസത്തിന് സാധ്യതയുണ്ട്. സഹോദരങ്ങളുമായും പ്രശ്നങ്ങൾ ഉണ്ടായേക്കും. ചില തർക്ക സാഹചര്യങ്ങൾ നിലനിൽക്കുന്നു. അടുത്ത ദിവസങ്ങളിൽ ഒരു യാത്രക്ക് പദ്ധതി തയ്യാറാക്കും.വൃശ്ചികം (വിശാഖം ¼, അനിഴം, തൃക്കേട്ട)ഇന്ന് തൊഴിൽ രംഗത്ത് സ്വാർഥമായി പെരുമാറാനിടയുണ്ട്. ചില ജോലികൾ പൂർത്തിയാക്കുന്നതിന് കുടുംബാംഗങ്ങളുടെ സഹായം ആവശ്യമായി വന്നേക്കാം. അറിഞ്ഞോ അറിയാതെയോ ഒരു കുടുംബാംഗത്തിന് ദോഷം വരുത്താനിടയുണ്ട്. ഇന്ന് നിങ്ങളെ ഭാഗ്യം തുണയ്ക്കുന്ന ദിവസം കൂടിയാണ്. സാമ്പത്തിക സ്ഥിതി മെച്ചപ്പെടും. സർക്കാരുമായി ബന്ധപ്പെട്ട ചില ആശയക്കുഴപ്പങ്ങൾ നിലനിൽക്കും. ചെലവുകൾ വർധിക്കാനിടയുണ്ട്. ചില ആരോഗ്യ പ്രശ്നങ്ങൾ ഉണ്ടാകും.ധനു (മൂലം, പൂരാടം, ഉത്രാടം ¼)ഇന്ന് ആരുടെയെങ്കിലും എതിർപ്പ് നേരിടേണ്ടി വരും. ജോലിസ്ഥലത്ത്, പതിവ് ജോലിയിൽ നിന്ന് മാറി മറ്റേതെങ്കിലും കാര്യങ്ങളിൽ തിരക്കിലായിരിക്കും. ദൈനംദിന കാര്യങ്ങളിലും കാലതാമസം നേരിടും. ചില മുതിർന്ന വ്യക്തികളുടെ സഹായത്തോടെ സാമൂഹിക പരിപാടികളുടെ ഭാഗമാകും. സാമ്പത്തിക സ്ഥിതി പ്രതീക്ഷിച്ചതുപോലെ ആയിരിക്കില്ല. ആരിൽ നിന്നെങ്കിലും കടം വാങ്ങേണ്ടി വന്നേക്കാം. കുടുംബാന്തരീക്ഷം സാധാരണ നിലയിലായിരിക്കും.മകരം (ഉത്രാടം ¾, തിരുവോണം, അവിട്ടം ½)ജീവകാരുണ്യ പ്രവർത്തനങ്ങളിൽ താല്പര്യം വർധിക്കും. സമൂഹത്തിൽ ബഹുമാനവും വർധിക്കും. ഏറ്റവും ബുദ്ധിമുട്ട് നിറഞ്ഞ ജോലികൾ പോലും നിങ്ങളുടെ ബുദ്ധിയും വിവേകവും ഉപയോഗിച്ച് വിജയകരമായി പൂർത്തിയാക്കാൻ സാധിച്ചേക്കും. ഇതുമൂലം സഹപ്രവർത്തകർക്ക് നിങ്ങളോട് അസൂയ തോന്നിയേക്കാം. സാമ്പത്തിക നേട്ടം ഉണ്ടാകുമെങ്കിലും അതിനനുസരിച്ച് ചെലവുകളും ഉണ്ടാകും. കുടുംബത്തിൽ സന്തോഷകരമായ അന്തരീക്ഷം നിലനിൽക്കും. ഒരു വിനോദയാത്രയ്ക്ക് പദ്ധതിയിടും.കുംഭം (അവിട്ടം ½, ചതയം, പൂരുരുട്ടാതി ¾)ദിവസത്തിന്റെ ആരംഭം മുതൽ പല പ്രതികൂല സാഹചര്യങ്ങളും ഉണ്ടായേക്കാം. ചില ജോലികൾ സാമ്പത്തിക കാരണങ്ങളാൽ തടസ്സപ്പെടാനിടയുണ്ട്. ഇനി പണം ക്രമീകരിച്ചാലും മറ്റേതെങ്കിലും കാരണങ്ങളാൽ ഈ ജോലികൾ തടസപ്പെട്ടേക്കാം. തൊഴിൽ രംഗത്ത് എതിരാളികളുടെ ആധിപത്യം ഉണ്ടാകും. നിക്ഷേപങ്ങൾ ഒഴിവാക്കുന്നതാണ് നല്ലത്. നിങ്ങളുടെ അധാർമിക പ്രവർത്തനങ്ങൾ മൂലം ദാമ്പത്യ ജീവിതത്തിൽ പ്രശ്നങ്ങൾ ഉണ്ടായേക്കാം. യാത്ര ചെയ്യുന്നവർ ജാഗ്രത പാലിക്കുക.മീനം (പൂരുരുട്ടാതി ¼, ഉതൃട്ടാതി, രേവതി)കഴിഞ്ഞ ദിവസങ്ങളെ അപേക്ഷിച്ച് മീനക്കൂറുകാർക്ക് ഇന്ന് ഗുണകരമായ ദിവസമായിരിക്കും. ആരോഗ്യ നിലയിൽ പുരോഗതി ഉണ്ടാകും. ആരോഗ്യ പ്രശ്നങ്ങൾ അവഗണിക്കാതിരിക്കുക. സ്വത്ത് വിഷയങ്ങളിൽ കുടുംബത്തിൽ അഭിപ്രായ വ്യത്യാസങ്ങൾക്ക് സാധ്യതയുണ്ട്. ബിസിനസിൽ ചെറിയ നേട്ടങ്ങൾ ഉണ്ടായേക്കും. അപകീർത്തി ഭയം നിലനിൽക്കും. മറ്റാരിൽ നിന്നെങ്കിലും സാമ്പത്തിക സഹായം വേണ്ടി വന്നേക്കും. യാത്ര മാറ്റി വെക്കുന്നത് വഴി നഷ്ടങ്ങൾ ഉണ്ടാകും.
Source link
