‘ഫൂട്ടേജി’ലെ വിവാദ രംഗം പുറത്തുവിട്ട് അണിയറക്കാർ; വിഡിയോ

‘ഫൂട്ടേജി’ലെ വിവാദ രംഗം പുറത്തുവിട്ട് അണിയറക്കാർ; വിഡിയോ | Footage New Teaser

‘ഫൂട്ടേജി’ലെ വിവാദ രംഗം പുറത്തുവിട്ട് അണിയറക്കാർ; വിഡിയോ

മനോരമ ലേഖകൻ

Published: August 21 , 2024 02:27 PM IST

1 minute Read

ടീസറിൽ നിന്നും

മഞ്ജു വാരിയരെ കേന്ദ്ര കഥാപാത്രമാക്കി എഡിറ്റർ സൈജു ശ്രീധരൻ ആദ്യമായി സംവിധാനം ചെയ്യുന്ന ഫൂട്ടേജിന്റെ പുതിയ ടീസർ എത്തി. വിശാഖ് നായരെയും ഗായത്രി അശോകിനെയും ടീസറിൽ കാണാം. 
ഫൂട്ടേജിന്റേതായി ഇറങ്ങിയ ആദ്യ ഫസ്റ്റ്ലുക്ക് പോസ്റ്ററിൽ ഇരുവരുടെയും ലുക്ക് വൈറലായി മാറിയിരുന്നു. ഈ ലുക്കിനു പിന്നിലുള്ള അണിയറ രംഗങ്ങളാണ് ടീസറിൽ കാണാനാകുന്നത്.

കുമ്പളങ്ങി നൈറ്റ്സ്, അഞ്ചാം പാതിര, മഹേഷിന്റെ പ്രതികാരം എന്നീ ചിത്രങ്ങളുടെ എഡിറ്റർ എന്ന നിലയിൽ പ്രേക്ഷകർക്കു സുപരിചിതനായ സൈജു ശ്രീധറിന്റെ ആദ്യ സംവിധാനസംരംഭമാണ് ഫൂട്ടേജ്. ഓഗസ്റ്റ് 2 നു പുറത്തിറങ്ങുന്ന ചിത്രം പ്രേക്ഷകരിലേക്ക് എത്തിക്കുന്നത് മാർട്ടിൻ പ്രക്കാട്ട്  ഫിലിംസ് ആണ്. 

മൂവി ബക്കറ്റ്, കാസ്റ്റ് ആന്‍ഡ് കോ, പെയില്‍ ബ്ലൂ ഡോട്ട് പിക്ചേഴ്സ് എന്നിവയുടെ ബാനറില്‍ ബിനീഷ് ചന്ദ്രൻ സൈജു ശ്രീധരൻ എന്നിവർ ചേര്‍ന്നാണ് ചിത്രം നിര്‍മിക്കുന്നത്. സിനിമയുടെ ഫസ്റ്റ് ലുക്ക് പോസ്റ്റർ മുതൽ ഏറെ വ്യത്യസ്തമാർന്ന അനുഭവമാണ് ചിത്രം പങ്കുവയ്ക്കുന്നത്. സിനിമയുടെ ഉള്ളടക്കത്തിലും അവതരണത്തിലും ഏറെ പുതുമയുള്ള സിനിമയാകും ഫൂട്ടേജ് എന്നാണ് പ്രതീക്ഷ. ഓഗസ്റ്റ് 23നാണ് ചിത്രം റിലീസിനെത്തുക.

English Summary:
Footage New Teaser

7rmhshc601rd4u1rlqhkve1umi-list mo-entertainment-common-malayalammovienews 3c1p5cl14dflqa4dq1k307o8tr f3uk329jlig71d4nk9o6qq7b4-list mo-entertainment-movie-manjuwarrier mo-entertainment-common-malayalammovie mo-entertainment-common-teasertrailer