‘ട്വെൽത്ത് മാൻ’ റീമേക്കുമായി അക്ഷയ് കുമാർ; ട്രെയിലർ കാണാം

‘ട്വെൽത്ത് മാൻ’ റീമേക്കുമായി അക്ഷയ് കുമാർ; ട്രെയിലർ കാണാം | Khel Khel Mein Trailer

‘ട്വെൽത്ത് മാൻ’ റീമേക്കുമായി അക്ഷയ് കുമാർ; ട്രെയിലർ കാണാം

മനോരമ ലേഖകൻ

Published: August 02 , 2024 03:14 PM IST

1 minute Read

ട്രെയിലറിൽ നിന്നും

വീണ്ടുമൊരു റീമേക്ക് ചിത്രവുമായി ബോളിവുഡ് താരം അക്ഷയ് കുമാർ. മുദാസര്‍ അസീസ് രചനയും സംവിധാനവും നിര്‍വഹിക്കുന്ന ഖേല്‍ ഖേല്‍ മേം ആണ് അക്ഷയ് കുമാറിന്‍റെ അടുത്ത റിലീസ്. സിനിമയുടെ ട്രെയിലർ എത്തി. കോമഡി ഡ്രാമ വിഭാ​ഗത്തില്‍ പെടുന്ന ചിത്രത്തിന്‍റെ റിലീസ് ഓ​ഗസ്റ്റ് 15 ആണ്. പാവ്‍ലോ ജെനോവീസിന്‍റെ സംവിധാനത്തില്‍ 2016ല്‍ റിലീസ് ചെയ്യപ്പെട്ട ഇറ്റാലിയന്‍ ചിത്രം പെര്‍ഫെക്ട് സ്ട്രേഞ്ചേഴ്സിന്‍റെ ഔദ്യോഗിക റീമേക്ക് ആണ് ഇത്.

റഷ്യ, ജര്‍മനി, ഇന്തോനേഷ്യ എന്നിങ്ങനെ പല രാജ്യങ്ങളില്‍ റീമേക്ക് ചെയ്യപ്പെട്ട ചിത്രമാണിത്. മോഹന്‍ലാല്‍–ജീത്തു ജോസഫ് കൂട്ടുകെട്ടിലിറങ്ങിയ ‘ട്വെൽത്ത് മാന്‍’, പെര്‍ഫെക്ട് സ്ട്രേഞ്ചേഴ്സിന്‍റെ പ്ലോട്ടിന് സമാനമായ കഥ പറഞ്ഞ ചിത്രമാണെന്ന് റിപ്പോര്‍ട്ടുകള്‍ ഉണ്ടായിരുന്നു. എന്നാല്‍ ഈ അക്ഷയ് കുമാര്‍ ചിത്രം അതിന്റെ ഔദ്യോഗിക റീമേക്ക് ആണ്. 

അമ്മി വിര്‍ക്, വാണി കപൂര്‍, തപ്സി പന്നു, ഫര്‍ദീന്‍ ഖാന്‍, പ്രഗ്യ ജയ്സ്‌വാൾ, ആദിത്യ സീൽ എന്നിങ്ങനെ വമ്പൻ താരനിരയാണ് ചിത്രത്തിലേത്. 

അക്ഷയ് കുമാറിന്റെ കഴിഞ്ഞ റിലീസ് സൂര്യ നായകനായ സൂരരൈ പോട്രിന്റെ റീമേക്ക് ആയിരുന്നു. സർഫിര എന്ന ഈ ചിത്രം ബോക്സ്ഓഫിസില്‍ തകര്‍ന്നടിഞ്ഞു. പുതിയ സിനിമയിലൂടെ ഒരു വിജയം തിരിച്ചുപിടിക്കാം എന്ന പ്രതീക്ഷയിലാണ് താരം.

English Summary:
Watch Khel Khel Mein Trailer

7rmhshc601rd4u1rlqhkve1umi-list fii5u00a39qaef1qs09ffe89p f3uk329jlig71d4nk9o6qq7b4-list mo-entertainment-movie-akshay-kumar mo-entertainment-common-teasertrailer mo-entertainment-common-bollywoodnews