അങ്കോള ദുരന്തം,​ രഞ്ജിത്തിന്റെ സംഘം മടങ്ങണമെന്ന് കർണാടക

അങ്കോള (ഉത്തര കർണ്ണാടക): മണ്ണിടിച്ചിലിനെ തുടർന്ന് കാണാതായ അർജുനെയും ലോറിയെയും കണ്ടെത്താൻ തിരുവനന്തപുരം വിതുരയിൽ നിന്നെത്തിയ രഞ്ജിത്ത് ഇസ്രയേലും സംഘവും മടങ്ങണമെന്ന് കർണാടക പൊലീസ് നിർദ്ദേശിച്ചു. കര-നാവികസേനകൾ സംയുക്തമായി തെരച്ചിൽ നടത്തുന്നിടത്ത് നിങ്ങളുടെ ആവശ്യമില്ലെന്ന് പറഞ്ഞ് രഞ്ജിത്തിനെ തള്ളി മാറ്റാൻ പൊലീസ് ശ്രമിച്ചെന്ന് ലോറി ഉടമ മനാഫ് പറഞ്ഞു.

ഇന്നലെ ഉച്ചയോടെയാണ് സംഭവം. ഝാർഖണ്ഡിലടക്കം സന്നദ്ധപ്രവർത്തനം നടത്തി പരിചയമുള്ള രഞ്ജിത്ത് സ്വന്തം ചെലവിലാണ് ഷിരൂരിലെത്തിയത്. അഞ്ചാം ദിവസം വൈകിട്ടെത്തിയ രഞ്ജിത്ത് ചീഫ് സെക്രട്ടറി, ഐ.ജി എന്നിവരുമായി ചർച്ച നടത്തിയിരുന്നു. തുടർന്ന് ഞായറാഴ്ച രാവിലെ മുതൽ മണ്ണ് മാറ്റാനുമിറങ്ങി. എന്നാൽ, സൈന്യമെത്തിയതോടെ മലയാളികളെല്ലാവരും മാറണമെന്ന് പൊലീസ് ആവശ്യപ്പെട്ടു. ഇന്നലെ ഉച്ചയ്ക്ക് ഒന്നോടെ ലോറി ഡ്രൈവർമാർ അടക്കമുള്ളവരെ പൊലീസ് പുറത്താക്കി. അതേസമയം പ്രശ്നം താത്കാലികമായി പരിഹരിച്ചെണ് രഞ്ജിത്ത് പിന്നീട് പ്രതികരിച്ചു.

മണ്ണിടിച്ചിലിനെ തുടർന്നടച്ച കൊച്ചി-മംഗളൂരു-പനവേൽ ദേശീയപാത ഇന്നലെ തുറന്നു. സൈന്യത്തിന്റെ സഹായത്തോടെ മണ്ണ് നീക്കിയതിനെ തുടർന്നാണ് വാഹനങ്ങൾ കടത്തിവിട്ടത്. 16ന് രാവിലെ 8.45 ന് ദുരന്തമുണ്ടായത് മുതൽ പാത അടച്ചിട്ടിരുന്നു.

 കോഴിക്കോട്ടെ ദൗത്യസംഘത്തിനും അനുമതിയില്ല

കോഴിക്കോട്ടെ മുക്കം, കൂരാച്ചുണ്ട്, ബാലുശ്ശേരി എന്നിവിടങ്ങളിൽ നിന്ന് ഷിരൂരിലെത്തിയ 50 അംഗ സന്നദ്ധ പ്രവർത്തകർക്ക് കർണാടക പൊലീസും പ്രാദേശിക ഭരണകൂടവും തെരച്ചിലിന് അനുമതി നൽകിയില്ല. മുക്കത്ത് നിന്ന് 18 അംഗ സംഘമാണ് ബസ് പിടിച്ച് ഷിരൂരിലെത്തിയത്. കൂലിപ്പണിക്കാരായ ഇവർ ജോലി പോലും ഉപേക്ഷിച്ചാണെത്തിയത്. പുഴയിലെ തെരച്ചിലിനായി ബോട്ട്, ഓക്സിജൻ കിറ്റ്, ഭക്ഷണം എന്നിവയടക്കം കരുതിയിരുന്നു. അനുമതിയില്ലാതെ ബോട്ട് പുഴയിൽ ഇറക്കാൻ കഴിയില്ലെന്നായിരുന്നു കർണാടക അധികൃതർ ഇവരെ അറിയിച്ചത്.

ഷി​രൂ​രി​ലെ​ ​ര​ക്ഷാ​പ്ര​വ​ർ​ത്ത​നം:
ക​ർ​ണാ​ട​ക​ ​ഹൈ​ക്കോ​ട​തി​യെ​ ​സ​മീ​പി​ക്കാം

​ ​ഇ​ട​പെ​ടാ​തെ​ ​സു​പ്രീം​കോ​ട​തി

ന്യൂ​ഡ​ൽ​ഹി​:​ ​ഷി​രൂ​രി​ലെ​ ​മ​ണ്ണി​ടി​ച്ചി​ലി​ൽ​ ​മ​ല​യാ​ളി​യാ​യ​ ​അ​ർ​ജു​നു​ൾ​പ്പെ​ടെ​യു​ള്ള​വ​രെ​ ​ക​ണ്ടെ​ത്താ​നു​ള്ള​ ​ര​ക്ഷാ​പ്ര​വ​ർ​ത്ത​നം​ ​ഊ​ർ​ജ്ജി​ത​മാ​ക്ക​ണ​മെ​ന്ന​ ​റി​ട്ട് ​ഹ​ർ​ജി​യി​ൽ​ ​സു​പ്രീം​കോ​ട​തി​ ​ഇ​ട​പെ​ട്ടി​ല്ല.​ ​ക​ർ​ണാ​ട​ക​ ​ഹൈ​ക്കോ​ട​തി​യെ​ ​സ​മീ​പി​ക്കാ​ൻ​ ​ഹ​ർ​ജി​ക്കാ​ര​നാ​യ​ ​അ​ഡ്വ.​ ​കെ.​ആ​ർ.​ ​സു​ഭാ​ഷ് ​ച​ന്ദ്ര​ന് ​നി​ർ​ദ്ദേ​ശം​ ​ന​ൽ​കി.​ ​ഹ​ർ​ജി​ ​ഫ​യ​ൽ​ ​ചെ​യ്‌​ത​ ​ശേ​ഷം​ ​ഹൈ​ക്കോ​ട​തി​ ​ചീ​ഫ് ​ജ​സ്റ്റി​സി​ന് ​മു​ന്നി​ൽ​ ​വി​ഷ​യ​മു​ന്ന​യി​ക്ക​ണം.​ ​ചീ​ഫ് ​ജ​സ്റ്റി​സ് ​അ​ടി​യ​ന്ത​ര​സ്വ​ഭാ​വ​ത്തോ​ടെ​ ​അ​ക്കാ​ര്യ​ത്തി​ൽ​ ​തീ​രു​മാ​ന​മെ​ടു​ക്ക​ണം.​ ​പി​ന്നാ​ലെ​ ​ഹ​ർ​ജി​ക്കാ​ര​ൻ​ ​ക​ർ​ണാ​ട​ക​ ​ഹൈ​ക്കോ​ട​തി​യെ​ ​സ​മീ​പി​ച്ച് ​അ​ടി​യ​ന്തി​ര​മാ​യി​ ​വാ​ദം​ ​കേ​ൾ​ക്ക​ണ​മെ​ന്ന് ​ആ​വ​ശ്യ​പ്പെ​ട്ടു.
അ​ടി​യ​ന്ത​ര​ ​പ്രാ​ധാ​ന്യ​മു​ള്ള​താ​ണെ​ങ്കി​ലും,​ ​ക​ർ​ണാ​ട​ക​ ​ഹൈ​ക്കോ​ട​തി​ ​പ​രി​ഗ​ണി​ക്കേ​ണ്ട​ ​വി​ഷ​യ​മാ​ണി​തെ​ന്ന് ​സു​പ്രീം​കോ​ട​തി​ ​നി​ല​പാ​ടെ​ടു​ത്തു.​ ​ബം​ഗ​ളൂ​രു​വി​ൽ​ ​നി​ന്ന് ​ഡ​ൽ​ഹി​ക്ക് ​വ​രു​ന്ന​തി​നേ​ക്കാ​ൾ​ ​ന​ല്ല​ത് ​അ​വി​ടെ​ ​ഹ​ർ​ജി​ ​ന​ൽ​കു​ന്ന​താ​ണ്.​ ​അ​ർ​ജു​നു​ൾ​പ്പെ​ടെ​ ​ക​ണ്ടെ​ത്തി​യി​ല്ലെ​ന്ന് ​ഹ​ർ​ജി​ക്കാ​ര​ന്റെ​ ​അ​ഭി​ഭാ​ഷ​ക​ൻ​ ​അ​റി​യി​ച്ചെ​ങ്കി​ലും​ ​ജ​സ്റ്റി​സു​മാ​രാ​യ​ ​വി​ക്രം​നാ​ഥ്,​ ​പി.​ബി.​ ​വ​രാ​ലെ​ ​എ​ന്നി​വ​ര​ട​ങ്ങി​യ​ ​ബെ​‌​ഞ്ച് ​വ​ഴ​ങ്ങി​യി​ല്ല.​ ​ക​ര​സേ​ന​യ​ട​ക്കം​ ​ര​ക്ഷാ​പ്ര​വ​ർ​ത്ത​ന​ത്തി​ന് ​നി​യോ​ഗി​ക്ക​ണ​മെ​ന്നും​ ​ഹ​ർ​ജി​യി​ൽ​ ​ആ​വ​ശ്യ​പ്പെ​ട്ടു.