2024 ജൂലൈ 21 മുതൽ 27 വരെ, സമ്പൂർണ വാരഫലം

ചില കൂറുകാർക്ക് ഈ ആഴ്ച സമ്മിശ്ര ഫലങ്ങളുടേതാണ്. എന്നാൽ ചിലർക്ക് അപ്രതീക്ഷിത നേട്ടങ്ങളുടെയും. ആരോഗ്യപരമായി വളരെയധികം ശ്രദ്ധിക്കേണ്ട രാശിക്കാരുണ്ട്. തൊഴിൽ രംഗത്ത് ചിലർക്ക് നേട്ടങ്ങൾ ഉണ്ടാകുമ്പോൾ മറ്റുചിലർക്ക് മികച്ച തൊഴിലവസരത്തിനായി ഇനിയും കാത്തിരിക്കേണ്ടതായി വരും. പ്രണയ ജീവിതം നയിക്കുന്നവർക്ക് ഈ വാരം എങ്ങനെയാകും? ബിസിനസ് മെച്ചപ്പെടുമോ? സാമ്പത്തിക സ്ഥിതി എങ്ങനെയായിരിക്കും? കൂടുതലറിയാൻ വിശദമായി വായിക്കുക നിങ്ങളുടെ സമ്പൂർണ വാരഫലം.മേടം (അശ്വതി, ഭരണി, കാർത്തിക ¼)മേടം രാശിക്ക് ഈ ആഴ്ച സമ്മിശ്ര ഫലങ്ങളുടേതാണ്. സ്ഥാനമാനങ്ങൾ ലഭിക്കാൻ ഇനിയും കാത്തിരിക്കേണ്ടതുണ്ട്. പിതാവുമായി അഭിപ്രായ വ്യത്യാസങ്ങൾക്ക് സാധ്യതയുണ്ട്. ഈ ആഴ്ച എല്ലാ കാര്യങ്ങളിലും അലസത ഒഴിവാക്കി പ്രവർത്തിച്ചാൽ നേട്ടങ്ങൾ ഉണ്ടാക്കാം. ജോലിസ്ഥലത്ത് നിങ്ങൾക്ക് ശത്രുക്കൾ ഉണ്ടാകാം. അവരുടെ നീക്കങ്ങളിൽ ജാഗ്രത പാലിക്കണം. ഏതെങ്കിലും പദ്ധതിയിലോ ബിസിനസിന്റെ പണം നിക്ഷേപിക്കുന്നതിന് മുമ്പ് ശ്രദ്ധാപൂർവം ആലോചിച്ച് മാത്രം തീരുമാനം എടുക്കുക. ആഴ്ചയുടെ മധ്യത്തിൽ, ഒരു പ്രത്യേക വ്യക്തിയുടെയോ സുഹൃത്തിൻ്റെയോ സഹായത്തോടെ തീരാതെ കിടന്നിരുന്ന പൂർത്തിയാക്കാൻ സാധിക്കും. ജോലിക്കാരായ സ്ത്രീകൾക്ക് സമയം അനുകൂലമാണ്. പ്രണയ ജീവിതം നയിക്കുന്നവർക്കും സമയം അനുകൂലമാണ്. ദാമ്പത്യ ജീവിതം സന്തോഷകരമായിരിക്കും. ഈ ആഴ്ച നിങ്ങളുടെ ആരോഗ്യം കൂടുതൽ ശ്രദ്ധിക്കേണ്ടതുണ്ട്.​ഇടവം (കാർത്തിക ¾, രോഹിണി, മകയിരം ½)നിങ്ങളെ ഈ ആഴ്ച ആരെങ്കിലും തെറ്റിദ്ധരിപ്പിക്കാൻ സാധ്യതയുള്ളതിനാൽ സൂക്ഷിക്കണം. ഈ ആഴ്ച ധാരാളം ജോലികൾ ചെയ്തു തീർക്കാനുണ്ടാകും. അതുകൊണ്ട് തന്നെ ജോലിസ്ഥലത്ത് കൂടുതൽ ഉത്തരവാദിത്തങ്ങൾ വന്നുചേരാനിടയുണ്ട്. വിദ്യാർഥികൾ പഠന കാര്യത്തിൽ നിന്ന് വ്യതിചലിക്കാനിടയുണ്ട്. ചെറുകിട വ്യാപാരികൾക്ക് ആഴ്ചയുടെ തുടക്കം അനുകൂലമായി കാണുന്നു. മുൻകാല നിക്ഷേപത്തിൽ നിന്നുള്ള ലാഭം ഈ ആഴ്ച നിങ്ങളെ തേടിയെത്തുന്നതാണ്. പ്രണയ പങ്കാളിയുമായി കൂടുതൽ സമയം ചെലവിടാൻ അവസരമുണ്ടാകും. പങ്കാളിയിൽ നിന്ന് പൂർണ്ണ പിന്തുണ ലഭിക്കുകയും ചെയ്യും. ആഴ്ചാവസാനം യാത്രകൾ ഉണ്ടാകും.​മിഥുനം (മകയിരം ½, തിരുവാതിര, പുണർതം ¾)മിഥുനം രാശിയിലുള്ളവർക്ക് ഈ ആഴ്ച സാമ്പത്തിക പ്രതിസന്ധികൾ നേരിടേണ്ടി വരും. സാമ്പത്തിക ചെലവുകൾ സൂക്ഷിച്ച് നടത്തുക. ആഴ്ചയിലുടനീളം സന്താനങ്ങളുടെ ഭാവിയെക്കുറിച്ചുള്ള ആശങ്ക നിലനിൽക്കും. പിതാവിന്റെ മോശം ആരോഗ്യം ഓർത്ത് മനസ്സ് ആശങ്കാകുലമായിരിക്കും. നിങ്ങളുടെ തൊഴിൽ രംഗത്ത് ജാഗ്രത വേണം. എതിരാളികൾ നിങ്ങൾക്കെതിരെ ഗൂഡാലോചന നടത്താനിടയുണ്ട്. ലക്ഷ്യങ്ങൾ കൈവരിക്കുന്നതിന് ശരിയായ ദിശയിൽ പരിശ്രമം നടത്തുക. വിദ്യാഭ്യാസ മേഖലയുമായി ബന്ധപ്പെട്ട ആളുകൾക്ക് ആഴ്ചയുടെ തുടക്കത്തിൽ നേട്ടമുണ്ടാകും. നിർമ്മാണ രംഗത്ത് പ്രവർത്തിക്കുന്നവർക്കും സമയം അനുകൂലമാണ്. പ്രണയബന്ധങ്ങളിൽ പങ്കാളിയുടെ വികാരങ്ങൾ അവഗണിക്കരുത്.​കർക്കടകം (പുണർതം ¼, പൂയം, ആയില്യം)കർക്കടക രാശിക്കാരെ ഈ ആഴ്ച ഭാഗ്യം പിന്തുണയ്ക്കുന്ന വാരമാണ്. അലസത ഉപേക്ഷിച്ച് ജോലിയിൽ ശ്രദ്ധിക്കേണ്ടതുണ്ട്. ബിസിനസ് മെച്ചപ്പെടുത്താനുള്ള നിങ്ങളുടെ ശ്രമങ്ങൾ വിജയിക്കും. തൊഴിൽ രംഗത്തും നേട്ടങ്ങൾ ഉണ്ടാകുന്നതാണ്. സൗന്ദര്യവർദ്ധക വസ്തുക്കളുടെയും വസ്ത്രങ്ങളുടെയും വ്യാപാരം നടത്തുന്നവർക്ക് പ്രതീക്ഷിച്ചതിലും മികച്ച ലാഭം പ്രതീക്ഷിക്കാവുന്നതാണ്. വസ്തു സംബന്ധമായ ഇടപാടുകൾ നടത്തുന്നതിന് മുമ്പായി ഈ രംഗത്ത് പ്രവർത്തിച്ച് പരിചയമുള്ളവരുടെ അഭിപ്രായം തേടുന്നത് നന്നായിരിക്കും. സന്താനങ്ങളിൽ നിന്ന് നല്ല വാർത്തകൾ കേൾക്കാനിടയാകും. പ്രിയപ്പെട്ട ഒരാളുടെ വരവ് മൂലം വീട്ടിൽ സന്തോഷകരമായ അന്തരീക്ഷം ഉണ്ടാകും. ആഴ്ചാവസാനം വിനോദത്തിന് വേണ്ടി ചെലവഴിക്കും. ദാമ്പത്യ ബന്ധവും പ്രണയ ജീവിതവും കൂടുതൽ ദൃഢമാകും.​ചിങ്ങം (മകം, പൂരം, ഉത്രം ¼)ആരോഗ്യ കാര്യത്തിൽ കൂടുതൽ കൂടുതൽ ശ്രദ്ധ വേണം. ശ്രദ്ധയോടെ ഇടപെട്ടില്ലെങ്കിൽ ബന്ധങ്ങളിലും വിള്ളൽ വീഴാം. ആരോഗ്യ പ്രശ്നങ്ങൾ ഉണ്ടാകാനിടയുള്ളതിനാൽ സൂക്ഷിക്കുക. തൊഴിൽ രംഗത്ത് കൂടുതൽ ഉത്തരവാദിത്തങ്ങൾ ലഭിക്കാനിടയുണ്ട്. ജോലി അന്വേഷിക്കുന്നവർക്ക് മികച്ച തൊഴിലവസരങ്ങൾ ലഭിക്കുന്നതാണ്. വിദേശത്ത് ജോലി നോക്കുന്നവർക്ക് നേട്ടങ്ങളുണ്ടാകും. അനാവശ്യ കാര്യങ്ങൾക്കായി കൂടുതൽ പണം ചെലവഴിച്ചേക്കാം. പ്രണയ ജീവിതത്തിലും ദാമ്പത്യത്തിലും പങ്കാളിയുമായി അഭിപ്രായ വ്യത്യാസങ്ങൾക്ക് സാധ്യതയുണ്ട്. നിങ്ങളുടെ സംസാരം പരുഷമാകാതിരിക്കാൻ ശ്രദ്ധിക്കുക.​കന്നി (ഉത്രം ¾, അത്തം, ചിത്തിര ½)കന്നിക്കൂറുകാരുടെ പല പദ്ധതികളും ഈ ആഴ്ച നേട്ടം കാണും. ബിസിനസിലും ജോലിയിലും മുമ്പ് നേടാൻ കഴിയാതെ പോയ നേട്ടങ്ങൾ ഈ ആഴ്ച കരസ്ഥമാക്കാൻ നിങ്ങൾക്ക് സാധിക്കുന്നതാണ്. നിങ്ങളുടെ കഠിനാധ്വാനവും അർപ്പണബോധവും കൊണ്ട് വിജയം നേടാൻ സാധിക്കും. ബിസിനസ് ചെയ്യുന്നവർക്ക് സമയം അനുകൂലമാണ്. പങ്കാളിത്ത ബിസിനസ് ചെയ്യുന്നവർക്കും ഗുണകരമാണ് സമയം. മേലുദ്യോഗസ്ഥരിൽ നിന്ന് പിന്തുണ ഉണ്ടാകും. നിങ്ങളുടെ സംസാരത്തിൽ സൗമ്യത നിലനിർത്താൻ ശ്രദ്ധിക്കുക. സ്നേഹബന്ധങ്ങളിൽ നിങ്ങളുടെ ബഹുമാനത്തെ വ്രണപ്പെടുത്തുന്ന ഒരു നടപടിയും സ്വീകരിക്കരുത്. പങ്കാളിയുടെ ആരോഗ്യ കാര്യത്തിൽ പ്രത്യേകം ശ്രദ്ധ വേണം. വിദ്യാർഥികൾ കൂടുതൽ കഠിനാധ്വാനം ചെയ്യേണ്ടതുണ്ട്.​തുലാം (ചിത്തിര ½, ചോതി, വിശാഖം ¾)ശുഭകരമായ ആഴ്ചയാണ് തുലാം രാശിക്കാർക്ക് ഇത്. പ്രിയപ്പെട്ടവരുടെ സഹായത്തോടെ ജോലിയിലെ തടസ്സങ്ങൾ നീങ്ങും. കോടതിയുടെ പരിധിയിലുള്ള കേസിൽ വിധി നിങ്ങൾക്ക് അനുകൂലമാകാനിടയുണ്ട്. ജോലിക്കാർക്ക് സ്ഥാനക്കയറ്റം, ശമ്പള വർദ്ധനവ് തുടങ്ങിയ നേട്ടങ്ങൾക്ക് സാധ്യതയുണ്ട്. കൂടാതെ കൂടുതൽ ഉത്തരവാദിത്തങ്ങളും ലഭിച്ചേക്കാം. തൊഴിൽ രഹിതർക്ക് തൊഴിലവസരങ്ങൾ ലഭിക്കുന്നതാണ്. ഉന്നത വിദ്യാഭ്യാസത്തിനായി ശ്രമിക്കുന്ന വിദ്യാർത്ഥികൾക്ക് നല്ല വാർത്തകൾ ലഭിക്കും. വ്യാപാരികൾക്ക് നേട്ടമുണ്ടാകും. ദാമ്പത്യ ജീവിതത്തിലും പ്രണയ ജീവിതത്തിലും മാധുര്യം ഉണ്ടാകും. ആഴ്ചാവസാനം പ്രിയപ്പെട്ട ഒരാളെ അപ്രതീക്ഷിതമായി കണ്ടുമുട്ടിയേക്കാം.​വൃശ്ചികം (വിശാഖം ¼, അനിഴം, തൃക്കേട്ട)ഈ ആഴ്ച നിങ്ങൾ വളരെ കരുതലോടെ മുമ്പോട്ട് നീങ്ങണം. നന്നായി മനസിലാക്കിയ ശേഷം മാത്രം പ്രധാന രേഖകളിൽ ഒപ്പുവെയ്ക്കുക. പ്രധാന ജോലികൾ പിന്നീടതെയ്ക്ക് മാറ്റി വെക്കുന്ന സ്വഭാവം ഒഴിവാക്കണം. വസ്തു സംബന്ധമായ ഇടപാടുകൾ നടത്തുന്നവർ വളരെ ആലോചിച്ച് കാര്യങ്ങൾ ചെയ്യേണ്ടതുണ്ട്. ആലോചിക്കാതെ എടുക്കുന്ന തീരുമാനങ്ങൾ നിങ്ങളെ പ്രശ്നത്തിൽ വീഴ്ത്തിയേക്കാം. പുതിയ സൗഹൃദങ്ങൾ സൃഷ്ടിക്കപ്പെടുമ്പോൾ പഴയ സുഹൃത്തുക്കളെ അവഗണിക്കരുത്. വിദ്യാഭ്യാസ രംഗത്ത് നേട്ടങ്ങൾ പ്രതീക്ഷിക്കാം. പ്രണയ ജീവിതത്തിൽ വളരെ ശ്രദ്ധയോടെ മുന്നോട്ട് പോകുക.​ധനു (മൂലം, പൂരാടം, ഉത്രാടം ¼)ധനു രാശിക്കാരെ ഭാഗ്യം അനുകൂലിക്കുന്ന ആഴ്ചയാണിത്. നിങ്ങളുടെ പരിശ്രമങ്ങളെല്ലാം വിജയം കാണും. എന്നാൽ അലസത ഉപേക്ഷിക്കണം. മടി മൂലം മികച്ച പല അവസരങ്ങളും നഷ്ടമാകാനിടയുണ്ട്. സമയം ഫലപ്രദമായി വിനിയോഗിക്കുകയും അർപ്പണ ബോധത്തോടെ പ്രവർത്തിക്കുകയും ചെയ്‌താൽ നിങ്ങൾക്ക് നേട്ടങ്ങളുണ്ടാക്കാം. മുടങ്ങി കിടന്നിരുന്ന ജോലികൾ പൂർത്തിയാക്കാൻ നിങ്ങൾക്ക് സാധിക്കും. സർക്കാർ ജോലിക്കാർക്ക് ഗുണകരമായ സമയമാണ്. പ്രണയ ബന്ധം നന്നായി മുമ്പോട്ട് പോകും. അവിവാഹിതർക്ക് നല്ല ആലോചന വന്നേക്കാം, മത്സര പരീക്ഷകൾക്ക് തയ്യാറെടുക്കുന്നവർക്ക് നല്ല വാർത്തകൾ ലഭിച്ചേക്കും. മാതാപിതാക്കളുടെ ആരോഗ്യ കാര്യത്തിൽ പ്രത്യേക ശ്രദ്ധ വേണം.​മകരം (ഉത്രാടം ¾, തിരുവോണം, അവിട്ടം ½)മകരം രാശിക്കാർക്ക് ഈ ആഴ്ച എല്ലാ കാര്യങ്ങളിലും കൂടുതൽ ധൈര്യം കാണിക്കേണ്ടതുണ്ട്. പ്രശ്നങ്ങളിൽ നിന്ന് ഒളിച്ചോടുന്നതിന് പകരം അവയെ ധൈര്യപൂർവം നേരിടുക. വിവേകത്തോടെ മുമ്പോട്ട് പോയാൽ പല പ്രശ്നങ്ങളെയും എളുപ്പത്തിൽ കൈകാര്യം ചെയ്യാൻ സാധിക്കും. ഈ ആഴ്ച ചില വലിയ കാര്യങ്ങൾക്കായി പരിശ്രമം നടത്തേണ്ടി വരും. എന്നാൽ സാമ്പത്തിക ഇടപാടുകൾ നടത്തുമ്പോഴും നിക്ഷേപങ്ങൾ നടത്തുമ്പോഴും വളരെയധികം ജാഗ്രത വേണം. ചെറുകിട വ്യാപാരികൾക്ക് അനുകൂലമായ സമയമാണ്. പ്രണയ ജീവിതത്തിലും ദാമ്പത്യത്തിലും ജാഗ്രത പാലിച്ച് മുമ്പോട്ട് പോകുക. ഇല്ലെങ്കിൽ ബന്ധം തകർന്നേക്കാം. തൊഴിൽ തേടുന്നവർക്ക് നല്ല അവസരത്തിനായി ഇനിയും കാത്തിരിക്കേണ്ടതായി വരും.​കുംഭം (അവിട്ടം ½, ചതയം, പൂരുരുട്ടാതി ¾)ചില സാമൂഹിക പരിപാടികളുടെ ഭാഗമാകേണ്ടി വരും. കുടുംബത്തിൽ പ്രശ്നങ്ങൾക്ക് സാധ്യതയുണ്ട്. നിങ്ങളുടെ സംസാരവും പെരുമാറ്റവും വളരെയധികം ശ്രദ്ധിക്കണം. ഇല്ലെങ്കിൽ നിങ്ങളുടെ അശ്രദ്ധമായ വാക്കുകൾ മൂലം പ്രശ്നം കൂടുതൽ വഷളായേക്കാം. നന്നായി ചിന്തിച്ചതിന് ശേഷം മാത്രം എന്തും പ്രവർത്തിക്കുക. ഈ ആഴ്ച നിങ്ങൾക്ക് കൂടുതൽ ഉത്തരവാദിത്തങ്ങൾ വന്നുചേരും. ജോലി സമ്മർദ്ദം വർധിക്കും. ഇത് നിങ്ങളുടെ ആരോഗ്യത്തെയും മോശമായി ബാധിച്ചേക്കാം. ആരോഗ്യ പ്രശ്നങ്ങൾ അവഗണിക്കാതിരിക്കുക. പ്രണയ ജീവിതത്തിൽ അഭിപ്രായ വ്യത്യാസങ്ങൾക്ക് സാധ്യതയുണ്ട്. ചെറിയ ചില പ്രശ്നങ്ങൾ പെരുപ്പിച്ച് കാണിക്കുന്നത് ഒഴിവാക്കാവുന്നതാണ്.​മീനം (പൂരുരുട്ടാതി ¼, ഉതൃട്ടാതി, രേവതി)മീനം രാശിക്കാർക്ക് ഈ ആഴ്ച ദൂര യാത്രകൾ ഉണ്ടാകും. യാത്ര ഗുണകരമാകുകയും ചെയ്യും. ആഴ്ചയുടെ തുടക്കത്തിൽ യുവാക്കൾ വിനോദ കാര്യങ്ങളിലേർപ്പെട്ട് സമയം ചെലവിടും. ജോലിസ്ഥലത്ത് സഹപ്രവർത്തകരിൽ നിന്ന് പിന്തുണ ലഭിക്കും. മുതിർന്നവർ നിങ്ങളുടെ പ്രവർത്തനത്തെ അഭിനന്ദിക്കും. എഴുത്ത്, പത്രപ്രവർത്തനം എന്നിവയുമായി ബന്ധപ്പെട്ട ആളുകൾക്ക് സമയം അനുകൂലമാണ്. പ്രണയ ജീവിതം കൂടുതൽ തീവ്രമാകും. പ്രണയ ബന്ധം വിവാഹത്തിലേക്ക് നീങ്ങുന്നതിന് കുടുംബാംഗങ്ങളുടെ പിന്തുണ ലഭിക്കുന്നതാണ്. ദാമ്പത്യ ജീവിതം മനോഹരമായി മുന്നോട്ട് നീങ്ങും. എന്നാൽ ആരോഗ്യ കാര്യത്തിൽ പ്രത്യേക ശ്രദ്ധ വെയ്‌ക്കേണ്ടതുണ്ട്.


Source link