കോപ്പ അമേരിക്ക ഗ്രൂപ്പ് എയിൽ കാനഡ x പെറു മത്സരത്തിനിടെ റഫറി കുഴഞ്ഞുവീണു. അസിസ്റ്റന്‍റ് റഫറി ഹംബർട്ടോ പൻജോജാണ് സൈഡ് ലൈനിൽ കുഴഞ്ഞുവീണത്. മത്സരത്തിന്‍റെ ആദ്യപകുതി അവസാനിക്കുന്നതിനു തൊട്ടുമുന്പായിരുന്നു സംഭവം. നിർജലീകരണത്തെ തുടർന്നാണ് റഫറി കുഴഞ്ഞുവീണതെന്നും അദ്ദേഹം ആശുപത്രിവിട്ടെന്നും അധികൃതർ അറിയിച്ചു. ജോനാഥൻ ഡേവിഡിന്‍റെ (74’) ഗോളിൽ കാനഡ 1-0ന് പെറുവിനെ തോൽപ്പിച്ചു. മിഗ്വേൽ അരൂജൊ (59’) ചുവപ്പു കാർഡ് കണ്ടതോടെ പെറു 10 പേരായി ചുരുങ്ങിയിരുന്നു. മൂന്ന് പോയിന്റുമായി അർജന്‍റീനയ്ക്കു പിന്നിൽ രണ്ടാം സ്ഥാനത്താണ് കാനഡ. ഒരു പോയിന്റുള്ള ചിലിയാണ് ഗ്രൂപ്പിലെ അവസാന മത്സരത്തിൽ കാനഡയുടെ എതിരാളികൾ.
Source link
റഫറി കുഴഞ്ഞുവീണു
