ഞാനതു കണ്ടില്ല, അദ്ദേഹത്തോട് മാപ്പ് ചോദിക്കുന്നു: ആരാധകനെ തള്ളിയിട്ട സംഭവത്തിൽ നാഗാർജുന

ഞാനതു കണ്ടില്ല, അദ്ദേഹത്തോട് മാപ്പ് ചോദിക്കുന്നു: ആരാധകനെ തള്ളിയിട്ട സംഭവത്തിൽ നാഗാർജുന | Nagarjuna Fan

ഞാനതു കണ്ടില്ല, അദ്ദേഹത്തോട് മാപ്പ് ചോദിക്കുന്നു: ആരാധകനെ തള്ളിയിട്ട സംഭവത്തിൽ നാഗാർജുന

മനോരമ ലേഖകൻ

Published: June 24 , 2024 11:36 AM IST

1 minute Read

വൈറൽ വിഡിയോയിൽ നിന്നും. ചിത്രത്തിനു കടപ്പാട്: https://x.com/viralbhayani77

തന്നെ കാണാനെത്തിയ ആരാധകനെ സുരക്ഷാ ഉദ്യോഗസ്ഥൻ തള്ളി വീഴ്ത്തിയ സംഭവത്തിൽ മാപ്പ് പറഞ്ഞ് നടൻ നാഗാർജുന. ‘‘ഇപ്പോഴാണ് ഈ വിഡിയോ ശ്രദ്ധയിൽപ്പെട്ടത്. ഇതൊരിക്കലും നടക്കരുതായിരുന്നു. ആ മാന്യവ്യക്തിയോട് ഞാൻ മാപ്പുചോദിക്കുന്നു. ഭാവിയിൽ ഇങ്ങനെ സംഭവിക്കാതിരിക്കാൻവേണ്ട മുൻകരുതലുകളെടുക്കും”, നാ​ഗാർജുന എക്സ് പ്ലാറ്റ്ഫോമിലൂടെ പ്രതികരിച്ചു.

This just came to my notice … this shouldn’t have happened!! I apologise to the gentleman and will take necessary precautions that it will not happen in the future !! https://t.co/d8bsIgxfI8— Nagarjuna Akkineni (@iamnagarjuna) June 23, 2024

ഹൈദരാബാദ് വിമാനത്താവളത്തിൽ വച്ചായിരുന്നു സംഭവം. വിമാനത്താവളത്തിലൂടെ സുരക്ഷാ ഉദ്യോ​ഗസ്ഥരുടെ അകമ്പടിയോടെ നടന്നുവരുന്ന നാ​ഗാർജുനയേയും ധനുഷിനേയും കണ്ട് കടയിലെ ജീവനക്കാരൻ നടന്റെ അടുത്തേക്ക് ചെല്ലുകയായിരുന്നു. എന്നാൽ, ഇയാളെ നടന്റെ സുരക്ഷാ ഉദ്യോഗസ്ഥൻ ശക്തിയായി തള്ളി മാറ്റുകയായിരുന്നു. വലിയ വീഴ്ചയിൽനിന്ന് കഷ്ടിച്ചാണ് ഇയാൾ രക്ഷപ്പെട്ടത്. 

ഈ നടന്നതൊന്നും നാ​ഗാർജുന ശ്രദ്ധിക്കുന്നുണ്ടായിരുന്നില്ല. എന്നാൽ, ആരാധകന് എന്തെങ്കിലും പറ്റിയോ എന്ന് ധനുഷ് തിരിഞ്ഞുനോക്കുന്നുണ്ടായിരുന്നു.
വിഡിയോ സമൂഹ മാധ്യമങ്ങളിൽ വൈറലായതിനു പിന്നാലെ നടനെതിരെ വ്യാപകമായ വിമർശനങ്ങളും ഉയർന്നു. തുടർന്നാണ് നാഗാർജുന പ്രതികരണവുമായെത്തിയത്. 

English Summary:
Nagarjuna apologises as video of bodyguards mistreating fan goes viral

7rmhshc601rd4u1rlqhkve1umi-list mo-entertainment-common-tollywoodnews mo-entertainment-common-kollywoodnews mo-entertainment-movie-dhanush 7ltops5led166doipagkg86gqn f3uk329jlig71d4nk9o6qq7b4-list