കുവൈറ്റ് തീപിടിത്തം: എട്ട് പേർ കസ്റ്റഡിയിൽ

കുവൈറ്റ് സിറ്റി: എ​ൻ.​ബി.​ടി.​സി​ ​ക​മ്പ​നി​ ഫ്ളാറ്റ് തീപിടിത്തവുമായി ബന്ധപ്പെട്ട് കുവൈറ്റ് പൊലീസ് കസ്റ്റഡിയിലെടുത്തവരുടെ എണ്ണം എട്ടായി. ഒരു കുവൈറ്റ് സ്വദേശി, മൂന്ന് ഇന്ത്യക്കാർ, നാല് ഈജിപ്റ്റുകാർ എന്നിവരാണ് കസ്​റ്റഡിയിലുള്ളത്. ഇവർ രണ്ടാഴ്ച കസ്​റ്റഡിയിൽ തുടരുമെന്ന് പബ്ലിക് പ്രോസിക്യൂഷൻ അറിയിച്ചു. അശ്രദ്ധ, നരഹത്യ അടക്കമുള്ള കു​റ്റങ്ങളാണ് ഇവർക്കെതിരെ ചുമത്തിയിട്ടുള്ളത്. ഷോർട്ട് സർക്യൂട്ടാണ് തീപിടിത്തത്തിലേക്ക് നയിച്ചതെന്നും കെട്ടിടത്തിൽ വ്യാപക സുരക്ഷാ വീഴ്ചകളുണ്ടായിരുന്നതായും പ്രാഥമിക അന്വേഷണത്തിൽ കണ്ടെത്തിയിരുന്നു. കഴിഞ്ഞ ബുധനാഴ്ച​ ​പു​ല​ർ​ച്ചെ​യാണ് തെ​ക്ക​ൻ​ ​കു​വൈ​റ്റി​ലെ മാം​ഗ​ഫി​ൽ മലയാളി​ ​കെ.​ജി.​ ​എ​ബ്ര​ഹാം​ ​മാ​നേ​ജിം​ഗ് ​ഡ​യ​റ​ക്ട​റായ ​ക​മ്പ​നി​യു​ടെ​ ജീവനക്കാർ താമസിച്ചിരുന്ന ഏഴുനില ​ഫ്ലാറ്റിൽ തീപിടിത്തമുണ്ടായത്. 195​ ​പേ​രാ​ണ് കെട്ടിടത്തിലുണ്ടായിരുന്നത്.​ ​ 46 ഇന്ത്യക്കാരടക്കം 49 പേർ മരിച്ചു. മരിച്ചവരിൽ 24 പേരും മലയാളികളായിരുന്നു.