പി.കേശവദേവ് സാഹിത്യ പുരസ്കാരം അടൂർ ഗോപാലകൃഷ്ണന്

തിരുവനന്തപുരം: പി.കേശവദേവ് ട്രസ്റ്റ് ഏർപ്പെടുത്തിയ പി.കേശവദേവ് സാഹിത്യ പുരസ്കാരം ചലച്ചിത്രകാരൻ അടൂർ ഗോപാലകൃഷ്ണന് സമ്മാനിക്കുമെന്ന് മാനേജിംഗ് ട്രസ്റ്റി ജ്യോതിദേവ് കേശവദേവ് വാർത്താസമ്മേളനത്തിൽ അറിയിച്ചു.

മികച്ച ആരോഗ്യ വിദ്യാഭ്യാസത്തിന് നൽകുന്ന പി.കേശവദേവ് ഡയാബസ്‌ക്രീൻ കേരള പുരസ്കാരത്തിന് ​ മനഃശാസ്ത്രജ്ഞൻ ഡോ.സി.ജെ.ജോൺ അർഹനായി. 50,​000 രൂപയും ബി.ഡി.ദത്തൻ രൂപകൽപന ചെയ്ത ശില്പവും പ്രശസ്തി പത്രവും അടങ്ങുന്നതാണ് പുരസ്കാരങ്ങൾ.12ന് മുടവൻമുകളിലുള്ള പി.കേശവദേവ് ഹാളിൽ വൈകിട്ട് 5ന് നടക്കുന്ന പി.കേശവദേവ് അനുസ്മരണ സമ്മേളനത്തിൽ പുരസ്കാരങ്ങൾ സമ്മാനിക്കും.

ഡോ.ജോർജ് ഓണക്കൂർ ചെയർമാനും സീതാലക്ഷ്മി ദേവ്,​വിജയകൃഷ്ണൻ,​ദേശമംഗലം രാമകൃഷ്ണൻ,​സുനിത ജ്യോതിദേവ് എന്നിവർ അംഗങ്ങളായ ജൂറിയാണ് സാഹിത്യ പുരസ്കാരം നിർണ്ണയിച്ചത്. ഡോ.പി.ജി.ബാലഗോപാൽ ചെയർമാനും ഡോ.ജ്യോതിദേവ് കേശവദേവ്,​ഡോ.അരുൺ ശങ്കർ,​ഗോപിക കൃഷ്ണൻ,​ഡോ.കൃഷ്ണദേവ് ജ്യോതിദേവ് എന്നിവർ അംഗങ്ങളായ ജൂറിയാണ് ആരോഗ്യ വിദ്യാഭ്യാസ പുരസ്കാര ജേതാവിനെ തിരഞ്ഞെടുത്തത്.


Source link