ഇ​ബ്രാ​ഹിം റെ​യ്‌​സി​യു​ടെ അ​പ​ക​ട​മ​ര​ണം; ഒരുവശത്ത് ദുഃഖം, മറുവശത്ത് പടക്കംപൊട്ടിച്ച് ആഹ്ലാദം

ടെ​ഹ്‌​റാ​ന്‍: ഇ​ബ്രാ​ഹിം റെ​യ്‌​സി​യു​ടെ അ​പ​ക​ട​മ​ര​ണ​ത്തി​ൽ ഇ​റാ​നി​ല്‍നി​ന്നു ല​ഭി​ക്കു​ന്ന​ത് സ​മ്മി​ശ്ര വി​കാ​ര​മെ​ന്ന് പാ​ശ്ചാ​ത്യ മാ​ധ്യ​മ​ങ്ങ​ള്‍. പ്ര​സി​ഡ​ന്‍റി​ന്‍റെ അ​കാ​ല​മ​ര​ണ​ത്തി​ല്‍ രാ​ജ്യ​ത്തെ ജ​നം ദുഃ​ഖാ​ര്‍ത്ത​രാ​യി​രി​ക്കു​ന്ന സ​മ​യ​ത്ത് ഒ​രു​വി​ഭാ​ഗം പ​ട​ക്കം പൊ​ട്ടി​ച്ച് ആ​ഹ്ലാ​ദം പ്ര​ക​ടി​പ്പി​ക്കു​ന്ന കാ​ഴ്ച​യും കാ​ണാ​നാ​കു​ന്നു​വെ​ന്നാ​ണ് പാ​ശ്ചാ​ത്യ മാ​ധ്യ​മ​ങ്ങ​ള്‍ റി​പ്പോ​ര്‍ട്ട് ചെ​യ്യു​ന്ന​ത്. ഇ​തു വ്യ​ക്ത​മാ​ക്കു​ന്ന ചി​ല വീ​ഡി​യോ​ക​ള്‍ സ​മൂ​ഹ​മാ​ധ്യ​മ​ങ്ങ​ളി​ല്‍ പ്ര​ച​രി​ക്കു​ന്നു​മു​ണ്ട്. ക​ടു​ത്ത യാ​ഥാ​സ്ഥി​തി​ക ഭ​ര​ണാ​ധി​കാ​രി​യെ​ന്ന നി​ല​യി​ലും പ​ര​മോ​ന്ന​ത നേ​താ​വ് ഖ​മനെ​യ്‌​യി​യു​ടെ ആ​ജ്ഞ അ​തേ​പ​ടി ന​ട​പ്പാ​ക്കു​ന്ന​യാ​ളെ​ന്നു​മു​ള്ള കു​പ്ര​സി​ദ്ധി അ​വ​ശേ​ഷി​പ്പി​ച്ചാ​ണ് ഇ​ബ്രാ​ഹിം റെ​യ്‌​സി വി​ട​പ​റ​യു​ന്ന​ത്. ക​ഴി​ഞ്ഞ ഏ​താ​നും വ​ര്‍ഷ​ങ്ങ​ളാ​യി ഇ​റാ​നി​ല്‍നി​ന്നു കേ​ള്‍ക്കു​ന്ന​ത് അ​ടി​ച്ച​മ​ര്‍ത്ത​ലു​ക​ളു​ടെ​യും മ​നു​ഷ്യാ​വ​കാ​ശ ലം​ഘ​ന​ങ്ങ​ളു​ടെ​യും ന​ടു​ക്കു​ന്ന വി​വ​ര​ങ്ങ​ളാ​ണ്. ഇ​തി​നു ചു​ക്കാ​ന്‍ പി​ടി​ച്ച​താ​ക​ട്ടെ മ​ത​നേ​താ​വി​ല്‍നി​ന്ന് രാ​ജ്യ​ത്തി​ന്‍റെ പ്ര​സി​ഡ​ന്‍റ് സ്ഥാ​ന​ത്തേ​ക്ക് എ​ത്തി​യ ഇ​ബ്രാ​ഹിം റെ​യ്‌​സി​യും. അ​തി​നാ​ല്‍ത്ത​ന്നെ, നേ​താ​വി​ന്‍റെ മ​ര​ണ​ത്തി​ല്‍ ആ​ഹ്ലാ​ദം പ്ര​ക​ടി​പ്പി​ച്ച് നി​ര​വ​ധി ഇ​റേ​നി​യ​ന്‍ പൗ​ര​ന്മാ​രാ​ണ് സ​മൂ​ഹ​മാ​ധ്യ​മ​ങ്ങ​ളി​ല്‍ പോ​സ്റ്റു​ക​ള്‍ ഇ​ട്ടി​ട്ടു​ള്ള​ത്. ഇ​തി​ലേ​റെ​യും സ്ത്രീ​ക​ളാ​ണ്. ഇ​തി​ല്‍ മെ​ര്‍സെ​ദ് ഷാ​ഹി​ന്‍ക​ര്‍, സി​മ മൊ​റാ​ദ്‌​ബെ​യ്ജി എ​ന്നി​വ​ര്‍ ചി​രി​ച്ചു​കൊ​ണ്ട് നൃ​ത്തം ചെ​യ്യു​ന്ന ദൃ​ശ്യ​ങ്ങ​ളാ​ണ് വീ​ഡി​യോ​യി​ലു​ള്ള​ത്. 2022 സെ​പ്റ്റം​ബ​റി​ല്‍ ത​ട്ട​മി​ടാ​തെ ന​ട​ന്ന​തി​ന് മ​ഹ്‌​സ അ​മി​നി എ​ന്ന പെ​ണ്‍കു​ട്ടി​യെ മ​ത​പോ​ലീ​സ് അ​റ​സ്റ്റ് ചെ​യ്തു ക്രൂ​ര​പീ​ഡ​ന​ത്തി​നി​ര​യാ​ക്കി കൊ​ല​പ്പെ​ടു​ത്തി​യ​തി​നെ​ത്തു​ട​ര്‍ന്നു​ള്ള ജ​ന​കീ​യ പ്ര​തി​ഷേ​ധ​ത്തി​ല്‍ സൈ​ന്യ​ത്തി​ന്‍റെ വെ​ടി​യേ​റ്റ് കാ​ഴ്ച​ശ​ക്തി ന​ഷ്ട​പ്പെ​ട്ട​യാ​ളാ​ണു മെ​ര്‍സെ​ദ് ‍. സി​മ മൊ​റാ​ദ്‌ ബെ​യ്ജി​ക്കാ​ക​ട്ടെ സൈ​ന്യ​ത്തി​ന്‍റെ വെ​ടി​വ​യ്പി​ല്‍ ഇ​ട​തു​കൈ ന​ഷ്ട​മാ​യി. ഇ​റാ​ന്‍-​ഇ​റാ​ക്ക് യു​ദ്ധ​ത്തി​ലെ ആ​യി​ര​ക്ക​ണ​ക്കി​ന് രാഷ്‌ട്രീയത്ത​ട​വു​കാ​രെ വ​ധ​ശി​ക്ഷ​യ്ക്കു വി​ധി​ക്കാ​ന്‍ കൂ​ട്ടു​നി​ന്ന പ്ര​മു​ഖ​നെ​ന്ന​ നി​ല​യി​ല്‍ ബു​ച്ച​ര്‍ ഓ​ഫ് ടെ​ഹ്‌​റാ​ന്‍ (ടെ​ഹ്‌​റാ​നി​ലെ ക​ശാ​പ്പു​കാ​ര​ന്‍) എ​ന്ന ദു​ഷ്പേ​രും റെ​യ്‌​സി​ക്കു​ണ്ടാ​യി​രു​ന്നു. റെ​യ്‌​സി​യു​ടെ ക​ടു​ത്ത നി​ല​പാ​ട് മൂ​ലം 5000ത്തോ​ളം പേ​ര്‍ വ​ധ​ശി​ക്ഷ​യ്ക്കു വി​ധേ​യ​രാ​ക്ക​പ്പെ​ട്ടി​ട്ടു​ണ്ടെ​ന്നും ഇ​വ​രു​ടെ മൃ​ത​ദേ​ഹം അ​ജ്ഞാ​ത​കേ​ന്ദ്ര​ങ്ങ​ളി​ല്‍ സം​സ്‌​ക​രി​ച്ചെ​ന്നു​മാ​ണ് റി​പ്പോ​ര്‍ട്ടു​ക​ള്‍. ക​ടു​ത്ത യാ​ഥാ​സ്ഥി​തി​ക​നാ​യ ഇ​ബ്രാ​ഹിം റെ​യ്‌​സി 2022ല്‍ ​അ​ധി​കാ​ര​മേ​റ്റ​യു​ട​ന്‍ ഹി​ജാ​ബ്, സ്ത്രീ​ക​ളു​ടെ പ​വി​ത്ര​ത തു​ട​ങ്ങി​യ​വ​യു​മാ​യി ബ​ന്ധ​പ്പെ​ട്ട നി​യ​മ​ങ്ങ​ള്‍ ക​ര്‍ക്ക​ശ​മാ​ക്കി. ഇ​തു സ്ത്രീ​ക​ളു​ടെ സ​ഞ്ചാ​ര​സ്വാ​ത​ന്ത്ര്യം വ​രെ നി​ഷേ​ധി​ക്ക​പ്പെ​ടു​ന്ന​തി​ലേ​ക്കു വ​ഴി​വ​ച്ചു.


Source link