സമ്പൂർണ വാരഫലം, 2024 മെയ് 12 മുതൽ 18 വരെ

പല കൂറുകാർക്കും ജോലിത്തിരക്ക് കൂടുതൽ ഉണ്ടായേക്കും. തൊഴിൽ തേടുന്നവർക്ക് മികച്ച അവസരത്തിനായി അല്പം കൂടെ കാത്തിരിക്കേണ്ടതായി വരും. സ്വത്ത് സംബന്ധമായ പ്രശ്നങ്ങൾക്ക് സാധ്യതയുണ്ട്. അപകട സാധ്യതയുള്ള പദ്ധതികളിൽ പണം നിക്ഷേപിക്കരുത്, നഷ്ടം സംഭവിച്ചേക്കും. ഈ രണ്ട് രാശികളിലുള്ളവർക്ക് പ്രണയ ജീവിതത്തിൽ മൂന്നാമൊതൊരാളുടെ ഇടപെടൽ മൂലം പ്രശ്നങ്ങൾക്ക് സാധ്യതയുണ്ട്. ഒപ്പം തെറ്റിധാരണയും വളർന്നേക്കാം. എന്നാൽ ഇവരുടെ പ്രണയബന്ധം കുടുംബങ്ങൾ അംഗീകരിക്കുകയും വിവാഹത്തിലേക്ക് നീങ്ങുകയും ചെയ്യും. പന്ത്രണ്ട് കൂറുകാർക്കും ഈ ആഴ്ച ഉണ്ടാകുന്ന ഫലങ്ങൾ എന്തൊക്കെയാണെന്ന് വായിക്കാം.മേടം (അശ്വതി, ഭരണി, കാർത്തിക ¼)മേടക്കൂറുകാർക്ക് ഈ ആസ്‌ജെസിജ സമ്മിശ്ര ഫലങ്ങളുടേതായിരിക്കും. ആഴ്ചയുടെ തുടക്കത്തിൽ തന്നെ ജോലിത്തിരക്ക് ഉണ്ടാകും. ഇതുമൂലം കൂടുതൽ കഠിനാദ്ധ്വാനവും വേണ്ടി വന്നേക്കാം. ഈ സമയം ആരോഗ്യം മോശമാകാനും സാധ്യതയുണ്ട്. ജോലിക്കാരായ സ്ത്രീകൾക്ക് ഈ ആഴ്ച വെല്ലുവിളികൾ നിറഞ്ഞതായിരിക്കും. ബിസിനസ് ചെയ്യുന്നവർക്ക് എതിരാളികളിൽ നിന്ന് കടുത്ത മത്സരം നേരിടേണ്ടി വന്നേക്കും. വിദേശത്ത് ബിസിനസ്, ജോലി എന്നിവയ്ക്ക് ശ്രമിക്കുന്ന ആളുകൾക്ക് പല തടസ്സങ്ങളും ഉണ്ടാകാനിടയുണ്ട്. പ്രണയ കാര്യങ്ങളിൽ തിടുക്കത്തിലുള്ള നീക്കങ്ങൾ നിങ്ങളെ കുഴപ്പത്തിലാക്കിയേക്കാം. ദാമ്പത്യ ജീവിതം സസന്തോഷകരമാകണമെങ്കിൽ പങ്കാളിയുടെ ആഗ്രഹങ്ങൾ അവഗണിക്കാതിരിക്കുക.ഇടവം (കാർത്തിക ¾, രോഹിണി, മകയിരം ½)ബിസിനസ് രംഗത്ത് ഉയർച്ച താഴ്ചകൾ നിറഞ്ഞ ദിവസമായിരിക്കും. വളരെ നാളായി ഒരു ജോലി കിട്ടാൻ പ്രയത്നിക്കുന്നവർക്ക് മികച്ച അവസരത്തിനായി ഇനിയും കാത്തിരിക്കേണ്ടി വന്നേക്കാം. സ്വത്ത് സംബന്ധമായ പ്രശ്നങ്ങളിൽ തീരുമാനം ഉണ്ടാകും. വസ്തു സംബന്ധമായി നിലനിൽക്കുന്ന തർക്കങ്ങളിൽ എതിരാളി വിട്ടുവീഴ്ചയ്ക്ക് തയ്യാറായേക്കാം. ഈ ആഴ്ച നിങ്ങൾക്ക് ചില യാത്രകൾ നടത്തേണ്ടി വന്നേക്കാം. യാത്രാവേളയിൽ നിങ്ങളുടെ സാധനസാമഗ്രികൾ സംരക്ഷിക്കുന്നതുപോലെ തന്നെ ആരോഗ്യവും കാത്തുസൂക്ഷിക്കേണ്ടതുണ്ട്. ജോലിസ്ഥലത്ത് സഹപ്രവർത്തകരുമായുള്ള ഏകോപനം നിലനിർത്താൻ ശ്രമിക്കുക. പരീക്ഷകൾക്ക് തയ്യാറെടുക്കുന്നവർക്ക് കഠിനാദ്ധ്വാനം കൂടിയേ തീരൂ. ഒരു സ്ത്രീ സുഹൃത്തിന്റെ സഹായത്തോടെ പ്രണയജീവിതത്തിൽ നിലനിൽക്കുന്ന തെറ്റിധാരണകൾ നീങ്ങും. എന്നാൽ പരസ്പര വിശ്വാസം വീണ്ടെടുക്കാൻ സമയമെടുത്തേക്കാം. ദാമ്പത്യ ജീവിതം നയിക്കുന്നവരിൽ ഇണയുടെ ആരോഗ്യം മോശമാകാനിടയുണ്ട്, കരുതൽ വേണം.മിഥുനം (മകയിരം ½, തിരുവാതിര, പുണർതം ¾)മിഥുനക്കൂറുകാരെ ഭാഗ്യം പിന്തുണയ്ക്കുന്ന വാരമാണ്. ആഴ്‌ചയുടെ തുടക്കത്തിൽ, സ്വാധീനമുള്ള ഒരു വ്യക്തിയുടെ സഹായത്തോടെ, ദീർഘകാലമായി മുടങ്ങിക്കിടന്ന ഒരു വലിയ ജോലി പൂർത്തിയാക്കാൻ സാധിക്കും. അധികാരികളിൽ നിന്ന് നിങ്ങൾക്ക് പൂർണ്ണ പിന്തുണ ലഭിക്കും. ഭൂമി, കെട്ടിടം എന്നിവ സംബന്ധിച്ച തർക്കങ്ങൾക്ക് പരിഹാരം കണ്ടെത്തും. മത്സരങ്ങൾക്കും പരീക്ഷകൾക്കും തയ്യാറെടുക്കുന്നവർക്ക് നല്ല വാർത്ത ലഭിക്കും. സന്താനങ്ങളുടെ നേട്ടങ്ങൾ മൂലം ഗൃഹത്തിൽ സന്തോഷത്തിന്റെ അന്തരീക്ഷമായിരിക്കും. ബിസിനസിലെ മുൻ സാമ്പത്തിക ഇടപാടുകൾ തീർപ്പാക്കി മുമ്പോട്ട് പോകുക. ധനനിക്ഷേപങ്ങൾ വളരെ ജാഗ്രതയോടെ നടത്തുക. നിങ്ങളുടെ നേട്ടങ്ങളിൽ അസൂയയുള്ള ജോലിസ്ഥലത്തെ ആളുകളെ വളരെ ശ്രദ്ധിക്കേണ്ടതുണ്ട്. പങ്കാളിത്തത്തോടെ എന്തെങ്കിലും ബിസിനസ്സ് ചെയ്യുകയാണെങ്കിൽ, പണവുമായി ബന്ധപ്പെട്ട കാര്യങ്ങളിൽ വ്യക്തത വരുത്തി മുന്നോട്ട് പോകുന്നതാണ് ഉചിതം. പ്രണയ ജീവിതം നയിക്കുന്നവർക്ക് അനുകൂലമായ ആഴ്ച്ചയാണ്.കർക്കടകം (പുണർതം ¼, പൂയം, ആയില്യം)കർക്കടക രാശിക്ക് ഇത് വളരെ അനുകൂലമായ ആഴ്ച ആയിരിക്കും. ആഴ്ചയുടെ തുടക്കത്തിൽ തന്നെ ചില മികച്ച വിജയങ്ങൾ നിങ്ങളെ തേടിയെത്തും. എന്നാൽ അപകട സാധ്യതയുള്ള പദ്ധതികളിൽ ധനനിക്ഷേപം നടത്തുന്നത് ഒഴിവാക്കണം. ജോലിക്കാർക്ക് ഗുണകരമായ വാരമാണ്. ആഗ്രഹിച്ച സ്ഥലത്തേയ്ക്ക് സ്ഥലംമാറ്റം ലഭിച്ചേക്കാം. സഹപ്രവർത്തകരിൽ നിന്ന് അഭിനന്ദനം ലഭിക്കാനും സാധ്യതയുണ്ട്. വസ്തുസംബന്ധമായ ഇടപാടിൽ നിന്ന് ലാഭമുണ്ടാകും. മുതിർന്ന ആളുകളോടും കൂടെ ആലോചിച്ച് വേണം വീട്ടിലെ സുപ്രധാന തീരുമാനങ്ങൾ എടുക്കാൻ. വിദേശത്ത് തൊഴിൽ സംബന്ധമായി നിലനിന്നിരുന്ന തടസ്സങ്ങൾ നീങ്ങും. ആഴ്ചയുടെ അവസാനം സുഹൃത്തുക്കളുമായോ കുടുംബാംഗങ്ങളുമായോ ഓരോ യാത്ര പോകാനിടയുണ്ട്. സ്നേഹബന്ധങ്ങൾ കൂടുതൽ ദൃഢമാകുന്ന വാരമാണ്. ആരോഗ്യം സാധാരണ നിലയിലായിരിക്കും.ചിങ്ങം (മകം, പൂരം, ഉത്രം ¼)ആരോഗ്യ കാര്യത്തിലും ബന്ധങ്ങൾ സംരക്ഷിക്കുന്നതിലും ഈ ആഴ്ച വളരെയധികം ശ്രദ്ധിക്കേണ്ടതുണ്ട്. ആഴ്ചയുടെ തുടക്കത്തിൽ തന്നെ ചില ആരോഗ്യ പ്രശ്നങ്ങൾ നിങ്ങളെ അലട്ടിയേക്കാം. മോശം ആരോഗ്യം ജോലിയെയും ബാധിക്കാനിടയുണ്ട്. ലാഭമുണ്ടാക്കാൻ സാധിക്കുമായിരുന്നു ഒരു മികച്ച അവസരം നഷ്ടമായതിന്റെ നിരാശ ഉണ്ടാകും. സ്വത്തുമായി ബന്ധപ്പെട്ട പ്രശ്നങ്ങൾക്ക് സാധ്യതയുണ്ട്. ജോലിസ്ഥലത്ത് വളരെയധികം ജാഗ്രത പുലർത്തേണ്ടതുണ്ട്. നിങ്ങളുടെ പേരിനെ കളങ്കപ്പെടുത്താൻ പലരും ശ്രമിച്ചേക്കാം. പ്രണയ ബന്ധത്തിൽ വളരെ ശ്രദ്ധാപൂർവം മുമ്പോട്ട് പോകുക. ദാമ്പത്യ ജീവിതം സന്തോഷകരമാക്കാൻ പങ്കാളിയുടെ ആഗ്രഹങ്ങൾക്കും വേണ്ടത്ര പരിഗണന നൽകേണ്ടതുണ്ട്.കന്നി (ഉത്രം ¾, അത്തം, ചിത്തിര ½)കന്നിക്കൂറുകാർക്ക് ഐശ്വര്യവും ഭാഗ്യവും ഉണ്ടാകുന്ന ആഴ്ചയാണ്. നിങ്ങളുടെ മുൻകാല പ്രവർത്തനങ്ങൾക്ക് സമൂഹത്തിൽ നിന്ന് ആദരം ലഭിക്കുന്നതാണ്. ജോലിസ്ഥലത്ത് മുതിർന്ന ഉദ്യോഗസ്ഥർ നിങ്ങളുടെ ജോലിയെ പ്രശംസിക്കും. പുതിയ പ്രോജക്ടിന്റെ ഭാഗമാകാൻ അവസരം ലഭിക്കുകയോ ജോലിയിൽ കൂടുതൽ ഉത്തരവാദിത്തങ്ങൾ ലഭിക്കുകയോ ചെയ്തേക്കാം. ബിസിനസ് ചെയ്യുന്നവർക്കും വളരെ അനുകൂലമായ ആഴ്ചയാണ്. ബിസിനസ് വിപുലീകരിക്കാൻ ശ്രമിക്കുന്നവർ അതിനുള്ള പദ്ധതികൾ ആവിഷ്കരിക്കും. ഓഹരി വിപണിയിൽ നിന്ന് നേട്ടത്തിന് സാധ്യതയുണ്ട്. ആഡംബര വസ്തുക്കൾ സ്വന്തമാക്കാനിടയുണ്ട്. ഗൃഹത്തിൽ സന്തോഷത്തിന്റെ അന്തരീക്ഷമായിരിക്കും. ജോലി മാറാൻ ശ്രമം നടത്തിയവർക്ക് ആഴ്ചാവസാനത്തോടെ ആഗ്രഹിച്ച അവസരം ലഭിക്കാനിടയുണ്ട്. പ്രണയ പങ്കാളിയിൽ നിന്ന് സന്തോഷകരമായ അനുഭവങ്ങളുണ്ടാകും. ദാമ്പത്യ ജീവിതം സന്തോഷകരമായിരിക്കും.തുലാം (ചിത്തിര ½, ചോതി, വിശാഖം ¾)തുലാക്കൂറുകാർക്ക് ഇത് തിരക്കേറിയ ആഴ്ചയായിരിക്കും. ചില തർക്ക സാഹചര്യം മൂലം കോടതിയെ സമീപിക്കേണ്ടതായി വരും. ഒരുപക്ഷെ കോടതിക്ക് പുറത്ത് ഒത്തുതീർപ്പിനുള്ള ശ്രമം നടക്കാനും സാധ്യതയുണ്ട്. സഹോദരങ്ങളുമായുള്ള പ്രശ്നങ്ങൾ മൂലം മാനസിക ക്ലേശം അനുഭവപ്പെടും. നിങ്ങളുടെ സംസാരത്തിൽ സൗമ്യത നിലനിർത്താൻ ശ്രദ്ധിക്കണം. ജോലിസ്ഥലത്തെ ചെറിയ പ്രശ്നങ്ങൾ അവഗണിക്കുന്നതാണ് നല്ലത്. തൊഴിൽ സംബന്ധമായി യാത്ര വേണ്ടി വന്നേക്കാം. എന്നാൽ ഇത് പ്രതീക്ഷിച്ച ഫലങ്ങൾ നൽകിയെന്ന് വരില്ല. ആരോടെങ്കിലും പ്രണയം തുറന്ന് പറയാൻ ആഗ്രഹിക്കുന്നവർ നല്ല അവസരത്തിനായി കുറച്ചുകൂടി കാത്തിരിക്കുന്നതാണ് നല്ലത്. മറ്റുബന്ധങ്ങൾ കൂടുതൽ ദൃഢമാകും.വൃശ്ചികം (വിശാഖം ¼, അനിഴം, തൃക്കേട്ട)ആഴ്ചയുടെ തുടക്കം സുഖകരമാണെങ്കിലും രണ്ടാം പകുതിയിൽ അതീവ ജാഗ്രത പുലർത്തേണ്ടതുണ്ട്. മുൻകാല പരിശ്രമങ്ങളുടെയും കഠിനാദ്ധ്വാനത്തിന്റെയും ഫലം നിങ്ങൾക്ക് ലഭിക്കും. ജോലി, വ്യാപാരം എന്നിവയുമായി ബന്ധപ്പെട്ട് ചില നല്ല വിവരങ്ങൾ ലഭിക്കുന്നതാണ്. ബിസിനസ് യാത്രകൾ ആഗ്രഹിച്ച ഫലം നൽകുന്നതാണ്. ഭൂമി, കെട്ടിടം എന്നിവയുമായി ബന്ധപ്പെട്ട തർക്കങ്ങൾ സ്വാധീനമുള്ള വ്യക്തിയുടെ സഹായത്തോടെ പരിഹരിക്കപ്പെടും. വിദ്യാർത്ഥികൾക്ക് പഠനത്തിൽ താല്പര്യം കുറയാനിടയുണ്ട്. പരീക്ഷകൾക്ക് തയ്യാറെടുക്കുന്ന ഉദ്യോഗാർത്ഥികൾ നന്നായി കഠിനാദ്ധ്വാനം ചെയ്യേണ്ടതുണ്ട്. തൊഴിൽ രംഗത്തെ എതിരാളികൾ നിങ്ങളുടെ ജോലിയിൽ തടസ്സങ്ങൾ സൃഷ്ടിക്കാൻ സാധ്യതയുള്ളതിനാൽ വളരെയധികം ശ്രദ്ധിക്കണം. വീട്ടിൽ പ്രായമായ ഒരു വ്യക്തിയുടെ ആരോഗ്യം മോശമാകാനിടയുണ്ട്. മൂന്നാമതൊരു വ്യക്തിയുടെ ഇടപെടൽ മൂലം പ്രണയജീവിതത്തിൽ പ്രശ്നങ്ങളുണ്ടാക്കും. വഴക്കുകൾ സമാധാന സംഭാഷണത്തിലൂടെ പരിഹരിക്കേണ്ടതുണ്ട്. ദാമ്പത്യ പങ്കാളിയുമായി യാത്രയ്ക്ക് സാധ്യതയുണ്ട്.ധനു (മൂലം, പൂരാടം, ഉത്രാടം ¼)നിങ്ങളുടെ സമയവും ഊർജ്ജവും ശരിയായി വിനിയോഗിച്ചാൽ പ്രതീക്ഷിച്ചതിലും കൂടുതൽ ലാഭവും വിജയവും നേടാൻ സാധിക്കും. ആഴ്ചയുടെ തുടക്കത്തിൽ തൊഴിൽ സംബന്ധമായി നടത്തുന്ന യാത്ര പ്രതീക്ഷിച്ച നേട്ടം കൊണ്ടുവരും. സമൂഹത്തിൽ സ്വാധീനമുള്ള വ്യക്തികളുമായി ബന്ധം സ്ഥാപിക്കുന്നത് ഭാവിയിൽ നിങ്ങൾക്ക് ഗുണം ചെയ്യും. ഇവരുടെ സഹായത്തോടെ ലാഭകരമായ പദ്ധതികളുടെ ഭാഗമാകാൻ സാധിക്കും. ജോലിക്കാരായ സ്ത്രീകൾക്ക് വലിയ നേട്ടങ്ങൾക്ക് സാധ്യതയുണ്ട്. നിങ്ങളുടെ ചില ആഗ്രഹങ്ങൾ സാക്ഷാത്കരിക്കപ്പെടാനിടയുണ്ട്. അവിവാഹിതർക്ക് നല്ല ആലോചന വന്നേക്കാം. പ്രണയ ജീവിതം നയിക്കുന്നവരുടെ ബന്ധം ഇരു കുടുംബങ്ങളും അംഗീകരിക്കുകയും വിവാഹത്തിനുള്ള ഒരുക്കങ്ങൾ ആരംഭിക്കുകയും ചെയ്തേക്കാം. ആരോഗ്യത്തിൽ ചില പ്രശ്നങ്ങൾ ഉണ്ടാകാനിടയുള്ളതിനാൽ സൂക്ഷിക്കുക.മകരം (ഉത്രാടം ¾, തിരുവോണം, അവിട്ടം ½)മകരക്കൂറുകാർക്ക് ഉത്തരവാദിത്തങ്ങൾ നിറവേറ്റാൻ വളരെയധികം പരിശ്രമിക്കേണ്ടതായി വരും. വീടിന്റെ അറ്റകുറ്റപ്പണികൾക്കായി ബന്ധപ്പെട്ട് തിരക്കേറിയ വാരമായിരിക്കും. പെട്ടന്നുള്ള വലിയ ചെലവുകൾ നിങ്ങളുടെ സാമ്പത്തിക നിലയെ ബാധിച്ചേക്കാം. വീട്ടിലെ പ്രായമായ ഒരാളുടെ മോശം ആരോഗ്യം മൂലം നിങ്ങൾ അസ്വസ്ഥരായി കാണപ്പെടും. തൊഴിൽ തേടുന്നവർക്ക് മികച്ച അവസരത്തിനായി ഇനിയും കാത്തിരിക്കേണ്ടി വരും. ജോലിസ്ഥലത്ത് സഹപ്രവർത്തകരുമായുള്ള പ്രശ്നങ്ങൾ രമ്യതയിൽ പറഞ്ഞുതീർക്കുക. പ്രണയ പങ്കാളിയുമായുള്ള തെറ്റിധാരണ ബന്ധത്തെ തന്നെ ബാധിച്ചേക്കാം. കുടുംബത്തിലെ പ്രശ്നങ്ങൾ സമാധാന സംഭാഷണത്തിലൂടെ പരിഹരിക്കാൻ ശ്രമിക്കുക.കുംഭം (അവിട്ടം ½, ചതയം, പൂരുരുട്ടാതി ¾)കുംഭക്കൂറുകാർ അലസത ഒഴിവാക്കി പ്രവർത്തിക്കേണ്ടതുണ്ട്. ഈഗോ സൂക്ഷിക്കുന്നത് നിങ്ങളുടെ പല ബന്ധങ്ങളെയും ബാധിച്ചേക്കാം. ജോലികൾ മറ്റൊരു ദിവസത്തേയ്ക്ക് മാറ്റി വെക്കുന്നത് ഒഴിവാക്കുക. വസ്തു സംബന്ധമായ തർക്കങ്ങളെ നിയമപരമായി നേരിടുന്നതിന് പകരം ചർച്ചയിലൂടെ പരിഹരിക്കാൻ ശ്രമിക്കുക. ബിസിനസ് ചെയ്യുന്നവർക്ക് അത്ര മികച്ച ആഴ്ച ആകാനിടയില്ല. സാമ്പത്തിക ഇടപാടുകളിൽ വളെയധികം സൂക്ഷിക്കേണ്ടതുണ്ട്. ഏതെങ്കിലും പദ്ധതിയിൽ പണം നിക്ഷേപിക്കുന്നതിന് മുമ്പ് നന്നായി ആലോചിക്കണം. ഈ ആഴ്ച നിങ്ങൾക്ക് യാത്രകൾ ഉണ്ടായേക്കാം. പ്രണയ ജീവിതത്തിൽ ജാഗ്രതയോടെ മുമ്പോട്ട് പോകുക. ദാമ്പത്യം സന്തോഷകരമാകാൻ പങ്കാളിയുടെ ആവശ്യങ്ങൾ അവഗണിക്കാതിരിക്കുക.മീനം (പൂരുരുട്ടാതി ¼, ഉതൃട്ടാതി, രേവതി)കഠിനാദ്ധ്വാനത്തിലൂടെ മാത്രമേ പ്രതീക്ഷിച്ച നേട്ടം മീനക്കൂറുകാർക്ക് ഈ വാരം കൈവരിക്കാനാകൂ. നിങ്ങളുടെ ജോലികൾ മറ്റൊരാളെ ഏല്പിക്കാതിരിക്കുത്. ആരോഗ്യ കാര്യത്തിൽ പ്രത്യേകം ശ്രദ്ധിക്കേണ്ടതുണ്ട്. ചില ആരോഗ്യ പ്രശ്നങ്ങൾക്ക് സാധ്യതയുണ്ട്. ബന്ധങ്ങളിൽ വിള്ളൽ വീഴാതെ നോക്കണം. കുടുംബത്തിലെ ചില പ്രശ്നങ്ങൾ മൂലം മനസിലെ ക്ലേശം അനുഭവപ്പെടും. ബിസിനസ് പ്രതീക്ഷിച്ച നേട്ടം കൈവരിക്കണമെന്നില്ല. എന്നാൽ ആഴ്ചയുടെ അവസാന ദിവസങ്ങളിൽ ബിസിനസ് മെച്ചപ്പെടും. സമ്പത്തിൽ വർദ്ധനവുണ്ടാകയും. പ്രണയ ജീവിതവും ദാമ്പത്യ ജീവിതവും സന്തോഷകരമായി മുമ്പോട്ട് നീങ്ങും.


Source link