കടൽക്കൊള്ളക്കാരുമായി വീണ്ടും ഏറ്റുമുട്ടി ഇന്ത്യൻ നാവികസേന; ലക്ഷ്യം ഇറാനിയൻ കപ്പലിന്റെ മോചനം

അറബിക്കടലിൽ നാവികസേനയുടെ രക്ഷാദൗത്യം, കടൽകൊള്ളക്കാരുമായി ഏറ്റുമുട്ടി – Latest News | Manorama Online

കടൽക്കൊള്ളക്കാരുമായി വീണ്ടും ഏറ്റുമുട്ടി ഇന്ത്യൻ നാവികസേന; ലക്ഷ്യം ഇറാനിയൻ കപ്പലിന്റെ മോചനം

ഓൺലൈൻ ഡെസ്ക്

Published: March 29 , 2024 11:01 PM IST

1 minute Read

Photo -ANI

ന്യൂഡൽഹി∙ അറബിക്കടലിൽ വീണ്ടും കടൽക്കൊള്ളക്കാരുമായി ഏറ്റുമുട്ടി ഇന്ത്യൻ നാവികസേന. കൊള്ളക്കാർ പിടിച്ചെടുത്ത ഇറാനിയൻ മത്സ്യബന്ധന കപ്പൽ മോചിപ്പിക്കാനുള്ള ശ്രമത്തിലാണ് സൈന്യം. 9 സായുധ കടൽക്കൊള്ളക്കാർ കപ്പലിൽ കയറിയതായി റിപ്പോർട്ടുണ്ട്. 

സമുദ്രസുരക്ഷാ പ്രവർത്തനങ്ങൾക്കായി അറബിക്കടലിൽ വിന്യസിച്ച രണ്ട് ഇന്ത്യൻ പടക്കപ്പലുകളാണ് ഇറാനിയൻ കപ്പലിനെ മോചിപ്പിക്കാനുള്ള രക്ഷാദൗത്യത്തിൽ ഏർപ്പെട്ടിരിക്കുന്നത്. കപ്പലിലെ ജീവനക്കാർ പാക്കിസ്ഥാൻ സ്വദേശികളാണെന്ന് ഉദ്യോഗസ്ഥർ അറിയിച്ചു.

കഴിഞ്ഞദിവസം സൊമാലിയൻ തീരത്തുനിന്നും പിടിയിലായ 35 കടൽക്കൊള്ളക്കാരുമായി ഐഎൻഎസ് കൊൽക്കത്ത യുദ്ധക്കപ്പൽ മുംബൈ തീരത്ത് എത്തിയിരുന്നു. നാവികരുടെ സുരക്ഷയ്ക്കും വാണിജ്യവ്യാപാരം നിരീക്ഷിക്കാനും അറബിക്കടലിലും ഏദൻ ഉൾക്കടലിലും ഇന്ത്യൻ നാവികസേന കപ്പലുകൾ വിന്യസിച്ചിട്ടുണ്ട്.

English Summary:
Indian Navy responds to piracy attack on Iranian fishing vessel, operation underway

5us8tqa2nb7vtrak5adp6dt14p-2024-03 40oksopiu7f7i7uq42v99dodk2-2024-03 40oksopiu7f7i7uq42v99dodk2-list 5us8tqa2nb7vtrak5adp6dt14p-2024-03-29 40oksopiu7f7i7uq42v99dodk2-2024-03-29 mo-environment-arabian-sea 5us8tqa2nb7vtrak5adp6dt14p-2024 mo-defense-indiannavy 5us8tqa2nb7vtrak5adp6dt14p-list mo-news-world-countries-india-indianews 1rkgtla52lc8l2mo450sllu19n 1ggvluso1ph1rt224p2a56i61p 40oksopiu7f7i7uq42v99dodk2-2024

Source link