ഇലക്ടറൽ ബോണ്ട് ആര് ആർക്ക് നൽകി? കണ്ടെത്താനായേക്കില്ല

ഇലക്ടറൽ ബോണ്ട് ആര് ആർക്ക് നൽകി? കണ്ടെത്താനായേക്കില്ല – Electoral bond given to whom? May not be found | India News, Malayalam News | Manorama Online | Manorama News

ഇലക്ടറൽ ബോണ്ട് ആര് ആർക്ക് നൽകി? കണ്ടെത്താനായേക്കില്ല

മനോരമ ലേഖകൻ

Published: March 14 , 2024 02:33 AM IST

1 minute Read

ന്യൂഡൽഹി ∙ ഇലക്ടറൽ ബോണ്ട് വിവരങ്ങൾ പ്രസിദ്ധീകരിച്ചാലും ഒരു കമ്പനി വാങ്ങിയ നിശ്ചിത ബോണ്ട് ഏതു പാർട്ടിയാണ് പണമാക്കിയതെന്നു കണ്ടെത്താൻ കഴിഞ്ഞേക്കില്ല. വ്യാജ ബോണ്ടുകൾ തടയാനായി സുരക്ഷാമുൻകരുതലെന്ന നിലയിൽ ഓരോ ബോണ്ടിനും സീരിയൽ നമ്പറുണ്ട്. ഇവ അൾട്രാവയലറ്റ് വെളിച്ചത്തിലേ കാണാനാകൂ. എന്നാൽ, എസ്ബിഐ ഈ സീരിയൽ നമ്പരുകൾ അതതു വ്യക്തിയുടെ/കമ്പനിയുടെ പേരിൽ രേഖപ്പെടുത്താറില്ലെന്നു മുൻ ധന സെക്രട്ടറി സുഭാഷ് ചന്ദ്ര ഗാർഗ് വ്യക്തമാക്കിയിരുന്നു. ബോണ്ട് വാങ്ങിയയാളെ കണ്ടെത്താൻ ഈ നമ്പർ ഉപയോഗിക്കാനാവില്ലെന്നു സർക്കാരും വ്യക്തമാക്കിയിട്ടുണ്ട്.
അങ്ങനെയെങ്കിൽ, എസ്ബിഐ നൽകിയിരിക്കുന്ന പട്ടികയിൽ ബോണ്ടുകളുടെ സീരിയൽ നമ്പറുണ്ടാകില്ല. സുപ്രീം കോടതി ഇതു ചോദിച്ചിട്ടുമില്ല. സീരിയൽ നമ്പറുണ്ടെങ്കിൽ ഒരു കമ്പനി വാങ്ങിയ നിശ്ചിത ബോണ്ട് ഏതു പാർട്ടിയാണ് പണമാക്കി മാറ്റിയതെന്നു 2 ലിസ്റ്റുകളും താരതമ്യം ചെയ്ത് കണ്ടെത്താമായിരുന്നു. പല കമ്പനികളും ഉപകമ്പനികളുടെ പേരിലാകാം ബോണ്ടുകൾ വാങ്ങിയതെന്ന പ്രശ്നവുമുണ്ട്. എങ്കിലും തീയതിയും മറ്റു സൂചനകളും വച്ച് ചില സംഭാവനകൾ ഏതു പാർട്ടിക്കാണു ലഭിച്ചതെന്നു മനസ്സിലാക്കാൻ കഴിഞ്ഞേക്കും. 

English Summary:
Electoral bond given to whom? May not be found

40oksopiu7f7i7uq42v99dodk2-2024-03 6anghk02mm1j22f2n7qqlnnbk8-2024-03 40oksopiu7f7i7uq42v99dodk2-list mo-judiciary-supremecourt 6anghk02mm1j22f2n7qqlnnbk8-2024-03-14 mo-business-sbi 40oksopiu7f7i7uq42v99dodk2-2024-03-14 mo-news-world-countries-india-indianews 3ljv6a67ahn47a7l8fd83rvcun 6anghk02mm1j22f2n7qqlnnbk8-list mo-business-electoralbond 6anghk02mm1j22f2n7qqlnnbk8-2024 mo-legislature-governmentofindia 40oksopiu7f7i7uq42v99dodk2-2024