അഞ്ചാമത് ഇരിങ്ങാലക്കുട രാജ്യാന്തര ചലച്ചിത്രോത്സവത്തിനു ഗംഭീര തുടക്കം

അഞ്ചാമത് ഇരിങ്ങാലക്കുട രാജ്യാന്തര ചലച്ചിത്രോൽസവത്തിന്റെ ഉദ്ഘാടനം ഇരിങ്ങാലക്കുട നഗരസഭ  ചെയർപേഴ്സൺ സുജ സഞ്ജീവ്കുമാർ നിർവഹിച്ചു. ഫിലിം സൊസൈറ്റി എക്സിക്യൂട്ടീവ് അംഗം രാധാകൃഷ്ണൻ വെട്ടത്ത് രചിച്ച കാഴ്ചയുടെ ഋതുഭാവങ്ങൾ എന്ന പുസ്തകത്തിന്റെ പ്രകാശനം, ആദാമിന്റെ വാരിയെല്ല് സിനിമയുടെ നിർമാതാവ് എടത്തിരുത്തി സ്വദേശി വിൻസെൻ്റ് ചിറ്റിലപ്പിള്ളിയെ ആദരിക്കൽ എന്നിവയും നടന്നു. 
നളിനകാന്തിയുടെ പ്രദർശനത്തിന് ശേഷം സംവിധായകനും എഴുത്തുകാരനുമായ സുസ്മേഷ് ചന്ദ്രോത്തിനെ കവി സെബാസ്റ്റ്യൻ ആദരിച്ചു. ഐഎഫ്എഫ്ടി എക്സിക്യൂട്ടീവ് ഡയറക്ടർ ചെറിയാൻ ജോസഫ്, സുസ്മേഷ് ചന്ദ്രോത്തിന്റെ ഭാര്യയും ബാംഗ്ളൂർ ക്രൈസ്റ്റ് സർവകലാശാലയിലെ സാമ്പത്തിക ശാസ്ത്ര വിഭാഗം അധ്യാപികയുമായ ദീപ ,ഫിലിം സൊസൈറ്റി രക്ഷാധികാരി പി കെ ഭരതൻ മാസ്റ്റർ, സെന്റ് ജോസഫ്സ് കോളജ് മലയാളം വിഭാഗം അധ്യാപിക പ്രൊഫ ലിറ്റി ചാക്കോ , തുടങ്ങിയവർ ചടങ്ങുകളിൽ പങ്കെടുത്തു.

മലയാളത്തിലെ പുതുതലമുറ സംവിധായകരുടെ ചിത്രങ്ങളുമായി അഞ്ചാമത് ഇരിങ്ങാലക്കുട രാജ്യാന്തര ചലച്ചിത്ര മേള എത്തുന്നത്. മിനി ഐ.ജി., സുസ്മേഷ് ചന്ത്രോത്ത്, വിധു വിൻസന്റ്, പ്രതാപ് ജോസഫ്, ഇന്ദു ലക്ഷ്മി, ലിജീഷ് മുല്ലേഴത്ത്, ശ്രുതി ശരണ്യം, പ്രശാന്ത് മുരളി, സുനിൽ മാലൂർ, അഭിജിത്ത് അശോകൻ എന്നിവരുടെ ചിത്രങ്ങളോടൊപ്പം കവയത്രി സുഗതകുമാരിയുടെ സാമൂഹിക ഇടപെടലുകളെ പ്രതിപാദിക്കുന്ന എം.ആർ. രാജൻ സംവിധാനം ചെയ്ത തോൽക്കുന്ന യുദ്ധത്തിലെ പടയാളികൾ, മൂന്നാറിലെ തോട്ടം തൊഴിലാളി സ്ത്രീകൾ  നടത്തിയ സമരത്തെ ആസ്പദമാക്കി രാംദാസ് കടവല്ലൂർ സംവിധാനം ചെയ്ത മണ്ണ് എന്നീ ഡോക്യുമെന്ററികളും പ്രദർശന വേദിയായ മാസ് മൂവീസിൽ മാർച്ച് 8 മുതൽ 14 വരെയുള്ള ദിവസങ്ങളിലായി നടക്കുന്ന ചലച്ചിത്ര മേളയിൽ പ്രദർശിപ്പിക്കും. 
വിവിധ ഭാഷകളിൽ നിന്നായി 21 ചിത്രങ്ങളാണ് മാസ് മൂവീസിലും ഓർമ ഹാളിലുമായി രാവിലെ 10, 12 , വൈകീട്ട് 6 എന്നീ സമയങ്ങളിൽ സ്ക്രീൻ ചെയ്യുന്നത്. ഫെസ്റ്റിവലിന്റെ ഔദ്യോഗിക ഫെയ്സ്ബുക്ക് പേജിന്റെ പ്രകാശനം തൃശ്ശൂർ റൂറൽ പോലീസ് മേധാവി നവനീത് ശർമ്മ ഐപിഎസ് നിർവഹിച്ചു. ചലച്ചിത്ര മേളകളിലൂടെ പരിചയപ്പെടുന്ന ചിത്രങ്ങൾ  പുതിയ തലമുറയുടെ ഭാവുകത്വപരിണാമത്തിനും പുതിയ എഴുത്തുകാരുടെയും സംവിധായകരുടെയും പിറവിക്ക് കാരണമാകുമെന്നും നവനീത് ശർമ്മ ഐപിഎസ് പറഞ്ഞു. 

ഇരിങ്ങാലക്കുട ഫിലിം സൊസൈറ്റി പ്രസിഡന്റ്മനീഷ് അരീക്കാട്ട് അധ്യക്ഷത വഹിച്ചു. രക്ഷാധികാരി പി.കെ. ഭരതൻ, സെക്രട്ടറി  നവീൻ ഭഗീരഥൻ, വൈസ്-പ്രസിഡന്റ് ടി.ജി. സിബിൻ, ട്രഷറർ ടി.ജി. സച്ചിത്ത്, ജോയിന്റ് സെക്രട്ടറി ജോസ് മാമ്പിള്ളി, എക്സിക്യൂട്ടീവ് അംഗങ്ങളായ രാജീവ് മുല്ലപ്പിള്ളി, എം എസ് ദാസൻ തുടങ്ങിയവ

English Summary:
Irinjalakuda International Film Festival (IFFI)