വിവാഹാഘോഷം വിദേശത്തുവേണ്ട: പ്രധാനമന്ത്രി

വിവാഹാഘോഷം വിദേശത്തുവേണ്ട: പ്രധാനമന്ത്രി – Wedding celebration should not take place abroad says Prime Minister Narendra Modi | India News, Malayalam News | Manorama Online | Manorama News

വിവാഹാഘോഷം വിദേശത്തുവേണ്ട: പ്രധാനമന്ത്രി

മനോരമ ലേഖകൻ

Published: March 08 , 2024 03:32 AM IST

1 minute Read

നരേന്ദ്രമോദി

ശ്രീനഗർ ∙ വിവാഹാഘോഷത്തിനു ഇന്ത്യയിലെ സ്ഥലങ്ങൾ തിരഞ്ഞെടുക്കാൻ ആളുകളെ പ്രോത്സാഹിപ്പിക്കുന്ന ‘വിവാഹം ഇന്ത്യയിൽ’ (വെഡ് ഇൻ ഇന്ത്യ) പ്രചാരണത്തിന്റെ ഭാഗമാകാൻ പ്രധാനമന്ത്രി നരേന്ദ്ര മോദി ആഹ്വാനം ചെയ്തു. വിദേശത്തുപോയി വിവാഹങ്ങൾ നടത്തുന്ന പ്രവണത ഒഴിവാക്കണമെന്നും രാജ്യത്തെ ഏതെങ്കിലും സ്ഥലം തിരഞ്ഞെടുക്കാനും ആവശ്യപ്പെട്ട പ്രധാനമന്ത്രി സ്വദേശി ടൂറിസം പ്രോത്സാഹിപ്പിക്കുന്ന ‘ചലോ ഇന്ത്യ’ പദ്ധതിയും പരാമർശിച്ചു. 
സ്വന്തം കുടുംബാംഗങ്ങളെ ഇന്ത്യ കാണാൻ അയയ്ക്കാൻ വിദേശ ഇന്ത്യക്കാരോട് അഭ്യർഥിച്ചു. പ്രാദേശിക സംരംഭങ്ങളെ ശക്തിപ്പെടുത്താനും കൂടുതൽ തൊഴിലുകൾ സൃഷ്ടിക്കാനും വേണ്ടി 5–10% വരെ കശ്മീരിൽ ചെലവഴിക്കാൻ സഞ്ചാരികളോടും മോദി അഭ്യർഥിച്ചു. 2019 ൽ പ്രത്യേക പദവി റദ്ദാക്കിയശേഷം ഇതാദ്യമായാണു മോദി കശ്മീരിൽ ഒരു റാലിയിൽ പ്രസംഗിക്കുന്നത്. ‘വികസിത് ഭാരത്, വികസിത് കശ്മീർ’ പദ്ധതിയുടെ ഭാഗമായി 6400 കോടി രൂപയുടെ വികസനം പ്രധാനമന്ത്രി ഉദ്ഘാടനം ചെയ്തു.

English Summary:
Wedding celebration should not take place abroad says Prime Minister Narendra Modi

40oksopiu7f7i7uq42v99dodk2-2024-03 78i3k42gklaqcc64g5s2dn0vv6 6anghk02mm1j22f2n7qqlnnbk8-2024-03-08 mo-news-common-malayalamnews 40oksopiu7f7i7uq42v99dodk2-2024-03-08 6anghk02mm1j22f2n7qqlnnbk8-2024-03 40oksopiu7f7i7uq42v99dodk2-list mo-news-world-countries-india-indianews 6anghk02mm1j22f2n7qqlnnbk8-list 6anghk02mm1j22f2n7qqlnnbk8-2024 mo-politics-leaders-narendramodi 40oksopiu7f7i7uq42v99dodk2-2024

Source link