കള്ളപ്പണം വെളുപ്പിക്കൽ: പേയ്ടിഎം ബാങ്കിന് 5.49 കോടി പിഴ ചുമത്തി ഫിനാൻഷ്യൽ ഇന്റലിജൻസ് യൂണിറ്റ്

കള്ളപ്പണം വെളുപ്പിക്കൽ: പേയ്ടിഎം ബാങ്കിന് 5.49 കോടി പിഴ ചുമത്തി ഫിനാൻഷ്യൽ ഇന്റലിജൻസ് യൂണിറ്റ്- Paytm | Manorama News

കള്ളപ്പണം വെളുപ്പിക്കൽ: പേയ്ടിഎം ബാങ്കിന് 5.49 കോടി പിഴ ചുമത്തി ഫിനാൻഷ്യൽ ഇന്റലിജൻസ് യൂണിറ്റ്

ഓൺലൈൻ ഡെസ്‌ക്

Published: March 01 , 2024 10:10 PM IST

1 minute Read

ചിത്രം: REUTERS/Dado Ruvic

ന്യൂഡൽഹി∙ റിസർവ് ബാങ്ക് നടപടിക്കു പിന്നാലെ പേയ്ടിഎം പേയ്മെന്റ് ബാങ്കിന് വീണ്ടും തിരിച്ചടിയായി 5.49 കോടി രൂപ പിഴ. കള്ളപ്പണം വെളുപ്പിക്കൽ ആരോപിച്ച് ഫിനാൻഷ്യൽ ഇന്റലിജൻസ് യൂണിറ്റ്-ഇന്ത്യ (എഫ്ഐയു-ഐഎൻഡി) ആണ് പിഴ ചുമത്തിയത്. ഓൺലൈൻ ചൂതാട്ടം ഉൾപ്പെടെയുള്ള നിയമവിരുദ്ധ പ്രവർത്തനങ്ങളെക്കുറിച്ച് കേന്ദ്ര ഏജൻസികളിൽനിന്നു ലഭിച്ച വിവരത്തിന്റെ അടിസ്ഥാനത്തിലാണ് നടപടിയെന്ന് എഫ്ഐയു-ഐഎൻഡി ഔദ്യോഗിക പ്രസ്താവനയിൽ അറിയിച്ചു.
കള്ളപ്പണം വെളുപ്പിക്കൽ തടയൽ നിയമത്തിന്റെ (പിഎംഎൽഎ) വ്യവസ്ഥകൾ ലംഘിച്ച് പേയ്ടിഎം പേയ്‌മെൻ്റ് ബാങ്ക് വഴി ചില സ്ഥാപനങ്ങൾ നിയമവിരുദ്ധമായി ഫണ്ടുകൾ കൈമാറ്റം ചെയ്തതായി എഫ്ഐയു-ഐഎൻഡി അറിയിച്ചു. അതേസമയം, രണ്ടു വർഷം മുൻപു തന്നെ നിർത്തലാക്കിയ ബിസിനസ് സെഗ്‌മെന്റിലെ പ്രശ്നങ്ങൾ അടിസ്ഥാനപ്പെടുത്തിയാണ് പിഴ ചുമത്തിയതെന്ന് പേയ്ടിഎം അറിയിച്ചു.

വിവിധ ചട്ടലംഘനങ്ങളുടെ പേരിലാണ് പേയ്ടിഎമ്മിനെതിരെ ആർബിഐ നടപടിയെടുത്തത്. ഫെബ്രുവരി 29ന് ശേഷം പേയ്ടിഎം ബാങ്കിന്റെ സേവിങ്സ്/കറന്റ് അക്കൗണ്ടുകൾ, വോലറ്റ്, ഫാസ്ടാഗ്, നാഷനൽ കോമൺ മൊബിലിറ്റി കാർഡ് എന്നിവയിൽ പണം നിക്ഷേപിക്കുന്നതാണ് ആർബിഐ വിലക്കിയത്. ഇതിന്റെ സമയപരിധി പിന്നീട് മാർച്ച് 15 വരെ നീട്ടി.

English Summary:
Paytm Bank Fined Over ₹ 5 Crore For Violations Under Money Laundering Act

5us8tqa2nb7vtrak5adp6dt14p-2024-03 40oksopiu7f7i7uq42v99dodk2-2024-03 40oksopiu7f7i7uq42v99dodk2-list mo-business-preventionofmoneylaunderingact 40oksopiu7f7i7uq42v99dodk2-2024-03-01 5us8tqa2nb7vtrak5adp6dt14p-2024 mo-crime-moneylaundering 3v6h7q7ln6modk10loh14ijku0 5us8tqa2nb7vtrak5adp6dt14p-2024-03-01 mo-business-paytm 5us8tqa2nb7vtrak5adp6dt14p-list mo-news-world-countries-india-indianews 40oksopiu7f7i7uq42v99dodk2-2024