റിലയൻസ്–ഡിസ്നി ലയന കരാറിൽ ഒപ്പുവച്ചു; 70,353 കോടി രൂപയുടെ തലപ്പത്തേക്ക് നിത അംബാനി-Nita Ambani|Breaking News|Indian News|Latest News|Malayalam News
റിലയൻസ്–ഡിസ്നി ലയനം: കരാറിൽ ഒപ്പുവച്ചു; നിത അംബാനി ചെയർപഴ്സൻ, റിലയൻസിന് 63.16% ഓഹരി
ഓൺലൈൻ ഡെസ്ക്
Published: February 28 , 2024 10:08 PM IST
Updated: February 28, 2024 10:16 PM IST
1 minute Read
നിത അംബാനി. Image Credit: nita.ambaniii
മുംബൈ∙ റിലയൻസ് ഇൻഡസ്ട്രീസ് ലിമിറ്റഡിന്റെ മാധ്യമവിഭാഗമായ വയാകോം 18 ഉം വാൾട്ട് ഡിസ്നിയുടെ ബിസിനസ് വിഭാഗമായ സ്റ്റാർ ഇന്ത്യയും തമ്മിൽ ലയനകരാറിൽ ഒപ്പുവച്ചു. ഇതോടെ വയാകോം 18 സ്റ്റാർ ഇന്ത്യയിൽ ലയിക്കും. ഡിസ്നി കണ്ടന്റുകളുടെ ലൈസന്‍സ് സംയുക്തസംരംഭത്തിനു കൈമാറും.
Read Also: ജയപ്രദയെ കാണാനില്ല; അറസ്റ്റ് ചെയ്ത് ഹാജരാക്കാൻ ഉത്തരവിട്ട് കോടതി: നടപടി തിരഞ്ഞെടുപ്പ് ചട്ടലംഘനക്കേസിൽ
റിലയന്‍സ് 11,500 കോടി രൂപ പുതിയ സംയുക്തസംരഭത്തില്‍ നിക്ഷേപിക്കും. റിലയന്‍സിന് 63.16 ശതമാനവും ഡിസ്‌നിക്ക് 36.84 ശതമാനവും ഓഹരികളാണുണ്ടാവുക. ലയനത്തോടെ സംയുക്തസംരംഭത്തിനു ഏകദേശം 70,353 കോടി രൂപയുടെ മൂല്യമുണ്ടാവും.
ലയനത്തോടെ വിനോദ ചാനലുകളായ കളേഴ്‌സ്, സ്റ്റാര്‍ പ്ലസ്, സ്റ്റാര്‍ ഗോള്‍ഡ് എന്നിവയും സ്‌പോര്‍ട്‌സ് ചാനലുകളായ സ്റ്റാര്‍ സ്പോർട്സ്, സ്‌പോര്‍ട്18 എന്നിവയും ജിയോ സിനിമയും ഹോട്‌സ്റ്റാറും പുതിയ സംയുക്തസംരംഭത്തിനു കീഴിലാവും. നിത അംബാനിയാവും സംയുക്തസംരംഭത്തിന്റെ ചെയര്‍പഴ്‌സൻ. നേരത്തേ വാള്‍ട്ട് ഡിസ്‌നിയില്‍ പ്രവര്‍ത്തിച്ചിരുന്ന ഉദയ് ശങ്കറാണ് വൈസ് ചെയര്‍മാന്‍. നിലവില്‍ അദ്ദേഹം വയാകോം18 ബോര്‍ഡ് അംഗമാണ്.
English Summary:
Entertainment Giant Emerges: Nita Ambani to Chair the New Viacom18 and Star India Merger
40oksopiu7f7i7uq42v99dodk2-2024-02 40oksopiu7f7i7uq42v99dodk2-list mo-news-national-personalities-nita-ambani mo-business-relianceindustries 40oksopiu7f7i7uq42v99dodk2-2024-02-28 mo-news-national-states-maharashtra-mumbai 5us8tqa2nb7vtrak5adp6dt14p-2024 5us8tqa2nb7vtrak5adp6dt14p-2024-02-28 5us8tqa2nb7vtrak5adp6dt14p-list lblgm2r12hbd74o8dru2p1a1t mo-news-world-countries-india-indianews 40oksopiu7f7i7uq42v99dodk2-2024 5us8tqa2nb7vtrak5adp6dt14p-2024-02
Source link