സഹോദരിയുടെ രക്ഷാകർതൃത്വം നിയമപരമായ അവകാശമല്ല

സഹോദരിയുടെ രക്ഷാകർതൃത്വം നിയമപരമായ അവകാശമല്ല-Supreme Court | Guardianship | Malayalam News | India News | Manorama Online | Manorama News

സഹോദരിയുടെ രക്ഷാകർതൃത്വം നിയമപരമായ അവകാശമല്ല

മനോരമ ലേഖകൻ

Published: February 17 , 2024 02:52 AM IST

1 minute Read

സുപ്രീം കോടതി (File Photo: JOSEKUTTY PANACKAL / MANORAMA)

ന്യൂഡൽഹി ∙ കോടതി ഉത്തരവില്ലാതെ, ഇളയ സഹോദരിയുടെ രക്ഷാകർതൃത്വം വഹിക്കാൻ മൂത്ത സഹോദരിക്ക് നിയമപരമായ അവകാശമില്ലെന്നു സുപ്രീം കോടതി നിരീക്ഷിച്ചു. 
മറ്റൊരു സഹോദരിക്കും കുടുംബത്തിനുമൊപ്പമുള്ള ഇളയ സഹോദരിയെ വിട്ടുകിട്ടണമെന്ന് ആവശ്യപ്പെട്ട് ഹിമാചൽ സ്വദേശിനി നൽകിയ ഹേബിയസ് കോർപസ് ഹർജി പരിഗണിച്ചാണ് ജഡ്ജിമാരായ അനിരുദ്ധ ബോസ്, സഞ്ജയ് കുമാ‍ർ എന്നിവരുടെ ബെഞ്ച് ഇക്കാര്യം വ്യക്തമാക്കിയത്. 

ഇളയ സഹോദരിയെ ബലമായി ഒപ്പം പാർപ്പിക്കുകയും കാനഡയിലേക്ക് കൊണ്ടുപോകുകയും ചെയ്തെന്നാണ് ഹർജിയിൽ ആരോപിച്ചത്. എന്നാൽ, പെൺകുട്ടി സ്വമേധയാ ആണ് താമസിക്കുന്നതെന്നാണു പൊലീസ് നൽകിയ റിപ്പോർട്ട്.

രക്ഷാകർതൃത്വം ആവശ്യപ്പെട്ട് മൂത്ത സഹോദരിക്ക് ഉചിതമായ കോടതിയെ സമീപിക്കാമെന്നും ബെഞ്ച് വ്യക്തമാക്കി.

English Summary:
Elder Sister Has No Legal Right To Exercise Guardianship Over Younger Sister,unless there’s a court order,says Supreme Court

40oksopiu7f7i7uq42v99dodk2-2024-02 6anghk02mm1j22f2n7qqlnnbk8-2024-02 40oksopiu7f7i7uq42v99dodk2-list mo-news-world-countries-india-indianews 9qin4umtvt5p3cp7c1nluomud 6anghk02mm1j22f2n7qqlnnbk8-list mo-judiciary-supremecourt 40oksopiu7f7i7uq42v99dodk2-2024-02-16 6anghk02mm1j22f2n7qqlnnbk8-2024-02-16 6anghk02mm1j22f2n7qqlnnbk8-2024 40oksopiu7f7i7uq42v99dodk2-2024